Matiyu 5:7 - Ala Ya Salatikan Kula Kitabu

⁷ Duwawuden ne henandelu le, kamasɔlɔn Ala kɛtɔ henala ai la.

Matiyu 5:7 ပူးပေါင်းရင်းမြစ်များ

Malɛkɛ 11:25

I lɔnin vɛ kɛla Ala dalila, ni i hangili ka bila ko, ko dɔ ile ni mɔɔ dɔ wotɛ, wo vɛ kɛla, i yi wo tii makoto, fɔsa i Fa min yi haijɛnɛ, wo fana ile gbu ya hakɛlu lɔkoto.»

Luka 6:35

Àilu koni, fɔ ài y'ài juulu kanu ka kokein kɛ ai yɛ. Ài yi julu la k'ài jii bɔ a salako kɔ. Wo vɛ kɛla, ài kɛtɔ balayi ba sɔlɔnna ka kɛ Masa Taala dennu le. Kamasɔlɔn ale le yi kokein kɛla mɔɔ bɛ yɛ, hali koɲumalɔnbalilu ni mɔɔ yonnu.

Lɔmukalu 11:30

Waate lɔ, àilu siboloma gbɛlɛ mɔɔlu tɛɛ kolobaliya le kɛla Ala la. Kɛɛ tandainɔ yi ne, àilu vɛ Ala ya henandeya sɔlɔn ka bɛn Jahudiyalu ya kolobaliya ma.

1 Kolɛntikalu 7:25

Ǹe do ma jamali sɔlɔn mɔ Tii la ka bɛn singbili ni kavelennu ma minu ma fulu kɛ ba bene. Kɛɛ do, ǹ'i m̀ miliya le jiyala ài la, iwo mɔɔ min kɛnin lanande le ka bɛn mɔ Tii ya henandeya ma.

2 Kolɛntikalu 4:1

Komi baale min kalifanin mɔ la ka bɛn Ala ya henandeya le ma, wo le y'a ma, mɔ falilɔ tɛ teeyala.

Ɛfɛsikalu 4:32

Kɛɛ ài yi ɲumaya ni henandeya jiya i ɲɔɔ na, k'ài ɲɔɔ makoto iwo Ala n'ài makotola teme Masa Tɔɔmasenin fɛ.

Kɔlɔsikalu 3:12

Komi Ala n'ài tala k'ài kɛ a diyananmɔɔ sɛnɛyaninnu le, wo lɔ, ài yi dajoo kula ta ka kɛ maɲumande le, ani mɔɔ ɲuma, ani mɔɔ fanmajiinin, ani mɔɔ mafanin, ani mɔɔ sawalinin.

1 Timote 1:13

Waate lɔ, ǹ tɛɛ a jɛvɛla ka aa mɔɔlu jangata kafaya boloma. Kɛɛ wo bɛ n'a kɛ, a na henandeya jiyala ǹ na, kamasɔlɔn ǹ tɛɛ ko suu wolu kɛla kolɔnbaliya ni limaniyabaliya le lɔ.

1 Timote 1:16

Kɛɛ Ala na henala ǹ na dailu min ne la, fɔsa Masa Tɔɔmasenin Isa tɛɛ aa sawali dafanin jiya julumbutɔlu bɛ lɔ mɔɔ kɛwon na. A do na ǹ kɛla misali le mɔɔlu yɛ, minu kɛtɔ limaniyala a ma ka niimaya banbali sɔlɔn.

Hebululu 4:16

Wo le y'a ma, ài m'i madon Nɛɛmatii Ala ya masayasiifen na lanaya boloma, fɔsa a yi hena mɔ la, ka nɛɛma kɛ mɔ yɛ, ani ka mɔ madɛmɛn a waate bɛlɛ lɔ.

Hebululu 6:10

Ala tɛ telenbali le k'a fɔ ko a yi jɔ àiya baale ni àiya kanundeya ma, ài na min jiyala ka bɛn a tɔɔ ma ka mumininnu makolu laɲia, iwo ài deinin a kɛla teme hali bi.

Janguba 2:13

Kamasɔlɔn ni mɔɔ min ma hena dɔlu la, wo tii ya kiti tɛnala tɛɛla henandeya boloma. Henandeya le yi see sɔlɔnna kiti ma.

Janguba 3:17

Kɛɛ hangilimaya min yi bɔla haijɛnɛ, wo yi nala sɛnɛyali le le kunfɔlɔ le, ka josolajii tuun wo la, ani sɔniyali ni nɔya. Henandeya y'a lɔ, a do kɛkolu ɲumayanin kosɛvɛ. A do tɛ lafisayali ni filangafoya kɛla.

1 Piyɛli 2:10

Waate lɔ, Ala ya mɔɔ tɛɛ tɛ ài le, kɛɛ ài vɛ kɛ aa mɔɔ le butu. Ài do tɛɛ ma aa henandeya sɔlɔn, kɛɛ ài v'a sɔlɔn yi ne.