Lɔmukalu 1:16 - Ala Ya Salatikan Kula Kitabu

¹⁶ Ǹ tɛ maloyala Samakan Kein ya ko lɔ, kamasɔlɔn Ala ya seetiiya le wo le min yi nala kisiko le Isa malimaniyamɔɔlu bɛ yɛ, ka damina Jahudiyalu ma ani siboloma gbɛlɛ mɔɔlu fana.

Lɔmukalu 1:16 ပူးပေါင်းရင်းမြစ်များ

Malɛkɛ 8:38

Wo le kɛtɔ a kɛla, ni mɔɔ min vɛ maloyala ǹe ni ǹ kumakannu le bi lanandeyabalilu ni Alalɔnbalilu ɲakɔlɔ, wo vɛ kɛla, Mɔɔnivin Tanin yi maloyale wo tii le, a vɛ nala lon min na a Fa aa magbiliyali lɔ, lɔhɔlɔma mɛlɛkalu v'a fɛ.»

Luka 9:26

Wo le kɛtɔ a kɛla, ni mɔɔ min vɛ maloyala ǹe ni ǹ kumakannu le, Mɔɔnivin Tanin yi maloyale wo tii le, a vɛ nala lon min na aa magbiliyali lɔ, ani a Fa aa magbiliyali, ani lɔhɔlɔma mɛlɛkalu ya magbiliyali.

Yohana 7:35

Jahudiya kuntiilu k'a fɔ i ɲɔɔ yɛ, ai vɛɛ: «Kɛ́ min taatɔ min ne, k'a fɔ ko mɔ tɛnala a yena? Jalasa a a fɛ ka taa maa mɔɔlu ma minu siinin Gɛlɛki solu la, ka Gɛlɛkikalu kalan?

Kɛkolu 3:26

Wo lɔ, Ala na aa bɔiden tala k'a lana ài ma kunfɔlɔ le, fɔsa a yi balaka don ài lɔ, k'ài kelenkelenna bɛ bɔ àiya siya yonnu kɔkan.»

Lɔmukalu 10:17

Wo le y'a ma, mɔɔ yi limaniya sɔlɔnna tolomalɔ le fɛ, mɔɔ do yi min mɛnna, wo yi bɔla Masa Tɔɔmasenin kumakan ne lɔ.

Lɔmukalu 15:19

ani kawananko ni tɔɔmaselu, ani Nii Sɛnɛyanin ya foniseleya. Wo boloɲa ma, ka damina Jelusalɛmu ma ka taa sii Ilailikun koovi la, m̀'ɛ ǹa baale dafa ka Masa Tɔɔmasenin ya Samakan Kein lase fan wo bɛ lɔ.

Lɔmukalu 15:29

M̀'ɛ nala ài ma, ǹ k'a lɔn ko ǹ kɛtɔ nala Masa Tɔɔmasenin ya duwawu dafanin ne lɔ.

Lɔmukalu 2:9

Adamaden suu suu yi koyon kɛla, tɔlɔya ni kunnagbeya le kɛtɔ wo tii minala, ka damina Jahudiyalu ma ka taa sii siboloma gbɛlɛ mɔɔlu la.

Lɔmukalu 4:11

A do ka kɛnɛkɛ nɔ tɔɔmase sɔlɔn min k'a jiya ko Ala tɛɛ v'a jate telenmande le aa kɛnɛkɛbaliya lɔ ka bɛn aa limaniya le ma. Wo boloɲa kelen ma, Ibulahima kɛnin mɔɔ bɛ le bema le minu jatenin telenmande le Ala bolo ka bɛn aiya limaniya ma a ma, hali ai ka to kɛnɛkɛbaliya lɔ.

1 Kolɛntikalu 15:2

Ài do kɛtɔ kisila Samakan Kein min ne fɛ, ni ài fasanin ka to a ma, iwo ǹ n'ài kawanila teme. Niwotɛ, àiya limaniya yi kɛle kofuun ne.

1 Kolɛntikalu 2:2

Ǹ tɛɛ ài tɛma waate min nɔ, ǹ k'a latɛɛ ko ǹ kà ko gbɛlɛ lɔn, mafɔ Masa Tɔɔmasenin Isa dein, ani a sako kɔlɔman ma.

1 Kolɛntikalu 2:4

Ǹ tɛɛ kumala ài fɛ ani ka kawanili kɛ waate min nɔ, ǹ tɛɛ tɛ ǹ da lɔdiyala iwo hangilima. Mafɔ, Nii Sɛnɛyanin ka aa foniseleya le jiya,

1 Kolɛntikalu 9:12

Ni jo ka kɛ dɔlu bolo ko ai yi balo sɔlɔn ài la, jalasa jo tɛ ǹu bolo ka timin wolu la? Kɛɛ wo bɛ n'a kɛ, mɔ na mɔ joko tola ten. Mɔ do yi ko bɛ minala mɔ ma, fɔsa foi kana Masa Tɔɔmasenin ya Samakan Kein lasenko dansii.

1 Kolɛntikalu 9:18

Wo le y'a ma, ǹ tɔnɔ yi mindɛ le? Ale le min ne: Ka Samakan Kein lase, min tɛ sanna. Wo le n'a kɛla, m̀'ɛ m̀ ban ǹ joko wolu bɛ lɔ, minu yi m̀ bolo ka bɛn Samakan Kein lasenko ma.

2 Kolɛntikalu 2:12

Ǹ ka se Tolohasi so kɔnɔ mingɛ Masa Tɔɔmasenin ya Samakan Kein lasenko lɔ, ǹ k'a ye ko mɔ Tii tɛɛ vɛ da laka ǹ yɛ wo ko lɔ.

2 Kolɛntikalu 4:4

Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le.

2 Kolɛntikalu 9:13

Àiya baale wo sabu la, mɔɔlu kɛtɔ magbiliyali dila Ala ma, ka bɛn àiya kannabato ma, min yi Masa Tɔɔmasenin ya Samakan Kein labɔla gbɛ la. Ai kɛtɔ magbiliyali dila kɔtunun ka bɛn àiya niilifen wolu ma, ai yi minu lɔtalala i ɲɔɔ wotɛ, ailu ni dɔlu bɛ.

Galatiyakalu 1:7

A tɛ k'a fɔ ko Samakan Kein dɔgbɛlɛ le yi je, kɛɛ mɔɔ dɔlu y'ài tɛma minu y'ài hangili ɲaamina k'ai lɔja ka Masa Tɔɔmasenin ya Samakan Kein mafalin.

1 Tɛsalonikakalu 2:13

M'i balika bɔla Ala yɛ waate bɛ ka bɛn min ne ma, kamasɔlɔn ài na Ala kumakan mɛnna mɔ da mingɛ, ài ma a jate iwo adamaden kumakan dein, mafɔ ài n'ài bolo siila a kɔlɔ iwo a yi teme bɛlɛbɛlɛ kɛ, min yi Ala kumakan ne. Wo le do yi baalela àilu limaniyamɔɔlu josokun nɔ.

1 Timote 1:11

Kalan min bɛnnin Samakan Kein ne ma, min yi Tanulitii Ala nɔɔlɔ jiyala, a na min kalifala ǹ na.

2 Timote 1:12

Wo le n'a kɛla, tɔlɔya min bɛ na m̀ masɔlɔnna. Kɛɛ wo maloya tɛ ǹ na, kamasɔlɔn ǹ ka ale lɔn, ǹ limaniyanin ale min ma. Ado ǹ layine a la feu ko a na ko min kalifala ǹ na, a see y'a yɛ ka wo lakana haan fɔɔ a nalon.

2 Timote 1:16

Mɔ Tii yi hena Onesifɔli ya bonnamɔɔlu la, kamasɔlɔn a vɛ ǹ sɛmɛdon siɲa siyama le. A do ma maloya ǹa ko lɔ, hali ǹ silinin ka kɛ jɔlɔkɔ la yi ne.

2 Timote 1:8

Wo le y'a ma, i kà maloya ka bɛn mɔ Tii ya seleya diko ma, niwotɛ ǹa ko ma, hali ǹ'i kaso le la yi ne ka bɛn aa ko ma. Kɛɛ fɔ i fɛ yi kɛ ǹa tɔlɔyalu la ka bɛn Samakan Kein ya ko ma, Ala fanga sabu la,

Hebululu 4:12

Kamasɔlɔn Ala kumakan y'a nii la, a do fanga buɲanin. A damaayine ka timin siyamifan da fila bɛ la. A do yi mɔɔ sɔɔ le la ka taa se a nunakili ni a josokun dan ma, ani a kolotuunya ni a kologbɔlɔ dan ma. A yi mɔɔ miliyalu ni a josokunnɔkolu bɛ lakɔlɔsila k'ai lɔn.

1 Piyɛli 4:16

Kɛɛ ni ài dɔ ka tɔlɔya masɔlɔn kamasɔlɔn Masa Tɔɔmasenin kɔbiladen ne a le, wo tii kà maloya wo lɔ, mafɔ ka Ala tanu ka bɛn tɔɔ wo ma.