Matiyu 5:28 - Ala Ya Salatikan Kula Kitabu

²⁸ Kɛɛ ǹ'a fɔ ài yɛ, ǹ ko, ni i k'i ɲa kaa moso lɔ haan fɔɔ a masɔlɔn lɔɔ y'i mina, i vɛ ban jalonya kɛla wo fɛ i josokun nɔ.

Matiyu 5:28 ပူးပေါင်းရင်းမြစ်များ

Matiyu 15:19

Kamasɔlɔn miliya yon bɛ yi bɔla mɔɔ kɔnɔ le lɔ, ani a josokun nɔ: mɔɔfaako, jalonya, kanukɛko, suɲali, faɲafɔ seleya, ani tɔɔtiɲali.

Matiyu 5:22

Kɛɛ ǹ'a fɔ ài yɛ, mɔɔ min vɛ mɔnɛla a badenma ma, kiti bilatɔ wo tii la. Ni do mɔɔ min v'a badenma dɔɔyala, ai yi taa wo tii le kititɛɛbalu ɲakɔlɔ. Ni do mɔɔ min v'a fɔla a badenma ma ko ‹mɔɔ kolon›, wo la yi fili jahanama taa lɔ.

Matiyu 5:39

Kɛɛ ǹ'a fɔ ài yɛ, ài k'ài ta sala koyonkɛba lɔ. Ni mɔɔ k'i bolokini tolo te, i i bolonunma tolo di a ma fana.

Lɔmukalu 7:14

Mɔ k'a lɔn ko seliya bɔnin Ala le lɔ, kɛɛ ǹe do yi adamaden jɛlɛla le le min felenin ka kɛ julumbu ya jɔn ne.

2 Piyɛli 2:14

Waate bɛ, ai ɲa yi bɔla mosolu la jalonya boloma. Ai tɛ wasala julumbu tako lɔ. Ai yi sɔɔ lasiila mɔɔlu ɲa minu sawatinin tɛ limaniya lɔ. Ai josokun lafanin natabaya le le. Daantɔ le ai le.

1 Yohana 2:16

Kamasɔlɔn ko min bɛ yi dunuɲa kɔnɔ: falikolo niikanukolu o, ɲakulanindeyakolu o, ani fentiiya waso, wo dɔ pa tɛ bɔla mɔ Fa fɛ, dunuɲa ta le wo bɛ le.