Matiyu 6:16 - Ala Ya Salatikan Kula Kitabu

¹⁶ «I vɛ sundonna lon min na, i k'i ɲakɔlɔ sili iwo filangafolu y'a kɛla teme. Wolu y'ai ɲakɔlɔ silila fɔsa mɔɔlu y'a lɔn ai yi sun nɔ. Ǹ'i tuɲa fɔ ài yɛ, ai vɛ ban ai balayi sɔlɔnna.

Matiyu 6:16 ပူးပေါင်းရင်းမြစ်များ

Matiyu 6:1

«Ài kà àiya diinakolu kɛ mɔɔlu ɲakɔlɔ, fɔsa ai yi wolu kɛnin ye ài bolo. Ài vɛ wo kɛla, ài Fa min yi haijɛnɛ, wo tɛnala ài balayila feu.

Matiyu 6:2

«I vɛ bolokolon dɔ sɔla, i k'i waso a la iwo filangafolu y'a kɛla teme Aladalibonnu ni siya dalu la, fɔsa mɔɔlu y'ai matɔɔ. Ǹ'i tuɲa fɔ ài yɛ, wolu vɛ ban ai balayi sɔlɔnna.

Matiyu 6:5

«Ài vɛ kɛla Ala dalila, ài kà a kɛ iwo filangafolu y'a kɛla teme. A diyanin ai yɛ k'ai lɔ Aladalibonnu ni siya dalu la ka Aladali kɛ, fɔsa mɔɔlu y'ai ye. Ǹ'i tuɲa fɔ ài yɛ, wolu vɛ ban ai balayi sɔlɔnna.

Malɛkɛ 2:18

Lon dɔ, Yaya kɔbiladennu ni Falisilu kɔbiladennu ka to sundonna, mɔɔ dɔlu ka na Isa ma k'a maɲininga, ai vɛɛ: «Yaya kɔbiladennu ani Falisilu kɔbiladennu, wolu deinin sundonna. Mindɛ lɔ i kɔbiladennu tɛ sundonna?»

Luka 18:12

Ǹ'i sundonna siɲa fila le le lɔɔtɛ kelen kɔlɔ, ani ǹ'i jaa bɔla ǹ sɔlɔnfen bɛ lɔ.›

Luka 2:37

Wo kɔ, a ka to kɛsamosoya lɔ haan fɔɔ a sanji bisein ni naani (84). A tɛɛ tɛ a mabɔla lɔhɔlɔmabonba la, fɔ ka to Ala batola su ni tele, a vɛ sundonna ka Ala dali.

Kɛkolu 10:30

Kɔɔnɛli do vɛɛ a yɛ: «A vɛ tele naani bɔ, waate suu min nɔ, ǹ tɛɛ Ala dalila ǹa bon na wuladala lɛlɛ sawa waate. Ado kɛ́ dɔ k'i lɔ ǹ ɲakɔlɔ telemanin, faani gbɛ pepe v'a kanna.

Kɛkolu 14:23

Pɔli ni Baanabasi ka ɲamɔɔlu lasii limaniyajama kelenkelenna bɛ kunna. Ai ka sun don ka Ala dali wolu yɛ, k'ai kalifa mɔ Tii la, ai tɛɛ vɛ limaniya min ma.

1 Kolɛntikalu 7:5

Ài k'ài ban ài ɲɔɔ yɛ mafɔ ni ài mɔɔ fila ka bɛn a ma waateni kɔlɔ, fɔsa ài y'ài lɔgbeleya Aladaliko ma. Wo waate da vɛ fala, ài yi seikɔ i ɲɔɔ ma kɔtunun, alako Soitana kana ài manɛɛ ka bɛn àiya jɛlɛlɔminabaliya ma.

2 Kolɛntikalu 11:27

Baale gbɛlɛn ni gbeleya ka kun ǹ nɔ. Ǹ ka siɲana siyama kɛ, kɔɔn ni minkɛlɔɔ vɛ ǹ na. Ado siɲa siyama lɔ, balo tɛɛ tɛ m̀ bolo. Ǹe do ka tɔlɔya nɛnɛ bolo, kamasɔlɔn feeyabɔ ɲɛnɛma tɛɛ tɛ m̀ bolo.

2 Kolɛntikalu 6:5

Waate dɔ, ai yi mɔ gbasila, ka mɔ bila kaso la, ani ka sɔɔnsɔɔn lawuli mɔ kanma. M'i baale gbɛlɛnnu kɛla, ani ka si sunɔɔbaliya lɔ piin, kɔɔn vɛ mɔ la.