Filemɔn 1:24 - Ala Ya Salatikan Kula Kitabu

²⁴ M̀ baalekɛɲɔɔ tɔlu, Malɛkɛ, ani Alisitakusi, ani Demasi, ani Luka, wolu fana y'i fola.

Filemɔn 1:24 ပူးပေါင်းရင်းမြစ်များ

Kɛkolu 12:12

Piyɛli ka wo ɲaye mingɛ, a ka taa Mɔyamu ya bon na, Yohana ba koni, ai tɛɛ a fɔla min ma ko Malɛkɛ, mɔɔ siyama ladɛnnin tɛɛ tɛɛminja, ai vɛ Ala dalila Piyɛli yɛ.

Kɛkolu 12:25

Sawuli ni Baanabasi ka na madɛmɛlifen ne Jelusalɛmu mingɛ, ai ka seikɔ Yohana le, ai tɛɛ a fɔla min ma ko Malɛkɛ.

Kɛkolu 13:13

Wo kɔ, Pɔli ni a taamaɲɔɔlu ka don kulunba kɔnɔ Pafɔsi so kɔnɔ ka taa Pɛlɛga so kɔnɔ, min yi Panfili koovi lɔ. Yohana (ai tɛɛ a fɔla min ma ko Malɛkɛ), wo ka bɔ ai fɛ je le ka seikɔ Jelusalɛmu.

Kɛkolu 19:29

Wɔyɔkan wo ka so fan bɛ lamaamaa. Pɔli taamaɲɔɔ fila minu tɛɛ Gayusi ni Alisitakusi le ka bɔ Maseduwani, jama k'i kɛ wolu kan telemanin k'ai fɔnfɔn ka taa ai le so ladɛnkɛya lɔ.

Kɛkolu 27:2

Mɔ ka kulun dɔ talan je, min bɔnin tɛɛ Adalimite so kɔnɔ. Kulun wo tɛɛ taala kɔɔji dafɛ solu la Esiya koovi lɔ. Mɔ ka don wo kɔnɔ ka taa. Ado Maseduwanika kɛ́ dɔ tɛɛ mɔ fɛ ka bɔ Tɛsalonika so kɔnɔ, min tɔɔ tɛɛ ko Alisitakusi.

2 Kolɛntikalu 8:23

Tite koni, ǹ tɔva le a le, ani m̀ baaledenɲɔɔ ài madɛmɛnko lɔ. Mɔ badenma tɔ fila koni, limaniyajamalu ya mɔɔ kelayanin ne ai le Masa Tɔɔmasenin magbiliyako lɔ.

Filipikalu 2:25

M̀'ɛ m̀ mili ǹ ka kan ka Ɛpafolodite laseikɔ ài ma, ale min yi m̀ badenma le, ani m̀ baalekɛɲɔɔ, ani ǹ kɛlɛkɛdenɲɔɔ, ani àiya keladen fana ka bɛn m̀ mako laɲiako ma.

Filipikalu 4:3

Ile fana m̀ baalekɛɲɔɔ sɔvɛ, ǹ'i madiyala, i y'ai madɛmɛn fɔsa ai yi bɛn a lɔ. Kamasɔlɔn moso fila minu vɛ sɛyɛ ǹ fɛ Samakan Kein lasenko lɔ, iwo Kilɛmɛn ni m̀ baalekɛɲɔɔ tɔlu n'a kɛla teme, minu tɔɔ sɛvɛnin niimaya kitabu kɔnɔ.

Kɔlɔsikalu 4:10

Alisitakusi min yi kaso la ǹ fɛ, wo y'ài fola ani Malɛkɛ, Baanabasi bainkɛ den koni. M̀'ɛ ban ài lɔla ka bɛn Malɛkɛ ya ko ma, ǹ ko, a vɛ nala ài fɛlɔ, ài y'ài bolo sii a kɔlɔ kobɛn.

Kɔlɔsikalu 4:14

Mɔ diyanan dɔtɔlɔ Luka y'ài fola, ani Demasi fana.

1 Piyɛli 5:13

Limaniyajama min yi Babilɔn so kɔnɔ, Ala na minu tala iwo àilu, wolu y'ài fola, ani ǹ denkɛ Malɛkɛ fana.

3 Yohana 1:8

Wo ma, ǹu le ka kan ka mɔ bolo sii mɔɔ suu wolu kɔlɔ, fɔsa m'i kɛ ai baalekɛɲɔɔ le tuɲa lasenko lɔ.