Matiyu 5:12 - Ala Ya Salatikan Kula Kitabu

¹² Ài kɔnɔlɔ yi diya bubale, kamasɔlɔn ài kɛtɔ balayi ba le sɔlɔnna haijɛnɛ, kamasɔlɔn ai ka kela kɔlɔkɔlɔlu jangata ten ne.»

Matiyu 5:12 ပူးပေါင်းရင်းမြစ်များ

Matiyu 16:27

Kamasɔlɔn Mɔɔnivin Tanin kɛtɔ nala aa mɛlɛkalu fɛ, a Fa aa magbiliyali lɔ. Wo vɛ kɛla, a kɛtɔ mɔɔ kelenkelenna bɛ salala ka bɛn ai kɛkolu ma.

Matiyu 6:16

«I vɛ sundonna lon min na, i k'i ɲakɔlɔ sili iwo filangafolu y'a kɛla teme. Wolu y'ai ɲakɔlɔ silila fɔsa mɔɔlu y'a lɔn ai yi sun nɔ. Ǹ'i tuɲa fɔ ài yɛ, ai vɛ ban ai balayi sɔlɔnna.

Luka 13:34

«Ɛɛ Jelusalɛmu! Jelusalɛmu! Ile min ya mɔɔlu yi kelalu faala ka Ala ya kelalasebalu bon kawa la. A lɔɔ tɛɛ ǹ na siɲa siyama le k'ài ladɛn iwo sisɛ y'a dennu ladɛnna teme, k'ai doon a kawa kɔlɔ, kɛɛ ài do ma diɲa a ma.

Luka 6:23

Wo vɛ kɛla lon min, ài y'ài gban sawa boloma, kamasɔlɔn ài kɛtɔ balayi ba le sɔlɔnna haijɛnɛ. Kamasɔlɔn mɔɔ minu yi koyon wo suu kɛla ài la, wolu bemanu na wo ɲɔɔzii le kɛla kelalu la.

Luka 6:35

Àilu koni, fɔ ài y'ài juulu kanu ka kokein kɛ ai yɛ. Ài yi julu la k'ài jii bɔ a salako kɔ. Wo vɛ kɛla, ài kɛtɔ balayi ba sɔlɔnna ka kɛ Masa Taala dennu le. Kamasɔlɔn ale le yi kokein kɛla mɔɔ bɛ yɛ, hali koɲumalɔnbalilu ni mɔɔ yonnu.

Kɛkolu 16:25

Sutala lɔ, Pɔli ni Silasi tɛɛ Ala dalila ka baiti la a yɛ, kasoden tɔlu tolomalɔnin vɛ ai la.

Kɛkolu 5:41

Wo kɛ, keladennu ka bɔ kititɛɛjama ɲakɔlɔ sawa le, kamasɔlɔn ai lafeyako ka bɛn Isa tɔɔ ma, ailu ni wo le kaannin.

Lɔmukalu 5:3

K'a dɔ la wo kɔkan, m'i sawala hali maa tɔlɔyalu lɔ, kamasɔlɔn mɔ k'a lɔn ko tɔlɔya yi nala sawali le le.

1 Kolɛntikalu 3:8

Mɔɔ min yi fen sɛnɛna ani min y'a sɔla ji la, wolu kaanyine. Ai kelenkelenna bɛ kɛtɔ ai sala sɔlɔnna ka bɛn aiya baale le ma.

2 Kolɛntikalu 4:17

Ado m'i tɔlɔyani minu masɔlɔnna waateni kɔlɔ, wolu yi mɔ lɔbɛnna habadan magbiliyali le lɔ, min buɲanin ka timin tɔlɔya wolu la feu.

Filipikalu 1:29

Kamasɔlɔn Ala ya nɛɛma ma kɛ ài yɛ k'a fɔ ko ài yi limaniya Masa Tɔɔmasenin ma dein, mafɔ ài yi tɔlɔya masɔlɔn fana ka bɛn a ma,

Filipikalu 2:17

Ài limaniyanin teme Ala ma k'àiya ko bɛ di a ma, wo kɛyine iwo salaka min la yi sena Ala ma. Tumadɔ fɔ ǹe gbu jeli yi bɔn àiya salaka kɔkan, iwo fen min yi niila. Wo vɛ kɛla, ǹ kɔnɔ kɛtɔ diyala, ado ǹ'i sawale ài fɛ.

Kɔlɔsikalu 1:24

Wo lɔ saa, ǹ kɔnɔlɔdiyayine ka bɛn ǹa tɔlɔyalu ma àiya ko lɔ, kamasɔlɔn Masa Tɔɔmasenin ya tɔlɔya tɔ min tonin, ǹ'i wo le dafala ǹ falikolo lɔ limaniyajama yɛ, min kɛnin a falikolo le.

Kɔlɔsikalu 3:24

Kamasɔlɔn ài k'a lɔn ne ko mɔ Tii yi balayi minu ladalola a jɛlɛkanu mɔɔlu yɛ, ài kɛtɔ wolu le sɔlɔnna ka kɛ ài sala le. Ài do yi mɔ Tii Masa Tɔɔmasenin Isa ya bɔidenya le la.

1 Tɛsalonikakalu 2:15

Jahudiya wolu le na mɔ Tii Isa faala, ani kelalu, ka ǹu gbu gbɛn aiya jamana kɔnɔ. Ai do yi Ala lagbeyanankolu le kɛla, k'ai lɔ adamaden bɛ ɲa,

Hebululu 10:34

Ài n'ài fɛ bilala kasodennu ya tɔlɔyalu la. Ai ka ài halala bɛ jaso ài tɛɛ la mingɛ, ài ka wo mina ài ma kɔnɔlɔdiya boloma, kamasɔlɔn ài tɛɛ k'a lɔn ne ko a fisamandeya ta le y'ài bolo, min tonin ài bolo.

Hebululu 11:26

A k'a ye ko ka Masa Tɔɔmasenin ya lafeyali suu masɔlɔn, wo nafa buɲayine ka timin Misilan nafolo bɛ la, kamasɔlɔn a ɲa tɛɛ balayi natɔ le la.

Hebululu 11:33

Aiya limaniya le na kɛla sabu le, ai ka see sɔlɔn jamanalu ma, ka kuntiiya kɛ telenmandeya boloma, ka fennu sɔlɔn minu lahedi tanin Ala bolo, ka jalalu da latuun,

Hebululu 11:6

Ka bɔ limaniya kɔ, mɔɔ tɛ se diyala Ala yɛ feu. Ni mɔɔ min y'a fɛ k'i masulunya Ala la, fɔ wo tii yi limaniya k'a fɔ ko Ala yi je, ani a yi mɔɔlu balayila minu y'a ɲininna.

Janguba 1:2

M̀ badenmalu, ni tɔlɔya suu suu k'ài masɔlɔn, ài yi wo bɛ jate kɔnɔlɔdiyako le.

Janguba 5:10

M̀ badenmalu, ài yi kelalu ya sawali ni aiya tɔlɔyalu kɛ misali le, minu ka kuma mɔ Tii tɔɔ lɔ.

1 Piyɛli 4:13

Mafɔ, ài y'ài kɔnɔlɔdiya, kamasɔlɔn ài vɛ ài ta sɔlɔn Masa Tɔɔmasenin ya tɔlɔya lɔ, fɔsa ài kɔnɔlɔ yi diya kɔtunun bɛlɛbɛlɛ kɛ aa magbiliyali la vɛ nkɛnɛmayala lon min na.