Matiyu 6:25 - Ala Ya Salatikan Kula Kitabu

²⁵ «Wo le y'a kɛla, ǹ'a fɔ ài yɛ, ài kà hamin àiya niimaya le k'a fɔ ài kɛtɔ mindɛ dɔnna, niwotɛ ài kɛtɔ mindɛ minna. Ài do kà hamin ài falikolo ya ko le, k'a fɔ ài kɛtɔ mindɛ le bilala ài kanna. Jalasa àiya niimaya kulugbeleyanin tɛ dɔnnifenko le? Jalasa ài falikolo kulugbeleyanin tɛ àiya feeyabɔko le?

Matiyu 6:25 ပူးပေါင်းရင်းမြစ်များ

Matiyu 10:19

Ai vɛ kɛla taala ài le kititɛɛbon na, ài ka kan ka kuma min fɔ je ani ài ka kan k'a fɔ teme, ài kà hamin wo le. Ài ka kan ka min fɔ, wo ditɔ ài ma wo waate kelen nɔ.

Matiyu 13:22

Malo minu na benna wonilu tɛma, wolu le mɔɔlu le minu yi Ala kumakan mɛnna, kɛɛ do dunuɲakolu hamin ni nafolo ladiyaɲɛ yi donna ai josokun nɔ ka Ala kumakan lɔgbalin, a do tɛ sawatila ai ma.

Matiyu 6:31

Wo le y'a ma, ài kà hamin k'a fɔ ko: ‹Mɔ kɛtɔ mindɛ dɔnna, mɔ kɛtɔ mindɛ minna, mɔ kɛtɔ feeyabɔ sɔlɔnna di?›

Matiyu 6:34

Wo lɔ saa, ài kà hamin sinin kolu le. Ài yi sinin kolu to sinin yɛ. Ɲangba min yi sɔlɔnna tele kelen kɔlɔ, wo vɛ tele wo ta bɔ.»

Malɛkɛ 13:11

«Ai vɛ kɛla taala ài le kititɛɛbonnu la, ài ka kan ka min fɔ, ài kà hamin wo le. Kuma min ditɔ ài ma wo waate kelen nɔ, ài yi wo le fɔ, kamasɔlɔn àilu gbu tɛnala kumala, mafɔ Nii Sɛnɛyanin.

Malɛkɛ 4:19

kɛɛ do dunuɲakolu le hamin ni nafolo ladiyaɲɛ ani fen kaijakaijalu lɔɔ yi donna ai josokun nɔ ka Ala kumakan lɔgbalin, a do tɛ sawatila ai ma.

Luka 12:11

«Ai vɛ kɛla taala ài le Aladalibon ɲamɔɔlu ni jamanatiilu ani kititɛɛbalu ɲakɔlɔ, ài kà hamin ài kumanɔbɔko le.

Luka 8:14

Malo minu na benna wonilu tɛma, wolu le mɔɔlu le minu yi Ala kumakan mɛnna, kɛɛ ai yi haminna dunuɲalɔtɛɛkolu le le, ani nafolokolu, ani jɛlɛdiyabɔkolu. Wo boloɲa ma, Ala kumakan lɔgbalinyine ai josokun nɔ, k'ai kɛ iwo malo fofo.

Lɔmukalu 8:32

Ala min ma saya lagban a jɛlɛkanu Denkɛ kunna, mafɔ ka wo di mɔ bɛ ya ko lɔ, jalasa a tɛnala mɔ sɔla fen bɛ la fana?

1 Kolɛntikalu 7:32

Ǹ'a fɛ ài la yi fɛlɛ ka bɔ haminkolu lɔ. Kɛ́ min ma moso ta, wo yi haminna mɔ Tii ya kolu le le, kamasɔlɔn a a lɔjala ka mɔ Tii ladiyanankolu le kɛ.

Filipikalu 4:6

Ài do sɔn kà ja ko ko si lɔ, mafɔ ài mako vɛ kɛla ko ko la, ài yi wo dali Ala la, k'a madiya, ani ka balika bɔ a yɛ.

2 Timote 2:4

Ni mɔɔ min vɛ donna sɔdasiya lɔ, wo tii ma tɛ gbalala dunuɲalɔtɛɛkolu le, mafɔ a kuntii ladiyanankolu.

1 Piyɛli 5:7

Ài y'ài haminnankolu bɛ to a ma, kamasɔlɔn a jandonin ài lɔ.