Matiyu 9:27 - Ala Ya Salatikan Kula Kitabu

²⁷ Isa bɔtɔla je, ɲagbɛ kɛ́ fila v'i wulila ka bila a kɔ gbanɔ le, ai vɛɛ: «Dawuda Bɔzɔn! Hena mɔ la!»

Matiyu 9:27 ပူးပေါင်းရင်းမြစ်များ

Matiyu 1:1

Masa Tɔɔmasenin Isa jilijaalu le ne. Isa tɛɛ Masakɛ Dawuda ni Nabi Ibulahima bɔzɔn ne le.

Matiyu 11:5

Ɲagbɛlu ɲa la vɛ ka, namalanilu vɛ taama kobɛn, kunatɔlu la vɛ sɛnɛya, tologbɛlɛnnu tolo la vɛ ka, fulenilu la vɛ wuli ka bɔ saya lɔ, ani Samakan Kein la vɛ se fandannilu ma.

Matiyu 15:22

Kanaan duulen moso dɔ ka na a ma kasi le. A do vɛɛ a yɛ: «Ǹ Kuntii, Dawuda Bɔzɔn, hena ǹ na! Ǹ denmoso yi tɔlɔyala bubale jina dɔ bolo!»

Matiyu 17:15

«Ǹ Kuntii, hena ǹ denkɛ la, kamasɔlɔn a vɛ tɔlɔya bubale fɔlifɔli jangalo bolo. A v'a minala kotan, waate siyama lɔ a yi benna taa la, niwotɛ ji lɔ.

Matiyu 20:29

Isa nu bɔtɔla Jɛliko so kɔnɔ, jama ba ka bila a kɔ.

Matiyu 21:15

Salakalase kuntiibalu ni seliya kalanmɔɔlu ka Isa ya kawananko kɛninnu ye, ani denni minu tɛɛ ai kan labɔla lɔhɔlɔmabonba luu ma, ai vɛɛ: «Tanuli yi Dawuda Bɔzɔn yɛ!» Wo do k'ai josolakuna.

Matiyu 21:9

Jama tɛɛ Isa ɲafɛ ani a kɔfɛ, ai vɛ ai kan labɔla, ai vɛɛ: «Tanuli yi Dawuda Bɔzɔn yɛ! Duwawu yi wo le yɛ min yi nala mɔ Tii tɔɔ lɔ! Tanuli yi kɛ haijɛnɛ dingila kɔlɔtanin nɔ!»

Matiyu 9:28

Isa ka don mingɛ bon na, ɲagbɛ fila wolu k'i madon a la. Wo lɔ, Isa vɛɛ ai yɛ: «Ài limaniyanin k'a fɔ ǹ'i sene ài ɲa lakala?» Ai do vɛɛ: «Aan, Kuntii, mɔ limaniyayine wo ma.»

Malɛkɛ 11:10

Duwawu yi mɔ bema Dawuda ya masaya yɛ min lankɛnɛmayatɔ! Tanuli yi kɛ haijɛnɛ dingila kɔlɔtanin nɔ!»

Malɛkɛ 9:22

Jina v'a mina siɲa siyama le k'a laben taa la niwotɛ ji lɔ, fɔsa a a faa. Ni a see ka k'i yɛ ka ko dɔ kɛ, hena mɔ la, i yi mɔ madɛmɛn!»

Luka 17:13

k'ai kan labɔ bakɛ, ai vɛɛ: «Isa! Kalanmɔɔ! Hena mɔ la!»

Luka 20:41

Isa do k'ai maɲininga, a vɛɛ: «Mindɛ lɔ ai y'a fɔla ko Masa Tɔɔmasenin yi Dawuda bɔzɔn ne le?

Luka 7:21

Wo waate kelen nɔ, Isa ka mɔɔ siyama lakɛnɛya k'ai bɔ aiya jangalolu ni aiya tɔlɔyalu lɔ, ka jinajuulu gbɛn k'ai bɔ mɔɔlu lɔ, ani ka ɲagbɛ siyama ɲa laka.

Yohana 7:42

Jalasa a sɛvɛnin tɛ kitabu kɔnɔ ko Masa Tɔɔmasenin kɛtɔ Nabi Dawuda bɔzɔn ne le, ka bɔ Dawuda fɛso Bɛtilɛhɛmu?»

Lɔmukalu 1:3

Samakan Kein wo yi kumala ka bɛn a Denkɛ le ma, min taanin kɛla mɔ Tii Masa Tɔɔmasenin Isa le. Mɔɔnivinya ta boloma, Masakɛ Dawuda bɔzɔn ne a le.

Lɔmukalu 9:5

Ai bemanu taanin kɛla Ibulahima, Isiyaka ni Janguba le le. Ado Masa Tɔɔmasenin ka na mingɛ adamadenya boloma, a fɛ tɛɛ ai siboloma le la. Ala min yi fen bɛ kunna, tanuli y'a yɛ habadan! Amiina.