Matiyu 6:2 - Ala Ya Salatikan Kula Kitabu

² «I vɛ bolokolon dɔ sɔla, i k'i waso a la iwo filangafolu y'a kɛla teme Aladalibonnu ni siya dalu la, fɔsa mɔɔlu y'ai matɔɔ. Ǹ'i tuɲa fɔ ài yɛ, wolu vɛ ban ai balayi sɔlɔnna.

Matiyu 6:2 ပူးပေါင်းရင်းမြစ်များ

Matiyu 15:7

Àilu filangafolu, Nabi Ezayi na kelayakuma minu fɔla ka bɛn ài ma, tuɲa le. A do ka Ala kumakan sɛvɛ, ko:

Matiyu 16:3

Sɔɔmadala, ài vɛ sangbolo ɲala finnin yena, ài y'a fɔla ko: ‹Sanji natɔle bi, kamasɔlɔn san finnin›. Ài senin sangbolo lasaala teme k'a kɔlɔ lɔn. A yi di vɛ ài tɛ se waate min tɔɔmaselu lasaala k'ai kɔlɔ lɔn fana?

Matiyu 22:18

Kɛɛ Isa k'ai miliya yon lɔn. Wo lɔ, a vɛɛ ai yɛ: «Àilu filangafolu, mindɛ lɔ ài yi ǹ lɔsumana?

Matiyu 23:5

Ai y'ai kɛkolu bɛ kɛla fɔsa mɔɔlu y'ai ye. Wo le y'a kɛla, ai yi Alatɔɔmasilininnu bilala ai kanna ka wolu labuɲa. Juluni minu silinin aiya faani dagbolo la, ai yi wolu jaanyala.

Matiyu 23:6

Ai vɛ taala feetikɛya lɔ, niwotɛ Aladalibon na, ɲamɔɔ siiyalu le diyanin ai yɛ.

Matiyu 24:51

Wo do kɛtɔ a lɔtɛɛtɛɛla k'a kafon filangafolu kɔkan, a kasitɔ k'a ɲii sii i ɲɔɔ na dimin bolo je.»

Matiyu 5:18

Ǹ'i tuɲa fɔ ài yɛ, haan ka taa sii sangbolo ni duukolo latunun lon na, foi tɛnala tununna seliya kitabu la, hali a tɔmini kelen niwotɛ a sɛvɛliden kelen, haan fɔɔ seliya bɛ ma vɛ fala.

Matiyu 6:16

«I vɛ sundonna lon min na, i k'i ɲakɔlɔ sili iwo filangafolu y'a kɛla teme. Wolu y'ai ɲakɔlɔ silila fɔsa mɔɔlu y'a lɔn ai yi sun nɔ. Ǹ'i tuɲa fɔ ài yɛ, ai vɛ ban ai balayi sɔlɔnna.

Matiyu 6:3

Ni i ka bolokolon sɔ i bolokini la, i bolonunma kà wo lɔn,

Matiyu 6:5

«Ài vɛ kɛla Ala dalila, ài kà a kɛ iwo filangafolu y'a kɛla teme. A diyanin ai yɛ k'ai lɔ Aladalibonnu ni siya dalu la ka Aladali kɛ, fɔsa mɔɔlu y'ai ye. Ǹ'i tuɲa fɔ ài yɛ, wolu vɛ ban ai balayi sɔlɔnna.

Matiyu 7:5

Ile filangafo! Fɔ i yi jilifɛlɛn bɔ i jɛlɛkanu ɲa ma kunfɔlɔ le. Wo vɛ kɛla, i kɛtɔ yeni kɛla kobɛn ka jilimuu bɔ i badenma ɲa ma.

Malɛkɛ 12:39

Ai do vɛ taala Aladalibon na niwotɛ feetikɛya lɔ, ɲamɔɔ siiyalu le diyanin ai yɛ.

Malɛkɛ 7:6

Isa do k'ai javi, a vɛɛ: «Nabi Ezayi na kelayakuma minu fɔla ka bɛn àilu filangafolu ma, tuɲa le. A do ka Ala kumakan sɛvɛ, ko: ‹Mɔɔ minu yi m̀ buɲala ai da le la, kɛɛ wo tɛ ai josokun nɔ feu!

Luka 11:41

Kɛɛ fɔ ài y'ài josokun lɔgbɛnin di fandannilu ma. Wo vɛ kɛla, àiya ko bɛ yi sɛnɛyale.

Luka 11:43

«Gbalo yi àilu Falisilu yɛ! Kamasɔlɔn ài vɛ taala Aladalibon na, ɲamɔɔ siiyalu le diyanin ài yɛ. Ài do vɛ taala bala lɔ, a diyanin ài yɛ mɔɔlu y'ài fo buɲali boloma.

Luka 12:33

Ài y'ài bolofennu fele ka bolokolonnu sɔ. Ài yi wɔlibilabɔlɔlu ladan ài jɛlɛ yɛ minu tɛ se tiɲala, ani ka nafololu ladɛn ài jɛlɛ yɛ haijɛnɛ minu tɛnala dɛsɛla. Son tɛ se donna woja ka suɲali kɛ, baabaa do tɛ se tiɲali kɛla je.

Luka 12:56

Àilu filangafolu! Ài senin sangbolo ni duukolo kɛɲa kɔlɔ lɔnna. Kɛɛ ko minu yi kɛla waate min nɔ yi ne, mindɛ lɔ ài tɛ se wolu kɔlɔ lɔnna?»

Luka 13:15

Wo fɔ a bolo, mɔ Kuntii vɛɛ a yɛ: «Àilu filangafolu! Ni nisi niwotɛ sofalini ka kɛ ài bolo, jalasa ài tɛ wolu fɔlinna k'ai labɔ wɛlɛ lɔ ai laminko lɔ Nɔningɛlon?

Luka 20:46

«Ài y'ài jando ài jɛlɛ lɔ ka bɛn seliya kalanmɔɔlu ma. A diyanin ai yɛ k'ai mataama, faani babalu vɛ ai kanna. Ai vɛ taala bala lɔ, a diyanin ai yɛ ko mɔɔlu y'ai fo buɲali boloma. Ai do vɛ taala Aladalibon na, niwotɛ feetikɛya lɔ, ɲamɔɔ siiyalu le diyanin ai yɛ.

Luka 6:24

Gbalo yi àilu nafolotiilu yɛ, kamasɔlɔn ài vɛ ban àiya josolajii sɔlɔnna.

Luka 6:42

Ni i tɛ jilifɛlɛn yena i jɛlɛkanu ɲa ma, i yi se a fɔla i badenma yɛ di: ‹I yi lɔ, ǹ'i jilimuu bɔ i ɲa ma›? Ile filangafo! Fɔ i yi jilifɛlɛn bɔ i jɛlɛkanu ɲa ma kunfɔlɔ le. Wo vɛ kɛla, i kɛtɔ yeni kɛla kobɛn ka jilimuu bɔ i badenma ɲa ma.»

Yohana 13:29

Komi wɔlibilabɔlɔ tɛɛ Judasi le bolo, a tɛɛ a dɔlu kɔnɔ ko Isa n'a lɔla fen dɔ le sanko lɔ selibɔko lɔ, niwotɛ bolokolonnu sɔko.

Yohana 5:41

«Ǹ tɛ adamadennu ya magbiliyali ɲininna.

Yohana 5:44

Ài yi se limaniyala di, k'a talan ài yi magbiliyali ɲininna i ɲɔɔ fɛ, kɛɛ ài do tɛ magbiliyali wo ɲininna min yi bɔla Ala kelenpesa fɛ?

Yohana 7:18

Mɔɔ min yi kumala a jɛlɛkanu ya seetiiya lɔ, wo tii yi mɔɔlu ya buɲali le kɔ. Kɛɛ mɔɔ min y'a kelaba ya buɲali kɔ, wo tii le tuɲande le, a do tɛ faɲa suu suu fɔla.

Kɛkolu 10:2

Kɔɔnɛli tɛɛ Alaɲasiyanɲɛmɔɔ le le, ale ni aa bonnamɔɔlu bɛ. A do tɛɛ koɲuma kɛla mɔɔlu yɛ kosɛvɛ, ani ka Ala dali kudein.

Kɛkolu 10:31

A vɛɛ: ‹Kɔɔnɛli, Ala v'iya madailikan mɛn, k'a hangili to iya koɲuma kɛninnu lɔ fandannilu yɛ.

Kɛkolu 10:4

A do k'i ɲa kaa mɛlɛka lɔ siyan boloma k'a javi, a vɛɛ: «Ǹ Kuntii, mindɛ le?» Mɛlɛka do vɛɛ a yɛ: «Iya Aladali ni iya koɲuma kɛninnu fandannilu yɛ, wolu vɛ jɛlɛ Ala ɲakɔlɔ iwo hangilitonɔ salaka.

Kɛkolu 11:29

Wo lɔ saa, Isa kɔbiladen minu tɛɛ Antiyɔsi, wolu k'a latɛɛ ko ai kelenkelenna bɛ y'ai senko kɛ k'ai badenmalu madɛmɛn minu siinin tɛɛ Jude koovi lɔ.

Kɛkolu 24:17

«Ka talan ǹ tɛɛ vɛ fama tala Jelusalɛmu san siyama kɔlɔ, ǹ ka taa je wɔli dɔ le ǹa jamana fandannilu sɔko lɔ, ani ka niilifen bɔ Ala yɛ.

Kɛkolu 9:36

Wo k'a talan Isa kɔbiladen dɔ tɛɛ Jopa so kɔnɔ, min tɔɔ tɛɛ ko Tabita. Ai tɛɛ a fɔla a ma Gɛlɛkikan nɔ ko Dɔɔkasi, wo kɔlɔ le ko Minaan. Moso wo tɛɛ kokein ne kɛla kudein ka fandannilu madɛmɛn.

Lɔmukalu 12:8

Ni min ta ka kɛ sɛmɛdonko le, wo tii yi mɔɔlu sɛmɛdon. Ni mɔɔsɔko see dinin mɔɔ min ma, wo tii bolo yi fɔlin sɔli boloma. Ni kuntiiya see dinin ka kɛ mɔɔ min ma, wo tii y'a baale kɛ sɔvɛdon boloma. Ni do see dinin mɔɔ min ma ka henandeyakolu kɛ, wo tii y'a kɛ sawa boloma.

1 Kolɛntikalu 13:3

Hali ni ǹ ka m̀ bolofen bɛ di fandannilu ma, ani ka ǹ falikolo di a ɲɛninko lɔ Ala yɛ, ni kanundeya ma kɛ ǹ josokun nɔ, wo tɛnala foi ɲiala m̀ ma.

Galatiyakalu 2:10

Ai do k'a fɔ le mɔ yɛ dein ko m'i mɔ hangili to fandannilu lɔ mɔ tɛma, ǹe gbu sɛmɛdonnin tɛɛ wo le ma.

Ɛfɛsikalu 4:28

Ni mɔɔ mɔɔ ka kɛ son ne, a yi suɲali dabila. A do yi baale nafata kɛ a bolo la, fɔsa fen yi kɛ a bolo dɛsɛbatɔ sɔko lɔ.

1 Tɛsalonikakalu 2:6

Mɔ do tɛɛ tɛ adamadennu ya magbiliyali ɲininna, hali ni a tɛɛ kɛ àilu gbu le niwotɛ mɔɔ suu suu. Komi Masa Tɔɔmasenin ya keladen ne mɔ le, wo lɔ, mɔ tɛɛ sene ka mɔ kunko la ài kun diyanigbeya boloma.

1 Timote 6:18

A fɔ ai yɛ ko ai yi koɲumalu kɛ, ka nafolotiiya kɛ koɲumakɛko lɔ, ani k'ai bolo fɔlin dɔlu sɔko lɔ.

Filemɔn 1:7

M̀ badenma, iya kanundeya vɛ ǹ josoladiya kosɛvɛ ka ǹ sɛmɛ don bubale, kamasɔlɔn mumininnu josola vɛ jii ka bɛn i ma.

Hebululu 13:16

Ài do kà ɲina koɲumakɛko lɔ, ani ka sɔniya i ɲɔɔ yɛ, kamasɔlɔn salaka suu wolu le diyanin Ala yɛ.

1 Piyɛli 4:11

Mɔɔ min yi kawanili kɛla, fɔ wo tii y'a kɛ iwo a yi Ala gbu le kumakannu lasena. Mɔɔ min do yi madɛmɛli kɛla, fɔ wo tii y'a kɛ ka bɛn fanga ma min dinin a ma Ala bolo, fɔsa Ala yi magbiliyali sɔlɔn ko bɛ lɔ Masa Tɔɔmasenin Isa sabu la, magbiliyali ni seetiiya yi min ta le waate bɛ ani habadan. Amiina!