Matiyu 5:30 - Ala Ya Salatikan Kula Kitabu

³⁰ Ni do i bolokini k'i lɔ hakɛ tala, i y'a tɛɛ a la k'a lafili, kamasɔlɔn i bɔnɔko i fali fan kelen na, wo le fisayanin i ma jani i fali dafanin yi taa jahanama.»

Matiyu 5:30 ပူးပေါင်းရင်းမြစ်များ

Matiyu 11:6

Ni mɔɔ mɔɔ kunnɔ ma tɛɛ ka bɛn m̀ ma, duwawuden ne wo tii le.»

Matiyu 13:21

Kɛɛ kuma wo lilen tɛ donna ka jaanfa ai josokun nɔ, a do tɛ tola ai kɔnɔ. Gbeleya vɛ ai masɔlɔnna, niwotɛ mɔɔlu vɛ ai tɔlɔyala ka bɛn Ala kumakan ma, ai yi limaniya siya bilala telemanin.

Matiyu 16:23

Kɛɛ Isa k'i kɔdon k'a fɔ Piyɛli yɛ, a vɛɛ: «Ile Soitana, bɔ ǹ kɔ! Ile ǹ sentuu sabu le le, kamasɔlɔn i t'i milila Ala sawonankolu ma, mafɔ adamadennu sawonankolu.»

Matiyu 17:27

Kɛɛ mɔ kà mɔɔ minu ɲagba. Wo lɔ, i yi taa loifiliya lɔ kɔɔ lɔ. I vɛ jɛɛ kunfɔlɔ min minala, i yi wo da laka k'a lɔfɛlɛn. I kɛtɔ wɔligbana dɔ yena a da. Wo vɛ kɛla, i yi taa wo di ai ma, ka wo kɛ ǹu mɔɔ fila ya kɔnzɔn ne.»

Matiyu 18:8

«Ni i bolo niwotɛ i sen k'i lɔ julumbu tala, i y'a tɛɛ a la k'a lafili. Kamasɔlɔn ni i bolokelentɔ niwotɛ i senkelentɔ ka don niimaya banbali lɔ, wo le fisayanin i ma, jani i bolofilatɔ niwotɛ i senfilatɔ la yi fili taa banbali lɔ.

Matiyu 22:13

Wo kɛ, masakɛ vɛɛ aa bɔidennu yɛ: ‹Ài y'a sen ni a bolo sili k'a lafili divi lɔ banama, a kasitɔ k'a ɲii sii i ɲɔɔ na dimin bolo je.› »

Matiyu 25:20

Bɔiden min ka kɛmɛ loolu (500) sɔlɔn, wo ka na kɛmɛ loolu (500) gbɛlɛ le, k'a la aa wɔli kɔkan, a vɛɛ: ‹Ǹ kuntii, i na sanu gbana kɛmɛ loolu (500) le tola m̀ bolo. A ye, m̀'ɛ kɛmɛ loolu gbɛlɛ (500) tɔnɔ sɔlɔn a kɔkan.›

Matiyu 26:31

Wo kɛ, Isa vɛɛ ai yɛ: «Bi su min nɔ, ài bɛ kɛtɔ ài banna ǹ nɔ, kamasɔlɔn a sɛvɛnin kitabu kɔnɔ, ko: ‹Ǹ kɛtɔ saakunnasiiba gbasila, ado aa saa kulu jɛzɛntɔ.›

Matiyu 5:22

Kɛɛ ǹ'a fɔ ài yɛ, mɔɔ min vɛ mɔnɛla a badenma ma, kiti bilatɔ wo tii la. Ni do mɔɔ min v'a badenma dɔɔyala, ai yi taa wo tii le kititɛɛbalu ɲakɔlɔ. Ni do mɔɔ min v'a fɔla a badenma ma ko ‹mɔɔ kolon›, wo la yi fili jahanama taa lɔ.

Matiyu 5:29

Wo lɔ saa, ni i bolokini ɲaden k'i lɔ hakɛ tala, i y'a bɔ a lɔ k'a lafili, kamasɔlɔn i bɔnɔko i falikolo fan kelen na, wo le fisayanin i ma jani i falikolo dafanin la yi fili jahanama.

Malɛkɛ 9:43

Ni i bolo k'i lɔ julumbu tala, i y'a tɛɛ a la k'a lafili. Kamasɔlɔn ni i bolokelentɔ ka don niimaya banbali lɔ, wo le fisayanin i ma, jani i bolofilatɔ la yi fili jahanama taa banbali lɔ.

Luka 12:5

Ài ka kan ka siyan min ɲa, ǹ kɛtɔ wo jiyala ài la. See yi min yɛ ka mɔɔ faa, ka ban k'a lafili jahanama, ài ka kan ka siyan wo tii le ɲa. Aan, ǹ'a fɔ ài yɛ, ài yi siyan ale le ɲa feu!

Luka 17:2

A tɛɛ bɛnne wo tii ma ka kawa ba sili a kanna k'a lafili kɔɔ lɔ, jani a yi kɛ sabu le ka denni minu kelen lɔ julumbu tala.

Lɔmukalu 9:33

iwo a sɛvɛnin kitabu kɔnɔ teme, ko: «Ài y'a ye, m̀'ɛ sen tuu kawakulun dɔ bila Ziyɔn so kɔnɔ, min kɛtɔ kɛla sabu le ka mɔɔlu laben. Kɛɛ do, ni mɔɔ mɔɔ ka limaniya a ma, wo tii tɛnala maloyala.»

1 Kolɛntikalu 8:13

Wo le y'a ma, ni dɔnnifen dɔ ka kɛ m̀ badenma kunnɔtɛɛko sabu le, wo vɛ kɛla, ǹ tɛnala soo dɔnna butu feu, fɔsa m̀ badenma kunnɔ kana tɛɛ.

Galatiyakalu 5:11

M̀ badenmalu, ni a ka talan ǹ'i mɔɔlu kawanila hali bi ko ai y'ai makɛnɛkɛ, mindɛ lɔ ǹ'i jangata masɔlɔnna bene? Ni wo le, ǹ'i kawanili min na ka bɛn Masa Tɔɔmasenin gbaanko ma kɔlɔman ma, wo tɛɛ tɛnala kɛla mɔɔ foi kunnɔtɛɛko sabu le.

1 Piyɛli 2:8

A sɛvɛnin kɔtunun, ko: «Wo le kɛnin ai sen tuu kawakulun ne, ani kawa min y'ai labenna.» Ai sen tuunin kamasɔlɔn ai yi kolobaliya kɛla Ala kumakan na, iwo a latɛɛnin ai ma teme.