Matiyu 8:13 - Ala Ya Salatikan Kula Kitabu

¹³ Wo fɔ Isa bolo, a k'a fɔ sɔdasi kuntii yɛ, a vɛɛ: «Taa iya luu ma. I yi min ɲininna, wo kɛtɔ i yɛ ka bɛn iya limaniya ma.» Wo waate kelen ne lɔ, sɔdasi kuntii ya bɔiden ka kɛnɛya.

Matiyu 8:13 ပူးပေါင်းရင်းမြစ်များ

Matiyu 15:28

Wo fɔ a bolo, Isa vɛɛ a yɛ: «Ɛɛ moso, iya limaniya buɲanin kosɛvɛ! I yi min ɲininna, wo yi kɛ i yɛ.» A denmoso do ka kɛnɛya telemanin.

Matiyu 17:20

Isa vɛɛ ai yɛ: «Ài ma se kamasɔlɔn àiya limaniya le dɔɔyanin. Ǹ'i tuɲa fɔ ài yɛ, hali ni àiya limaniya buɲa jate ka kɛ iwo mutaadi kolo, ài yi sene a fɔla tini min yɛ ko a yi bɔ a nɔ lɔ ka taa, a do yi taale. Ài tɛnala kolila ko ko la.

Matiyu 8:4

Isa do vɛɛ a yɛ: «I y'alama, i kà min fɔ mɔɔ suu suu yɛ. Kɛɛ fɔ yi taa i jɛlɛ jiya salakalaseba la ka niilifen bɔ iwo Nabi Musa k'a jamali teme. Wo le kɛtɔ a jiyala bɛ la ko i la vɛ sɛnɛya.»

Matiyu 9:22

Isa k'i ɲa tilimin mingɛ ka moso ye a kɔma, a vɛɛ a yɛ: «Ǹ denmoso, i jei kà tɛɛ. Iya limaniya v'i lakɛnɛya.» Moso do ka kɛnɛya telemanin.

Malɛkɛ 7:29

Wo fɔ moso bolo, Isa do vɛɛ a yɛ: «Ka bɛn iya kuma wo ma, taa iya luu ma. Jina vɛ bɔ i denmoso lɔ.»

Malɛkɛ 9:23

Isa vɛɛ a yɛ: «Mindɛ kɛnin i n'a fɔla, i vɛɛ: ‹Ni a see ka k'i yɛ ka ko dɔ kɛ?› Ni limaniya ka kɛ mɔɔ min bolo, ko bɛ yi sene kɛla wo tii yɛ.»

Yohana 4:50

Isa do vɛɛ a yɛ: «Taa vɛ. I denkɛ vɛ kisi.» Ɲamɔɔ wo ka limaniya Isa kumakan ma ka taa.