Filemɔn 1:9 - Ala Ya Salatikan Kula Kitabu

⁹ kɛɛ a diyayine ǹ yɛ ǹ'i madiya kanundeya boloma, ǹe Pɔli min yi kɛmɔba le ani kasoden butu ka bɛn Masa Tɔɔmasenin Isa ya ko ma.

Filemɔn 1:9 ပူးပေါင်းရင်းမြစ်များ

Lɔmukalu 12:1

M̀ badenmalu, ǹ'ài madiyala ka bɛn Ala ya henandeya ba ma ài yɛ, ǹ ko, ài y'ài jɛlɛ di Ala ma iwo salaka ɲɛnɛma, Ala a bolo siila salaka sɛnɛyanin min suu kɔlɔ. Wo do yi batokɛɲa bɛlɛbɛlɛ le le, ài ka kan ka min kɛ.

2 Kolɛntikalu 5:20

Ǹu le taanin kɛla Masa Tɔɔmasenin ɲa le, ka kɛ iwo Ala yi ǹu le labaalela mɔɔlu kiliko lɔ. M'ài madiyala Masa Tɔɔmasenin tɔɔ lɔ, mɔ vɛɛ: «Àilu ni Ala wotɛ yi bɛn!»

2 Kolɛntikalu 6:1

Komi Ala baalekɛɲɔɔ le mɔ le, wo lɔ, m'a fɔla ài yɛ k'a magbeleya ko ài na nɛɛma min sɔlɔnna Ala bolo, ài kà diɲa wo yi kɛ kofuun ne.

Galatiyakalu 3:26

Kamasɔlɔn ài bɛ yi Ala den ne le ka bɛn limaniya ma Masa Tɔɔmasenin Isa ya kafonɲɔɔya lɔ.

Ɛfɛsikalu 3:1

Wo le n'a kɛla, ǹe Pɔli yi Ala dalila ài yɛ, ǹe min kɛnin Masa Tɔɔmasenin Isa ya kasoden ne àilu siboloma gbɛlɛ mɔɔlu ya ko lɔ.

Ɛfɛsikalu 4:1

Ǹe min kɛnin kasoden ne mɔ Tii ya ko lɔ, ǹ'a fɔla ài yɛ k'a magbeleya, ǹ ko, Ala n'ài kilila min kanma, ài taamaɲa yi bɛn wo ma.

Ɛfɛsikalu 6:20

ǹe min kɛnin keladen ne ka bɛn wo ma, hali ǹ silinin ka kɛ jɔlɔkɔ la yi ne. Wo lɔ, ài yi Ala dali ǹ yɛ, fɔsa ǹ'i se ka wo lase josolagbeleya boloma iwo ǹ ka kan k'a kɛ teme.

1 Timote 1:12

Ǹ'i balika bɔla mɔ Tii Masa Tɔɔmasenin Isa yɛ, ale min na ǹ sɛmɛdonna, kamasɔlɔn a vɛ ǹ jate lanande le ka m̀ bila aa bɔidenya la.

Tite 2:2

A fɔ kɛmɔbalu yɛ ko ai yi kɛ mɔɔ sɔvɛ le, k'ai jɛlɛ buɲa, ani k'ai jɛlɛ lɔmina, ani ka sawati limaniya ni kanundeya ni sawali lɔ.

Hebululu 13:19

Ǹ'a fɔla ài yɛ k'a magbeleya, ài yi Ala dali fɔsa ǹ'i ǹ kɔsei ài ma jona.

1 Piyɛli 2:11

Ǹ diyananmɔɔlu, komi kɔɔkanmɔɔ ni lona le ài le dunuɲa, wo lɔ, ǹ'a fɔla ài yɛ k'a magbeleya, ài y'ài ban ài falikolo niikanukolu ma minu y'ài nunakili kɛlɛla.