Matiyu 5:9 - Ala Ya Salatikan Kula Kitabu

⁹ Duwawuden ne mɔɔ wolu le, minu yi josolajii ladonna mɔɔlu wotɛ, kamasɔlɔn Ala kɛtɔ a fɔla ai ma ko a dennu.

Matiyu 5:9 ပူးပေါင်းရင်းမြစ်များ

Matiyu 5:45

fɔsa ài yi kɛ ài Fa dennu le min yi haijɛnɛ. Kamasɔlɔn ale le yi tele labɔla mɔɔ yon ni mɔɔ bɛlɛlu yɛ. A do yi san lanala mɔɔ telennin ni mɔɔ telenbalilu yɛ.

Matiyu 5:48

Ài yi dafa ko bɛ lɔ iwo ài Fa min yi haijɛnɛ, wo dafanin teme.»

Luka 20:36

Ai tɛnala saya masɔlɔnna butu. Ai kɛtɔle iwo mɛlɛkalu, ani Ala den ne ai le, kamasɔlɔn ai v'i wuli ka bɔ saya lɔ.

Luka 6:35

Àilu koni, fɔ ài y'ài juulu kanu ka kokein kɛ ai yɛ. Ài yi julu la k'ài jii bɔ a salako kɔ. Wo vɛ kɛla, ài kɛtɔ balayi ba sɔlɔnna ka kɛ Masa Taala dennu le. Kamasɔlɔn ale le yi kokein kɛla mɔɔ bɛ yɛ, hali koɲumalɔnbalilu ni mɔɔ yonnu.

Kɛkolu 7:26

Wo kɛnɛbɔlon, Musa ka Bani Isilanka kɛ́ fila bilanin ye i ɲɔɔ na. A do k'i lɔja k'ai wotɛbɛn, a vɛɛ: ‹Badenma le ài le, mindɛ kɛnin ài yi koyon kɛla i ɲɔɔ na tan?›

Lɔmukalu 12:18

Ài y'ài senko bɛ kɛ fɔsa josolajii yi kɛ àilu ni mɔɔ bɛ wotɛ.

Lɔmukalu 8:14

Kamasɔlɔn mɔɔ minu yi taamana iwo Ala Nii Sɛnɛyanin y'ai lɔla teme, wolu bɛ yi Ala den ne le.

Lɔmukalu 8:16

Nii Sɛnɛyanin gbu yi seleya min dila, wo seleya kelen ne yi mɔ josokun nɔ ko Ala den ne mɔ le.

Lɔmukalu 8:19

Kamasɔlɔn dannifen bɛ kɔlɔtɔnin wo lon nako le la, Ala kɛtɔ a dennu lankɛnɛmayala lon min na.

1 Kolɛntikalu 6:6

Kɛɛ badenma dɔ yi taala a dɔ le kititɛɛya lɔ. Wo do yi kɛla Alalɔnbalilu le ɲakɔlɔ!

2 Kolɛntikalu 13:11

Mɔ badenmalu, a tonin min ma, wo le ne: Ài yi sawa, k'ài lɔja ka kɛ mɔɔ dafanin ne, k'i ɲɔɔ sɛmɛdon, k'ài bɛn a lɔ, ka josolajii ladon i ɲɔɔ wotɛ. Wo vɛ kɛla, Ala min yi kanundeya ni josolajii dila, wo kɛtɔ tola ài tɛma.

2 Kolɛntikalu 5:20

Ǹu le taanin kɛla Masa Tɔɔmasenin ɲa le, ka kɛ iwo Ala yi ǹu le labaalela mɔɔlu kiliko lɔ. M'ài madiyala Masa Tɔɔmasenin tɔɔ lɔ, mɔ vɛɛ: «Àilu ni Ala wotɛ yi bɛn!»

Galatiyakalu 5:22

Kɛɛ Nii Sɛnɛyanin y'a den minu kɛla mɔɔ josokun nɔ, wolu le ne: kanundeya, josoladiya, josolajii, sawali, henandeya, ɲumaya, lanandeya,

Ɛfɛsikalu 4:1

Ǹe min kɛnin kasoden ne mɔ Tii ya ko lɔ, ǹ'a fɔla ài yɛ k'a magbeleya, ǹ ko, Ala n'ài kilila min kanma, ài taamaɲa yi bɛn wo ma.

Filipikalu 4:2

Ǹ'i Ewodi ni Sɛndiki madiyala fɔsa ài yi bɛn a lɔ iwo badenmamoso fila mɔ Tii ya kafonɲɔɔya lɔ.

Kɔlɔsikalu 3:13

Ài do sɔn yi kun i ɲɔɔ nɔ, k'i ɲɔɔ makoto. Ni a dɔ ka hakɛ ta a dɔ la, ài ɲɔɔ makoto iwo mɔ Tii n'ài makotola teme.

Hebululu 12:14

Ài y'ài lɔja josolajii yi kɛ àilu ni mɔɔ bɛ wotɛ, ani k'i lɔja ka taama sɛnɛyali boloma, mɔ Tii tɛ se yena min kɔ.