Lɔmukalu 1:3 - Ala Ya Salatikan Kula Kitabu

³ Samakan Kein wo yi kumala ka bɛn a Denkɛ le ma, min taanin kɛla mɔ Tii Masa Tɔɔmasenin Isa le. Mɔɔnivinya ta boloma, Masakɛ Dawuda bɔzɔn ne a le.

Lɔmukalu 1:3 ပူးပေါင်းရင်းမြစ်များ

Matiyu 1:1

Masa Tɔɔmasenin Isa jilijaalu le ne. Isa tɛɛ Masakɛ Dawuda ni Nabi Ibulahima bɔzɔn ne le.

Matiyu 1:16

Janguba ka Jusufu sɔlɔn, min moso tɛɛ Mɔyamu le. Mɔyamu wo le ka Isa sɔlɔn, ai y'a fɔla min ma ko Masa Tɔɔmasenin.

Matiyu 1:6

Jese ka Masakɛ Dawuda sɔlɔn. Masakɛ Dawuda ka Masakɛ Sulimana sɔlɔn, min ba tɛɛ Uliya moso le.

Matiyu 12:23

Mɔɔ bɛ ka kawakoya, ai vɛɛ: «Ai y'a fɔla mɔɔ min ma ko Dawuda Bɔzɔn, ale le min ne?»

Matiyu 15:22

Kanaan duulen moso dɔ ka na a ma kasi le. A do vɛɛ a yɛ: «Ǹ Kuntii, Dawuda Bɔzɔn, hena ǹ na! Ǹ denmoso yi tɔlɔyala bubale jina dɔ bolo!»

Matiyu 26:63

Kɛɛ Isa ka jeden. Salakalase kuntiiba do vɛɛ a yɛ: «Ǹ'a fɛ i yi kalin Ɲɛnɛmayatii Ala tɔɔ la k'a fɔ mɔ yɛ ni ile le Masa Tɔɔmasenin ne, ani Ala Denkɛ.»

Matiyu 27:43

A lanin Ala la. Ni aa ko diyanin ka kɛ Ala yɛ, Ala gbu y'a lakisi vɛ! Kamasɔlɔn ale le n'a fɔla, a vɛɛ: ‹Ala Denkɛ le ǹ ne.› »

Matiyu 3:17

Kumakan dɔ ka bɔ sangbolo lɔ, a vɛɛ: «Ǹ diyanan Denkɛ le ne. A do vɛ ǹ kɔnɔlɔdiya bubale.»

Matiyu 9:27

Isa bɔtɔla je, ɲagbɛ kɛ́ fila v'i wulila ka bila a kɔ gbanɔ le, ai vɛɛ: «Dawuda Bɔzɔn! Hena mɔ la!»

Luka 1:35

Mɛlɛka do k'a javi, a vɛɛ: «Nii Sɛnɛyanin jiitɔ i kan, ani Masa Taala ya seetiiya bilintɔ i kunna. Wo le y'a ma, i kɛtɔ lɔhɔlɔma den min sɔlɔnna, mɔɔlu kɛtɔ a fɔla a ma ko Ala Denkɛ.

Luka 1:69

A na Lakisilikɛba makawanin lanala mɔ ma, ka bɔ aa jɔn Masakɛ Dawuda ya bonna lɔ.

Yohana 1:14

Kumakan ka kɛ adamaden ne k'i sii mɔ tɛma. Mɔ do na aa magbiliyali yena, ale Denkɛ kelenpesa min Fa na a lanala aa magbiliyali lɔ, nɛɛma ni tuɲandeya dafanin min nɔ.

Yohana 1:34

Ǹ na wo kɛnin yena, ani m̀'ɛ seleya di ko Ala Denkɛ le a le.»

Yohana 1:49

Nataniyɛli k'a javi, a vɛɛ: «Kalanmɔɔ, Ala Denkɛ le i le le, ani Isilan masakɛ!»

Yohana 10:30

Ǹe ni ǹ Fa yi kelen ne le.»

Yohana 10:36

Ni wo le, ǹe do, ǹe min tanin ǹ Fa bolo ka ǹ kelaya dunuɲa? Mindɛ lɔ ài y'a fɔla ko m̀'ɛ Alalafeyakan fɔ, kamasɔlɔn n'a fɔla mingɛ ko Ala Denkɛ le ǹ ne?

Yohana 20:28

Tomasi k'a javi, a vɛɛ: «Ǹ Kuntii, ani ǹ Tii!»

Yohana 20:31

Kɛɛ ko minu sɛvɛnin fɔsa ài yi limaniya k'a fɔ ko Isa le Masa Tɔɔmasenin ne ani Ala Denkɛ. Ài do vɛ limaniyala a ma, ài kɛtɔ niimaya sɔlɔnna a tɔɔ fɛ.

Yohana 5:25

Ǹ'i tuɲa fɔ ài yɛ, waate dɔ sentɔ, a do vɛ se butu, fulenilu kɛtɔ Ala Denkɛ kumakan mɛnna, ado minu vɛ a kumakan mɛnna, wolu le kɛtɔ niimaya kɛla.

Yohana 7:42

Jalasa a sɛvɛnin tɛ kitabu kɔnɔ ko Masa Tɔɔmasenin kɛtɔ Nabi Dawuda bɔzɔn ne le, ka bɔ Dawuda fɛso Bɛtilɛhɛmu?»

Kɛkolu 2:30

Kɛɛ kela le tɛɛ a le, min tɛɛ k'a lɔn ko Ala na lahedi min tala a yɛ, k'a kalin ko a kɛtɔ a bɔzɔn dɔ lasiila aa masayasiifen nɔ a kɔ.

Kɛkolu 3:13

Mɔ bemanu Tii Ala, min yi Ibulahima ni Isiyaka ani Janguba Tii le, wo le na ko ba min kɛla ka bɛn aa bɔiden Isa magbiliyako ma. Àilu le na a donna mɔɔlu bolo a faako lɔ, k'ài ban a lɔ Pilati ɲakɔlɔ, k'a talan a tɛɛ v'a latɛɛ ko a a bila.

Kɛkolu 8:36

Ai ka to taala ka se kɔɔ dɔ ma mingɛ, kɛ́ do vɛɛ Filipe yɛ: «A ye, kɔɔ le ne! Mindɛ le yi ǹ dansiila m̀ makoko la?»

Kɛkolu 9:20

A ka taa telemanin ka kawanili damina Jahudiyalu ya Aladalibonnu la, ka to a fɔla ai yɛ ko Isa yi Ala Denkɛ le le.

Lɔmukalu 1:9

Ǹ'i baalela Ala min yɛ ǹ josokun bɛ le a Denkɛ ya Samakan Kein lasenko lɔ, wo le ǹ sele le k'a fɔ ko ǹ'àiya ko lasena a ma waate bɛ lɔ

Lɔmukalu 4:1

Wo lɔ saa, m'i mindɛ fɔ ka bɛn Nabi Ibulahima ma, min taanin kɛla mɔ bema le ka bɛn mɔɔnivinya ta siya ma? A ka hangili mindɛ le sɔlɔn ka bɛn telenmandeya ma ka taa Ala ma?

Lɔmukalu 9:3

ka bɛn ǹa mɔɔlu ma, ǹ jɛlɛkanu siboloma koni. Kamasɔlɔn hali ni ǹ tɛɛ kɛ Ala ya daan kɔlɔ ani ka falan Masa Tɔɔmasenin ya kafonɲɔɔya la ai lakisiko lɔ, ǹ tɛɛ diɲale wo ma.

Lɔmukalu 9:5

Ai bemanu taanin kɛla Ibulahima, Isiyaka ni Janguba le le. Ado Masa Tɔɔmasenin ka na mingɛ adamadenya boloma, a fɛ tɛɛ ai siboloma le la. Ala min yi fen bɛ kunna, tanuli y'a yɛ habadan! Amiina.

1 Kolɛntikalu 1:9

Ala yi lanande le le, ale min n'ài kilila k'ài ladon a Denkɛ ya kafonɲɔɔya lɔ, min taanin kɛla mɔ Tii Masa Tɔɔmasenin Isa le.

1 Kolɛntikalu 10:18

Ài y'ài mili Bani Isilankalu ya ko ma: Mɔɔ minu yi salakasoo dɔnna, jalasa wolu dɛnnin tɛ salakagbalan wo le la?

Galatiyakalu 4:4

Kɛɛ Ala ya waate latɛɛnin ka se mingɛ, a ka a Denkɛ lana dunuɲa ka kɛ moso woloden ne, ka sɔlɔn seliya kɔlɔ,

1 Tɛsalonikakalu 1:10

Ài do yi Ala Denkɛ makɔnɔna ka bɔ haijɛnɛ, a na min lawulila ka bɔ saya lɔ. Ale Isa le yi mɔ lakisila ka mɔ bɔ Ala ya mɔnɛya natɔ kɔlɔ.

1 Timote 2:5

Kamasɔlɔn Ala kelenpesa le yi je, ado mɔɔwotɛlɔbɛnba kelen ne yi Ala ni adamadennu wotɛ. Wo le Masa Tɔɔmasenin Isa le, ale adamaden

1 Timote 3:16

Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

2 Timote 2:8

I hangili yi to Masa Tɔɔmasenin Isa lɔ, Dawuda bɔzɔn, min lawulinin ka bɔ saya lɔ, iwo ǹ'i Samakan Kein kawanili kɛla teme,

1 Yohana 1:3

Mɔ na ko minu yena, ani k'ai mɛn, m'i wolu le lasena ài ma, fɔsa àilu fana yi don maa kafonɲɔɔya lɔ. M'i kafonɲɔɔya lɔ min fɛ, wo le mɔ Fa le, ani a Denkɛ Masa Tɔɔmasenin Isa.

1 Yohana 3:23

A na jamali min ne dila mɔ ma, ko m'i limaniya a Denkɛ Masa Tɔɔmasenin Isa tɔɔ ma, ani k'i ɲɔɔ kanu iwo a na mɔ jamalila teme.

1 Yohana 3:8

Ni do mɔɔ min ka to julumbu tala, wo tii yi Soitana ya mɔɔ le le, kamasɔlɔn Soitana yi julumbu ta le la ka ta dunuɲa damina waate ma. Dailu min na kɛla Ala Denkɛ na nala dunuɲa, wo le Soitana kɛkolu lɔtiɲako le.

1 Yohana 4:15

Ni mɔɔ min k'i lɔ a la ko Isa yi Ala Denkɛ le le, wo vɛ kɛla, Ala yi wo tii ya kafonɲɔɔya lɔ, ado wo tii fana yi Ala ya kafonɲɔɔya lɔ.

1 Yohana 5:1

Ni mɔɔ mɔɔ ka limaniya a ma ko Isa yi Masa Tɔɔmasenin ne le, wo tii vɛ sɔlɔn kula kɛ Ala bolo. Ni do mɔɔ min vɛ den fa kanula, wo tii vɛ a den fana kanu.

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.

1 Yohana 5:5

Jene vɛ see sɔlɔn dunuɲa ma ni a tɛ mɔɔ le min limaniyanin a ma ko Isa yi Ala Denkɛ le le?

2 Yohana 1:7

Mɔɔlafilibalu vɛ siyaya dunuɲa yi ne, minu tɛ diɲala k'ai lɔ a la ko Masa Tɔɔmasenin Isa nanin dunuɲa mɔɔnivin falikolo lɔ. Mɔɔ suu wolu yi mɔɔlafiliba le le, ani Masa Tɔɔmasenin kɛlɛkɛɲɔɔ.

Ko Lankɛnɛmayanin 2:18

«A sɛvɛ k'a lataa limaniyajama ya mɛlɛka ma min yi Tiyatila so kɔnɔ, i vɛɛ: ‹A ye, Ala Denkɛ min ɲaden kɛnin iwo taamɛnɛn, ani min sen yi mɛnɛnna iwo solawulɛnnɛɛ manuunnin, wo kan ne min ne: