Matiyu 7:7 - Ala Ya Salatikan Kula Kitabu

⁷ «Ài yi daili kɛ, ài do y'a sɔlɔnne. Ài y'a ɲinin, ài do y'a yene. Ài yi da makɔnkɔn, da do la yi kale ài yɛ.

Matiyu 7:7 ပူးပေါင်းရင်းမြစ်များ

Matiyu 18:19

«Ǹ'a fɔ ài yɛ fana, ni ài lɔ mɔɔ fila ka bɛn ko ko si ma ka Ala dali a la duukolo kɔkan, wo yi kɛle ài yɛ ǹ Fa Ala bolo min yi haijɛnɛ.

Matiyu 21:22

Ni ài ka ko ko dali Ala la limaniya boloma, ài yi wo sɔlɔnne.»

Matiyu 6:33

Ài yi Ala ya masaya ɲinin kunfɔlɔ le ani aa telenmandeya, wo vɛ kɛla, wo bɛ yi lale wo kɔkan ka di ài ma.

Matiyu 7:11

Àilu ni àiya sɔn kɛwonya bɛ, ni ài k'a lɔn ài ka kan k'ài dennu sɔ fen ɲuma minu la, a lagbɛyine feu ko ài Fa min yi haijɛnɛ, wo y'a dailibalu sɔla fen ɲumalu le la!

Matiyu 7:8

Kamasɔlɔn ni mɔɔ min ka daili kɛ, wo tii y'a sɔlɔnne. Ni mɔɔ min do v'a ɲininna, wo tii y'a yene. Ado ni mɔɔ min ka da makɔnkɔn, da la yi kale wo tii yɛ.

Malɛkɛ 11:24

Ǹ'a fɔla ài yɛ wo le lɔ, ài vɛ Ala dalila min na, ài yi limaniya ko ài vɛ ban wo sɔlɔnna, wo do yi kɛle ài yɛ.

Luka 13:25

Ni bontii k'i wuli ka da sɔɔ, ài totɔ kɛnɛ le ma ka to da makɔnkɔnna k'a fɔ, ài vɛɛ: ‹Mɔ Kuntii! Da laka mɔ yɛ!› A do kɛtɔ a fɔla ài yɛ, a vɛɛ: ‹M̀ ma ài bɔya lɔn.›

Luka 18:1

Wo kɔ, Isa ka sana dɔ la a kɔbiladennu yɛ, k'a jiya ko ai ka kan ka Ala dali waate bɛ. Ai do jei kà tɛɛ ka wo boloka.

Yohana 15:16

Àilu ma ǹe ta, kɛɛ ǹe le n'ài tala ka ài kelaya, fɔsa ài yi taa ài den siyama kɛ minu yi mɛnna. Wo vɛ kɛla, ni ài ka ǹ Fa dali ko ko si la ǹ tɔɔ lɔ, a kɛtɔ wo dila ài ma.

Yohana 15:7

Ni ài kafonnin ka to ǹ kan, ani ǹ kumakannu ka sawati ài josokun nɔ bɛlɛbɛlɛ kɛ, ài vɛ ko ko si dalila, wo yi kɛle ài yɛ.

Yohana 4:10

Isa do k'a javi, a vɛɛ: «Ni i tɛɛ vɛ Ala ya sɔli lɔnna ani mɔɔ min i dalila minji la, fɔ ile tɛɛ ale dali ji la, a do tɛɛ i sɔle niimaya ji la.»

Lɔmukalu 2:7

Wo ma, mɔɔ minu sawalinin aiya koɲumakɛko ma fɔsa ai yi magbiliyali ni buɲali ni habadan niimaya ɲinin ai jɛlɛ yɛ, Ala kɛtɔ niimaya banbali dila wolu le ma.

Lɔmukalu 3:11

Mɔɔ foi tɛ ko ɲayena, ani ai suu suu tɛ Ala ɲininna!

Hebululu 11:6

Ka bɔ limaniya kɔ, mɔɔ tɛ se diyala Ala yɛ feu. Ni mɔɔ min y'a fɛ k'i masulunya Ala la, fɔ wo tii yi limaniya k'a fɔ ko Ala yi je, ani a yi mɔɔlu balayila minu y'a ɲininna.

Janguba 5:15

Aladali min kɛtɔ limaniya lɔ, wo kɛtɔ jangalotɔ lakisila, ado mɔ Tii kɛtɔ a lawulila. Ni do a k'a talan a tɛɛ vɛ julumbu dɔlu ta, wo bɛ lɔ yi kotole.

1 Yohana 3:22

Ado mɔ v'a dalila ko ko la, m'i wo sɔlɔnne, kamasɔlɔn m'aa jamalilu labatola k'a diyanankolu kɛ.