Filemɔn 1:16 - Ala Ya Salatikan Kula Kitabu

¹⁶ A do tɛ jɔn jɛlɛla le butu, kɛɛ a vɛ timin wo la ka kɛ mɔ diyanan badenma le, ǹ ta fannɔ bɛlɛbɛlɛ le, kɛɛ i ta timintɔle ǹ ta la mɔɔnivinya boloma, ani mɔ Tii ya kafonɲɔɔya lɔ fana.

Filemɔn 1:16 ပူးပေါင်းရင်းမြစ်များ

Matiyu 23:8

Kɛɛ ài kà diɲa mɔɔlu y'a fɔ ài ma ko ‹Kalanmɔɔ›, kamasɔlɔn Kalanmɔɔ kelen ne ài bolo. Ài tɔ bɛ yi badenma le le.

Kɛkolu 9:17

Wo lɔ, Ananiya vɛ taala ka don bon wo la, k'a bolo la Sawuli kan, k'a fɔ a yɛ, a vɛɛ: «M̀ badenma Sawuli, mɔ Tii Isa min n'a jɛlɛ jiyala i la siya la, i tɛɛ nala jan waate min nɔ, wo le na ǹ lanala fɔsa i ɲa la yi ka kɔtunun, ani i josola yi fa Nii Sɛnɛyanin la.»

1 Kolɛntikalu 7:22

Ni mɔ Tii ka jɔn min kili, wo tii vɛ kɛ mɔ Tii ya mɔɔ lafɛlɛnin ne. Wo boloɲa kelen ma, ni mɔ Tii ka mɔɔ lafɛlɛnin min kili, wo tii vɛ kɛ Masa Tɔɔmasenin ya jɔn ne.

Kɔlɔsikalu 3:22

Jɔnnu, ài yi kolo àiya jɔnfalu yɛ ko bɛ lɔ minu y'ài kunna dunuɲa. Ài kà baale kɛ ka bɛn ai ɲakɔlɔla ma dein, fɔsa àiya ko yi diya ai yɛ teme, mafɔ ài yi baale josolɔgbɛya lɔ ka bɛn mɔ Tii ɲasiyanɲɛ ma.

1 Timote 6:2

Jɔn minu ya jɔnfalu taanin kɛla limaniyamɔɔlu le, ai kà aiya jɔnfalu lafeya k'a fɔ ko ai bɛ yi badenma le le. Kɛɛ ai do ka kan k'a dɔ la aiya baale ɲuma kɔkan, kamasɔlɔn mɔɔ minu yi nafa sɔlɔnna aiya baale fɛ, limaniyamɔɔ le wolu le ani Ala diyananmɔɔlu. I yi mɔɔlu kalan ko minu la k'a magbeleya.

Hebululu 3:1

Wo lɔ saa, m̀ badenma sɛnɛyaninnu, minu kilinin Ala bolo iwo ǹu, ài m'i mili Isa ma, mɔ lɔnin a la ko Ala na min kelayala k'a lasii salakalase kuntiibaya la.

1 Yohana 5:1

Ni mɔɔ mɔɔ ka limaniya a ma ko Isa yi Masa Tɔɔmasenin ne le, wo tii vɛ sɔlɔn kula kɛ Ala bolo. Ni do mɔɔ min vɛ den fa kanula, wo tii vɛ a den fana kanu.