Matiyu 6:1 - Ala Ya Salatikan Kula Kitabu

¹ «Ài kà àiya diinakolu kɛ mɔɔlu ɲakɔlɔ, fɔsa ai yi wolu kɛnin ye ài bolo. Ài vɛ wo kɛla, ài Fa min yi haijɛnɛ, wo tɛnala ài balayila feu.

Matiyu 6:1 ပူးပေါင်းရင်းမြစ်များ

Matiyu 16:27

Kamasɔlɔn Mɔɔnivin Tanin kɛtɔ nala aa mɛlɛkalu fɛ, a Fa aa magbiliyali lɔ. Wo vɛ kɛla, a kɛtɔ mɔɔ kelenkelenna bɛ salala ka bɛn ai kɛkolu ma.

Matiyu 16:6

Wo ma, Isa vɛɛ ai yɛ: «Ài y'ài jando ài jɛlɛ lɔ ka bɛn Falisilu ni Sadusilu ya bululafununsɛɛ ma.»

Matiyu 23:13

«Gbalo yi ài yɛ, seliya kalanmɔɔlu ni Falisilu! Àilu filangafolu! Kamasɔlɔn ài yi haijɛnɛ masaya datuunna mɔɔlu ɲa. Àilu gbu tɛ donna haijɛnɛ masaya lɔ, ado mɔɔ minu a fɛ ka don a lɔ, ài yi wolu dansiila fɔsa ai kana don a lɔ.

Matiyu 23:5

Ai y'ai kɛkolu bɛ kɛla fɔsa mɔɔlu y'ai ye. Wo le y'a kɛla, ai yi Alatɔɔmasilininnu bilala ai kanna ka wolu labuɲa. Juluni minu silinin aiya faani dagbolo la, ai yi wolu jaanyala.

Matiyu 25:40

Wo kɔ, Masakɛ kɛtɔ ai javila, a vɛɛ: ‹Ǹ'i tuɲa fɔ ài yɛ, ni ài ka kokein kɛ m̀ badenma bɛ lɔ dɔɔmaninda dɔ yɛ, ài na wo kɛla ǹe gbugbu le yɛ.›

Matiyu 5:16

Àiya kɛnɛya yi bɔ ten mɔɔlu ɲakɔlɔ, fɔsa ai y'ài kɛko keinnu ye k'ài Fa magbiliya min yi haijɛnɛ.»

Matiyu 5:46

Niwotɛ, ni ài k'ài niilu kanu dein, ài kɛtɔ balayi mindɛ le sɔlɔnna wo lɔ? Hali niisɔɔnminabalu gbu yi wo ɲɔɔzii kɛla.

Matiyu 5:48

Ài yi dafa ko bɛ lɔ iwo ài Fa min yi haijɛnɛ, wo dafanin teme.»

Matiyu 6:16

«I vɛ sundonna lon min na, i k'i ɲakɔlɔ sili iwo filangafolu y'a kɛla teme. Wolu y'ai ɲakɔlɔ silila fɔsa mɔɔlu y'a lɔn ai yi sun nɔ. Ǹ'i tuɲa fɔ ài yɛ, ai vɛ ban ai balayi sɔlɔnna.

Matiyu 6:9

«Ài ka kan ka Ala dali teme, wo le ne: ‹Mɔ Fa min yi haijɛnɛ, i tɔɔ sɛnɛyanin yi buɲa.

Malɛkɛ 8:15

Ado Isa vɛ ai lalila, a vɛɛ: «Ài y'ài jando ài jɛlɛ lɔ ka bɛn Falisilu ni Masakɛ Helodi ya bululafununsɛɛ ma.»

Luka 11:35

Wo le y'a ma, ài y'ài jando ài jɛlɛ lɔ, alako àiya kɛnɛya kana ban ka kɛ divi le.

Luka 12:1

Wo waate lɔ, mɔɔ waa jilika k'ai ladɛn Isa laminin nɔ haan fɔɔ ai v'i lɔla i ɲɔɔ kɔkan. Isa do ka kuma a kɔbiladennu yɛ kunfɔlɔ le, a vɛɛ ai yɛ: «Ài y'ài jando ài jɛlɛ lɔ ka bɛn Falisilu ya bululafununsɛɛ ma, min yi filangafoya le.

Luka 12:15

Wo fɔ Isa bolo, a k'a fɔ jama yɛ, a vɛɛ: «Ài y'ài jando ài jɛlɛ lɔ ka bɛn natabaya suu bɛ ma, kamasɔlɔn mɔɔ ya niimaya tɛ bɔla aa nafolo wala jate lɔ.»

Luka 16:15

Wo kɛ, Isa vɛɛ ai yɛ: «Àilu y'ài jɛlɛ kɛla telenmande le mɔɔlu ɲakɔlɔ, kɛɛ Ala do k'ài miliya lɔn. Kamasɔlɔn fen minu kulugbeleyanin adamadennu ɲakɔlɔ, wolu yi fen kɔsɔnin ne le Ala ɲakɔlɔ.»

Yohana 12:43

Kamasɔlɔn adamadennu ya magbiliyali le diyanin tɛɛ ai yɛ ka timin Ala ta la.

Yohana 5:44

Ài yi se limaniyala di, k'a talan ài yi magbiliyali ɲininna i ɲɔɔ fɛ, kɛɛ ài do tɛ magbiliyali wo ɲininna min yi bɔla Ala kelenpesa fɛ?

Kɛkolu 3:12

Piyɛli ka jama ye mingɛ, a vɛɛ ai yɛ: «Bani Isilankalu, mindɛ kɛnin ài yi kawakoyala ka bɛn ko min ma, k'ai ɲa kaa mɔ lɔ ka kɛ iwo mɔ fanga le na kɛ́ min lataamana, niwotɛ maa Alaɲasiyanɲɛ?

Galatiyakalu 6:12

Mɔɔ minu yi buɲali ɲininna mɔɔlu bolo, wolu y'a fɛ ka diyanigbeya la ài kɔkan kɛnɛkɛko lɔ. Ai do yi wo la dein fɔsa ai kana jangata masɔlɔn ka bɛn Masa Tɔɔmasenin gbaankɔlɔman ma.

Hebululu 11:26

A k'a ye ko ka Masa Tɔɔmasenin ya lafeyali suu masɔlɔn, wo nafa buɲayine ka timin Misilan nafolo bɛ la, kamasɔlɔn a ɲa tɛɛ balayi natɔ le la.

Hebululu 2:1

Wo le y'a ma, mɔ na mɔ tolomalɔla tuɲa kuma min na, fɔ m'i mɔ bolo kɛ wo la kpekpe, alako mɔ kana fili.

Hebululu 6:10

Ala tɛ telenbali le k'a fɔ ko a yi jɔ àiya baale ni àiya kanundeya ma, ài na min jiyala ka bɛn a tɔɔ ma ka mumininnu makolu laɲia, iwo ài deinin a kɛla teme hali bi.

2 Yohana 1:8

Wo ma, ài y'ài jando ài jɛlɛ lɔ, fɔsa ài kana bɔnɔ ài sɛyɛnɔ la, mafɔ ài àiya balayi dafanin wo sɔlɔn.