Filemɔn 1:1 - Ala Ya Salatikan Kula Kitabu

¹ Ǹe Pɔli, min yi kasoden ne ka bɛn Masa Tɔɔmasenin Isa ya ko ma, ani mɔ badenma Timote, ǹu mɔɔ fila le yi sɛvɛli min lataala mɔ diyanan baalekɛɲɔɔ Filemɔn ma,

Filemɔn 1:1 ပူးပေါင်းရင်းမြစ်များ

Kɛkolu 16:1

Wo kɔ, Pɔli ni Silasi ka se Dɛlɛbɛ so kɔnɔ, ka bɔ je ka taa Lisitile. Kɛ́ dɔ tɛɛ je Isa kɔbiladennu tɛma, min tɔɔ tɛɛ ko Timote. A ba tɛɛ Jahudiya limaniyamɔɔ le le, kɛɛ a fa tɛɛ Gɛlɛkika le le.

1 Kolɛntikalu 3:9

Kamasɔlɔn baalekɛɲɔɔma le mɔ le Ala ya baale lɔ, àilu do yi Ala ya sɛnɛ le le, ani aa bon.

2 Kolɛntikalu 1:1

6 Ǹe Pɔli min kɛnin Masa Tɔɔmasenin Isa ya keladen ne ka bɛn Ala sawo ma, ani mɔ badenma Timote, m'i lɛtɛlɛ min sɛvɛla k'a lataa Ala ya limaniyajama ma Kolɛnti so kɔnɔ, ani muminin minu bɛ yi Akayi koovi bɛ lakafonnin nɔ.

Galatiyakalu 3:26

Kamasɔlɔn ài bɛ yi Ala den ne le ka bɛn limaniya ma Masa Tɔɔmasenin Isa ya kafonɲɔɔya lɔ.

Ɛfɛsikalu 3:1

Wo le n'a kɛla, ǹe Pɔli yi Ala dalila ài yɛ, ǹe min kɛnin Masa Tɔɔmasenin Isa ya kasoden ne àilu siboloma gbɛlɛ mɔɔlu ya ko lɔ.

Ɛfɛsikalu 4:1

Ǹe min kɛnin kasoden ne mɔ Tii ya ko lɔ, ǹ'a fɔla ài yɛ k'a magbeleya, ǹ ko, Ala n'ài kilila min kanma, ài taamaɲa yi bɛn wo ma.

Ɛfɛsikalu 6:20

ǹe min kɛnin keladen ne ka bɛn wo ma, hali ǹ silinin ka kɛ jɔlɔkɔ la yi ne. Wo lɔ, ài yi Ala dali ǹ yɛ, fɔsa ǹ'i se ka wo lase josolagbeleya boloma iwo ǹ ka kan k'a kɛ teme.

Filipikalu 1:1

Ǹe Pɔli ni Timote le yi lɛtɛlɛ min sɛvɛla, ǹu minu kɛnin Masa Tɔɔmasenin Isa ya bɔiden ne. M'a lataala mumininnu ma minu kafonnin Masa Tɔɔmasenin Isa kɔkan Filipi so kɔnɔ, ani limaniyajama kunmafɛlɛnbalu ni ai makoɲabɔbalu.

Filipikalu 2:25

M̀'ɛ m̀ mili ǹ ka kan ka Ɛpafolodite laseikɔ ài ma, ale min yi m̀ badenma le, ani m̀ baalekɛɲɔɔ, ani ǹ kɛlɛkɛdenɲɔɔ, ani àiya keladen fana ka bɛn m̀ mako laɲiako ma.

Filipikalu 4:3

Ile fana m̀ baalekɛɲɔɔ sɔvɛ, ǹ'i madiyala, i y'ai madɛmɛn fɔsa ai yi bɛn a lɔ. Kamasɔlɔn moso fila minu vɛ sɛyɛ ǹ fɛ Samakan Kein lasenko lɔ, iwo Kilɛmɛn ni m̀ baalekɛɲɔɔ tɔlu n'a kɛla teme, minu tɔɔ sɛvɛnin niimaya kitabu kɔnɔ.

Kɔlɔsikalu 1:1

Ǹe Pɔli min kɛnin Masa Tɔɔmasenin Isa ya keladen ne ka bɛn Ala sawo ma, ǹe ni mɔ badenma Timote le yi lɛtɛlɛ min sɛvɛla,

Kɔlɔsikalu 4:11

Josuwa, ai y'a fɔla min ma ko Jusitusi, wo fana y'ài fola. Ka bɔ jannɔ Jahudiyalu tɛma, kɛ́ minu kelen ne yi m̀ baaledenɲɔɔlu le Ala ya masaya lasenko lɔ. Ai do vɛ ǹ sɛmɛdon bubale.

1 Tɛsalonikakalu 3:2

Wo lɔ, mɔ ka mɔ badenma Timote lataa ài ma, ale min yi mɔ baalekɛɲɔɔ le Ala ya baale lɔ Masa Tɔɔmasenin ya Samakan Kein lasenko lɔ, fɔsa a tɛɛ ài sɛmɛdon ani k'àiya limaniya lasawati,

2 Tɛsalonikakalu 1:1

Ǹe Pɔli ni Silasi ni Timote le yi lɛtɛlɛ min lataala limaniyajama ma Tɛsalonika so kɔnɔ, min yi mɔ Fa Ala ni mɔ Tii Masa Tɔɔmasenin Isa ya kafonɲɔɔya lɔ.

2 Timote 1:8

Wo le y'a ma, i kà maloya ka bɛn mɔ Tii ya seleya diko ma, niwotɛ ǹa ko ma, hali ǹ'i kaso le la yi ne ka bɛn aa ko ma. Kɛɛ fɔ i fɛ yi kɛ ǹa tɔlɔyalu la ka bɛn Samakan Kein ya ko ma, Ala fanga sabu la,

Filemɔn 1:23

Ǹ kasodenɲɔɔ Ɛpafalasi y'i fola, min yi ǹ fɛ jan Masa Tɔɔmasenin Isa ya ko lɔ.

Filemɔn 1:24

M̀ baalekɛɲɔɔ tɔlu, Malɛkɛ, ani Alisitakusi, ani Demasi, ani Luka, wolu fana y'i fola.

Filemɔn 1:9

kɛɛ a diyayine ǹ yɛ ǹ'i madiya kanundeya boloma, ǹe Pɔli min yi kɛmɔba le ani kasoden butu ka bɛn Masa Tɔɔmasenin Isa ya ko ma.