Matiyu 6:10 - Ala Ya Salatikan Kula Kitabu

¹⁰ Iya masaya la yi nkɛnɛmaya. I sawo yi kɛ duukolo kɔkan, iwo a yi kɛla teme haijɛnɛ.

Matiyu 6:10 ပူးပေါင်းရင်းမြစ်များ

Matiyu 12:50

Kamasɔlɔn mɔɔ mɔɔ vɛ ǹ Fa sawo kɛla min yi haijɛnɛ, wo tii yi ǹ dɔɔkɛ ni ǹ dɔɔmoso ni m̀ ba le le.»

Matiyu 16:28

Ǹ'i tuɲa fɔ ài yɛ, a dɔlu y'ài tɛma jan minu tɛnala saya masɔlɔnna, fɔ ai vɛ Mɔɔnivin Tanin natɔla yena aa masaya lɔ.»

Matiyu 26:42

Isa ka bɔ ai fɛ a siɲa filana lɔ ka taa Ala dali kɔtunun, a vɛɛ: «Ǹ Fa, ni a ɲa gbɛlɛ tɛ je, fɔ ǹ'i m̀ min jiyafɛ min nɔ, wo vɛ kɛla, i sawo yi kɛ.»

Matiyu 3:2

«Ài y'ài dajoo mafalin, kamasɔlɔn haijɛnɛ masaya waate ma vɛ sulunya.»

Matiyu 4:17

Isa ka kawanili damina wo waate le lɔ. A tɛɛ a fɔla mɔɔlu yɛ, a vɛɛ: «Ài y'ài dajoo mafalin, kamasɔlɔn haijɛnɛ masaya waate ma vɛ sulunya.»

Matiyu 7:21

«Mɔɔ minu bɛ y'a fɔla m̀ ma ‹Kuntii, Kuntii,› wo bɛ tɛnala donna haijɛnɛ masaya lɔ, mafɔ mɔɔ minu yi ǹ Fa sawo kɛla min yi haijɛnɛ.

Malɛkɛ 11:10

Duwawu yi mɔ bema Dawuda ya masaya yɛ min lankɛnɛmayatɔ! Tanuli yi kɛ haijɛnɛ dingila kɔlɔtanin nɔ!»

Malɛkɛ 3:35

Kamasɔlɔn mɔɔ mɔɔ vɛ Ala sawo kɛla, wo tii yi ǹ dɔɔkɛ ni ǹ dɔɔmoso ni m̀ ba le le.»

Luka 19:11

Mɔɔlu ka to ai tolomalɔla kuma wolu la, Isa ka sana dɔ la ai yɛ kamasɔlɔn ai ma tɛɛ vɛ sulunya Jelusalɛmu so la, ado mɔɔlu tɛɛ ai milila ko Ala ya masaya lankɛnɛmayatɔ wo waate gbugbu le lɔ.

Luka 19:38

Ai vɛɛ: «Duwawu yi masakɛ yɛ min yi nala mɔ Tii tɔɔ lɔ! Hɛlɛ yi kɛ haijɛnɛ! Magbiliyali yi kɛ Ala yɛ haijɛnɛ dingila kɔlɔtanin nɔ!»

Luka 22:42

A do vɛɛ: «Ǹ Fa, ni i ka diɲa a ma, i kà ǹ lamin jiyafɛ min nɔ. Kɛɛ ǹe gbu sawo kà kɛ, mafɔ i sawo.»

Yohana 4:34

Isa do vɛɛ ai yɛ: «Ǹ dɔnnifen yi min ne, wo le ka ǹ kelaba sawo kɛ ani ka aa baale dafa.

Yohana 6:40

Kamasɔlɔn ǹ Fa sawo le min ne, ko mɔɔ minu bɛ ɲa lɔnin a Denkɛ lɔ ka limaniya a ma, wolu bɛ yi niimaya banbali sɔlɔn, ǹe do kɛtɔ ai lawulila ka bɔ saya lɔ dunuɲa laban lon.»

Yohana 7:17

Ni mɔɔ min y'a fɛ ka Ala sawo kɛ, wo tii kɛtɔ a lɔnna ni ǹa kalan bɔnin Ala le lɔ, niwotɛ ni ǹ'i kumala ǹ jɛlɛkanu ya seetiiya le lɔ.

Kɛkolu 13:22

Ala ka wo labɔ je mingɛ, a ka Dawuda lasii masaya la ai kunna. Ala do ka seleya di ka bɛn Dawuda ya ko ma, a vɛɛ: ‹M̀'ɛ Jese denkɛ Dawuda ye k'a fɔ ko aa ko bɛnnin ǹ josokun ma. A do kɛtɔ ǹ sawonanko bɛ kɛla.›

Kɛkolu 21:14

Mɔ k'a ye mingɛ ko Pɔli tɛnala a miliya mafalinna, mɔ k'a to ten. Mɔ do vɛɛ: «Mɔ Tii sawo yi kɛ.»

Kɛkolu 22:14

A do vɛɛ ǹ yɛ: ‹Mɔ bemanu Tii Ala na i tala, fɔsa i y'a sawo lɔn, ka aa Mɔɔ Telennin ye, ani k'a dalakan mɛn.

Lɔmukalu 12:2

Ài k'ài suma dunuɲakolu ma, mafɔ ài yi diɲa Ala y'ài miliya mafalin ka hangili kula di ài ma. Wo vɛ kɛla, ài kɛtɔ Ala sawo lɔnna, min keinyanin, ani min diyanin a yɛ, ani min dafanin.

Ɛfɛsikalu 6:6

Ài kà baale kɛ ka bɛn ai ɲakɔlɔla ma fɔsa àiya ko yi diya ai yɛ teme, mafɔ ài yi Ala sawo le kɛ ài josokun bɛ le, iwo Masa Tɔɔmasenin ya jɔnnu.

Kɔlɔsikalu 1:13

Ale le na mɔ lakisila ka mɔ bɔ divi ya seetiiya kɔlɔ ka mɔ ladon a diyanan Denkɛ ya masaya lɔ,

Kɔlɔsikalu 1:9

Wo le n'a kɛla, ka ta mɔ na àiya ko mɛnna lon min na, mɔ ma mɔ nɔningɛ Ala dalila ka bɛn ài ma, fɔsa ài yi Ala sawo dafanin lɔn ka bɛn hangilimaya ni koɲaye suu bɛ ma, Nii Sɛnɛyanin yi minu dila.

1 Tɛsalonikakalu 4:3

Ala a fɛ le ài yi kɛ mɔɔ sɛnɛyanin ne k'ài matanga kanukɛko ma feu.

1 Tɛsalonikakalu 5:18

Ài yi balika bɔ Ala yɛ ko bɛ lɔ, kamasɔlɔn a sawo le wo le ài yɛ Masa Tɔɔmasenin Isa ya kafonɲɔɔya lɔ.

Hebululu 1:14

Wo lɔ saa, mɛlɛkalu bɛ tɛ fɔɲɛ le le ani Ala ya bɔidennu, minu kelayanin mɔɔ lakisininnu madɛmɛnko lɔ?

Hebululu 10:36

Ài mako yi sawali la, fɔsa ài vɛ banna Ala sawonanko kɛla, ài yi balayi sɔlɔn min lahedi tanin.

Hebululu 10:7

Wo lɔ, ǹ k'a fɔ: ‹Ala, ǹ'i jan, ǹ nanin i sawo kɛko le lɔ, iwo a sɛvɛnin teme kafa kɔnɔ ka bɛn m̀ ma.› »

Hebululu 13:21

Ala wo yi koɲuma suu bɛ see di ài ma a sawonanko kɛko lɔ, a v'a ladiyanankolu labaalela mɔ josokun nɔ Masa Tɔɔmasenin Isa sabu la, magbiliyali yi min yɛ waate bɛ ani habadan! Amiina.

1 Piyɛli 2:15

Kamasɔlɔn Ala a fɛ ài kɛko ɲumalu yi kɛ sabu le ka mɔɔ kolonnu ya kuma fuunnu lɔsa.

1 Piyɛli 4:2

Wo le y'a ma, a sɔnjanin tɛ adamaden niikanukolu le butu aa dunuɲalɔtɛɛ tɔ bɛ lɔ, mafɔ Ala sawonankolu.

Ko Lankɛnɛmayanin 11:15

Mɛlɛka wolowulanna ka a ta buulu fɛ mingɛ, kumakan ba dɔlu ka bɔ haijɛnɛ kɔnɔ, wolu vɛɛ: «Dunuɲa masaya vɛ kɛ mɔ Tii ni aa Masa Tɔɔmasenin ta le. A do totɔle masaya la habadan!»

Ko Lankɛnɛmayanin 12:10

Wo kɔ, ǹ ka kumakan ba dɔ mɛn haijɛnɛ, a vɛɛ: «Tandainɔ yi ne, mɔ Tii Ala ya kisiko waate vɛ se, ani aa seetiiya ni aa masaya waate, ani aa Masa Tɔɔmasenin ya faamaya waate. Kamasɔlɔn ale min tɛɛ lɔnin Ala ɲakɔlɔ mɔ badenmalu jalakiko lɔ su ni tele, a la vɛ ben ka bɔ haijɛnɛ.

Ko Lankɛnɛmayanin 19:6

Wo kɔ, ǹ ka mangan dɔ mɛn min kɛnin tɛɛ iwo jama ba kumakan, ani kɔɔ ba woyokan, ani sankulukan ba, min tɛɛ a fɔla, a vɛɛ: «Tanuli yi Ala yɛ! Kamasɔlɔn mɔ Tii Ala Seebɛtii vɛ aa masaya lasii!

Ko Lankɛnɛmayanin 20:4

Wo kɔ, ǹ ka masayasiifen dɔlu ye. Mɔɔ minu siinin tɛɛ wolu kɔkan, kititɛɛko see tɛɛ vɛ di wolu ma. Ado mɔɔ minu kun tɛɛ vɛ tɛɛ a la ka bɛn Isa ya seleyakan ni Ala kumakan ma, ǹ ka wolu niilu ye je fana. Wolu tɛɛ ma diɲa soofali ni a sawula batoko ma, kumatɛ k'a tɔɔmase sɔlɔn ai ten na, niwotɛ ai bolo ma. Mɔɔ wolu ka seikɔ niimaya lɔ, ai do ka masaya kɛ Masa Tɔɔmasenin fɛ sanji waa kelen kɔlɔ.