Matiyu 5:48 - Ala Ya Salatikan Kula Kitabu

⁴⁸ Ài yi dafa ko bɛ lɔ iwo ài Fa min yi haijɛnɛ, wo dafanin teme.»

Matiyu 5:48 ပူးပေါင်းရင်းမြစ်များ

Matiyu 5:16

Àiya kɛnɛya yi bɔ ten mɔɔlu ɲakɔlɔ, fɔsa ai y'ài kɛko keinnu ye k'ài Fa magbiliya min yi haijɛnɛ.»

Matiyu 5:45

fɔsa ài yi kɛ ài Fa dennu le min yi haijɛnɛ. Kamasɔlɔn ale le yi tele labɔla mɔɔ yon ni mɔɔ bɛlɛlu yɛ. A do yi san lanala mɔɔ telennin ni mɔɔ telenbalilu yɛ.

Matiyu 5:47

Ni ài y'ài badenmalu le fola dein, wo yi ko ba le le? Hali Alalɔnbalilu gbu yi wo ɲɔɔzii le kɛla.

Luka 6:36

Ài yi kɛ henandelu le, iwo ài Fa Ala yi henande le teme.»

Luka 6:40

Kalannaden tɛ buɲa sɔlɔnna ka timin aa kalanmɔɔ la. Kɛɛ ni a ka aa kalan dafanin sɔlɔn, a yi kɛle aa kalanmɔɔ ɲɔɔzii le.

2 Kolɛntikalu 13:11

Mɔ badenmalu, a tonin min ma, wo le ne: Ài yi sawa, k'ài lɔja ka kɛ mɔɔ dafanin ne, k'i ɲɔɔ sɛmɛdon, k'ài bɛn a lɔ, ka josolajii ladon i ɲɔɔ wotɛ. Wo vɛ kɛla, Ala min yi kanundeya ni josolajii dila, wo kɛtɔ tola ài tɛma.

2 Kolɛntikalu 13:9

Ni fanga ma kɛ mɔ la waate min nɔ, k'a talan ài fanga walanin, m'i sawale wo lɔ. Mɔ do yi Ala dalila fɔsa àiya ko bɛ yi dafa.

2 Kolɛntikalu 7:1

Ǹ diyananmɔɔlu, komi lahedi minu tanin mɔ yɛ, wo lɔ, ài m'i mɔ jɛlɛ lasɛnɛya ka bɔ ko bɛ ma minu yi mɔ falikolo ni mɔ josokun lakɔsɔla. Ài m'i lɔja ka maa sɛnɛya dafa Alaɲasiyanɲɛ boloma.

Ɛfɛsikalu 3:1

Wo le n'a kɛla, ǹe Pɔli yi Ala dalila ài yɛ, ǹe min kɛnin Masa Tɔɔmasenin Isa ya kasoden ne àilu siboloma gbɛlɛ mɔɔlu ya ko lɔ.

Kɔlɔsikalu 1:28

Wo lɔ, m'i Masa Tɔɔmasenin ya ko lasena mɔɔ bɛ ma, k'ai lali, ani k'ai kalan hangilimaya bɛ la, fɔsa m'i mɔɔ kelenkelenna bɛ dafanin lalɔ Ala ɲakɔlɔ Masa Tɔɔmasenin ya kafonɲɔɔya lɔ.

Kɔlɔsikalu 4:12

Ɛpafalasi, min y'ài dɔ le ani Masa Tɔɔmasenin Isa ya bɔiden, wo y'ài fola. A lɔgbeleyayine Aladaliko ma ài yɛ waate bɛ, fɔsa ài yi lɔjanin yi to, ka sawati, ani ka to hangililatɛɛ lɔ, ka dafa Ala sawo bɛ lɔ.

Janguba 1:4

Wo le y'a ma, fɔ àiya sawali da yi fa ka se a dan ma, fɔsa àiya ko bɛ yi dafa, ài kà dɛsɛ a suu suu la.

1 Yohana 3:3

Ni jeisii wo ka kɛ mɔɔ min bolo, wo tii y'a jɛlɛ lasɛnɛyale iwo Isa sɛnɛyanin teme.