Matiyu 6:13 - Ala Ya Salatikan Kula Kitabu

¹³ I do kà diɲa mɔ ma yi nɛɛ ka bila koyon nɔ, kɛɛ mɔ matanga Soitana ma.›

Matiyu 6:13 ပူးပေါင်းရင်းမြစ်များ

Matiyu 26:41

Ài yi to ài ɲana ka Ala dali, alako ài ma kana nɛɛ k'ài bila koyon nɔ. Koɲumakɛ miliya yi mɔɔ la, kɛɛ wo see tɛ a falikolo yɛ.»

Matiyu 28:20

ani k'ai kalan ko bɛ labatoko la, ǹ n'ài jamalila minu la. Ǹe do, ǹ'ài fɛ waate bɛ haan fɔɔ ka taa sii dunuɲa laban na.»

Matiyu 5:37

Àiya ko lamina yi kɛ kolamina le, ani àiya ban yi kɛ ban ne. Ài vɛ ko ko lala wo kɔkan, wo bɔnin Soitana le lɔ.»

Matiyu 6:10

Iya masaya la yi nkɛnɛmaya. I sawo yi kɛ duukolo kɔkan, iwo a yi kɛla teme haijɛnɛ.

Yohana 17:15

Ǹ t'i madalila ai labɔko lɔ dunuɲa, mafɔ i y'ai matanga Soitana le ma.

1 Kolɛntikalu 10:13

Lɔsumani suu suu ma ài lasɔlɔn ba bene, mafɔ min suu deinin adamadennu lasɔlɔnna. Ala do yi lanande le le. A tɛnala diɲala ài lɔ yi suma ka gban ài senko kan. Kɛɛ ni ài lɔ ka suma, Ala kɛtɔ ài bɔɲa jiyala ài la fɔsa ài yi se lɔsumani wo minala ài ma teme.

1 Kolɛntikalu 14:16

Niwotɛ, ni i ka kɛ balika bɔla Ala yɛ i josokun ne dein, i lamɛnba minu tɛ i kumakan ɲayena, wolu kɛtɔ sena iya balikabɔ laminala di, k'a fɔ: «Amiina»?

2 Kolɛntikalu 1:20

Kamasɔlɔn Ala na lahedi suu suu tala, wo bɛ ma yi fala Isa le sabu la. Wo le y'a kɛla, m'a fɔla «amiina» ka bɛn ale le ma, Ala magbiliyako lɔ.

Galatiyakalu 1:4

Ka bɛn mɔ Fa Ala sawo ma, Isa k'a jɛlɛ di salaka le ka mɔ lakisi maa julumbulu ma, ani ka mɔ lafɛlɛ ka mɔ bɔ dunuɲa yon min fanga kɔlɔ.

1 Tɛsalonikakalu 1:10

Ài do yi Ala Denkɛ makɔnɔna ka bɔ haijɛnɛ, a na min lawulila ka bɔ saya lɔ. Ale Isa le yi mɔ lakisila ka mɔ bɔ Ala ya mɔnɛya natɔ kɔlɔ.

2 Tɛsalonikakalu 3:3

Kɛɛ mɔ Tii yi lanande le le, a do kɛtɔ ài lasawatila k'ài matanga Soitana ma.

1 Timote 1:17

Mɔ Tii, Masa sabali, Masa yenbali, ale min yi Ala kelenpesa le, buɲali ni magbiliyali y'a yɛ waate bɛ ani habadan. Amiina.

Hebululu 11:36

A dɔlu ka jɛlɛbɔnɔ ni gbusan masɔlɔn, ani jɔlɔkɔlabila ni kasolabila fana.

1 Piyɛli 5:8

Ài yi to ài ɲana k'ài hangili sii. Ài juu Soitana kɛyine iwo jala min yi wolondola, a v'a mataamataamana ka mɔɔ ɲinin a dɔnko lɔ.

2 Piyɛli 2:9

Wo le y'a ma, mɔ Tii ka a ɲasiyanɲɛbalu lakisiɲa lɔn k'ai bɔ aiya tɔlɔyalu lɔ, a do ka telenbalilu ladaloɲa lɔn kolatɔn kanma haan fɔɔ kititɛɛlon yi se.

1 Yohana 3:8

Ni do mɔɔ min ka to julumbu tala, wo tii yi Soitana ya mɔɔ le le, kamasɔlɔn Soitana yi julumbu ta le la ka ta dunuɲa damina waate ma. Dailu min na kɛla Ala Denkɛ na nala dunuɲa, wo le Soitana kɛkolu lɔtiɲako le.

Ko Lankɛnɛmayanin 1:18

ani niima. Ǹ tɛɛ vɛ sa, kɛɛ a ye, ǹ'i niimaya le lɔ yi ne habadan. Saya ni Laikila koɲii yi ǹe le bolo.

Ko Lankɛnɛmayanin 19:1

Wo timinnin kɔ, ǹ ka kumakan dɔ mɛn iwo jama ba mangan ka bɔ haijɛnɛ, min tɛɛ a fɔla, a vɛɛ: «Tanuli yi Ala yɛ! Kisili ni magbiliyali ni seetiiya yi mɔ Tii Ala ta le le.

Ko Lankɛnɛmayanin 19:4

Kɛmɔba muan ni naani (24) ani niimafen naani wolu, ai ka suudi ben Ala batoko lɔ, min siinin tɛɛ aa masayasiifen nɔ. Ai do k'a fɔ, ai vɛɛ: «Amiina! Tanuli yi Ala yɛ!»

Ko Lankɛnɛmayanin 2:10

I kà siyan tɔlɔya ɲa min kɛtɔ i masɔlɔnna. A ye, Soitana y'ài dɔlu ladon bolo le ma kaso la, fɔsa ài lɔ yi suma, ani ài yi jangata masɔlɔn tele tan kɔlɔ. I yi to kankelentiiya lɔ hali ni a ka taa sii saya la. Wo vɛ kɛla, ǹ kɛtɔ niimaya jala dila i ma.

Ko Lankɛnɛmayanin 21:4

A do kɛtɔ ai ɲaji bɛ tɛla. Saya tɛnala kɛla je butu, kumatɛ josomakasa ni kasi ni dimin ma, kamasɔlɔn ko kɔlɔlu vɛ tunun.»

Ko Lankɛnɛmayanin 3:10

Komi i vɛ ǹ kumakan labato ka bɛn sawali ma, wo ma, ǹ kɛtɔ i matangala jangata waate ma, min natɔ dunuɲa muumɛ ma dunuɲamɔɔlu lɔsumanko lɔ.

Ko Lankɛnɛmayanin 3:14

«A sɛvɛ k'a lataa limaniyajama ya mɛlɛka ma min yi Layodiseya so kɔnɔ, i vɛɛ: ‹A ye, min yi Amiina le le, min yi sele ɲuma bɛlɛbɛlɛ le, ani Ala ya dannifen bɛ jusii, wo kan ne min ne:

Ko Lankɛnɛmayanin 5:13

Dannifen suu bɛ minu yi sangbolo lɔ ani duukolo kɔkan ani duukolo kɔlɔ ani kɔɔji kɔlɔ, ǹ ka wolu bɛ kan mɛn, ai v'a fɔla, ai vɛɛ: «Ale min siinin masayasiifen nɔ, ale ni Saa Bolan, tanuli ni buɲali ni magbiliyali ni seetiiya yi ai yɛ waate bɛ ani habadan!»