Matiyu 9:36 - Ala Ya Salatikan Kula Kitabu

³⁶ A ka jama ye mingɛ, ai hena k'a mina, kamasɔlɔn ai ma tɛɛ vɛ gbolo k'ai fanga ban, iwo saa minu bilanin ai jɛlɛ ma, saakunnasiiba tɛ minu la.

Matiyu 9:36 ပူးပေါင်းရင်းမြစ်များ

Matiyu 10:6

Fɔ ài yi taa Bani Isilankalu le fɛlɔ, minu kɛnin iwo saalu minu bilanin ai jɛlɛ ma.

Matiyu 14:14

Isa ka bɔ kulun kɔnɔ ka jama ba ye je mingɛ, ai hena k'a mina, a do ka jangalotɔlu lakɛnɛya ai tɛma.

Matiyu 15:24

Wo fɔ, Isa k'ai javi, a vɛɛ: «Ǹ kelayanin Bani Isilankalu le ma dein, minu kɛnin iwo saa tununninu.»

Matiyu 15:32

Wo kɔ, Isa k'a kɔbiladennu kili k'a fɔ ai yɛ, a vɛɛ: «Jama min hena yi ǹ na. Kamasɔlɔn ai vɛ tele sawa kɛ ǹ fɛ jan, ado balo suu suu tɛ ai bolo. Ǹ t'a fɛ ǹ'ai kɔɔntɔ labila ten, fɔsa ai kana kilon siya la.»

Malɛkɛ 6:34

Isa ka bɔ kulun kɔnɔ ka jama ba ye mingɛ, ai hena k'a mina, kamasɔlɔn ai kɛyine tɛɛ iwo saa minu bilanin ai jɛlɛ ma, saakunnasiiba tɛ minu la. Wo ma, Isa k'ai kalan damina ko siyama la.

Malɛkɛ 8:2

«Jama min hena yi ǹ na, kamasɔlɔn ai vɛ tele sawa kɛ ǹ fɛ jan, ado balo suu suu tɛ ai bolo.

Hebululu 4:15

Kamasɔlɔn salakalase kuntiiba min tɛ se henala mɔ la maa fangandanya lɔ, wo suu tɛ mɔ bolo, mafɔ maa salakalase kuntiiba fana ma vɛ nɛɛ boloɲa suu bɛ dɔ ma iwo ǹu, kɛɛ a do ma julumbu ta.

Hebululu 5:2

A do yi sene ka kolɔnbalilu ni mɔɔ filininnu lɔmina sɔniyali boloma, kamasɔlɔn ale gbu y'ai ɲɔɔzii fangandan ne le.