Matiyu 4:24 - Ala Ya Salatikan Kula Kitabu

²⁴ Isa mangutu ka bɔ Siliya duu fan bɛ lɔ, ado ai tɛɛ nala mɔɔlu le a fɛlɔ minu tɔlɔnin tɛɛ jangalo ni falilɔdimin suu bɛ bolo. Jinatɔlu o, fɔlifɔlitɔlu o, namalanilu o, a ka wolu bɛ lakɛnɛya.

Matiyu 4:24 ပူးပေါင်းရင်းမြစ်များ

Matiyu 12:22

Wo kɔ, mɔɔlu ka na kɛ́ dɔ le, jina tɛɛ vɛ min ɲa gbɛ, ani k'a kɛ bobo le. Isa k'a lakɛnɛya mingɛ, a tɛɛ kuma ni yeni kɛla.

Matiyu 14:1

Jamanakunnasiiba Helodi ka Isa mangutu mɛn mingɛ,

Matiyu 15:22

Kanaan duulen moso dɔ ka na a ma kasi le. A do vɛɛ a yɛ: «Ǹ Kuntii, Dawuda Bɔzɔn, hena ǹ na! Ǹ denmoso yi tɔlɔyala bubale jina dɔ bolo!»

Matiyu 17:15

«Ǹ Kuntii, hena ǹ denkɛ la, kamasɔlɔn a vɛ tɔlɔya bubale fɔlifɔli jangalo bolo. A v'a minala kotan, waate siyama lɔ a yi benna taa la, niwotɛ ji lɔ.

Matiyu 17:18

Isa ka jina majaman mingɛ, jina ka bɔ denni lɔ. A do ka kɛnɛya telemanin.

Matiyu 4:23

Isa tɛɛ Galile koovi fan bɛ lɔtaamana, a vɛ mɔɔlu kalanna aiya Aladalibonnu la, ka Samakan Kein lase ka bɛn Ala ya masaya ma, ani ka mɔɔlu lakɛnɛya k'ai bɔ aiya jangalo ni tɔlɔya suu bɛ lɔ.

Matiyu 8:28

Ai wɔlinin kɔɔ tɛɛla ka se Gadalakalu makɛya lɔ, jinatɔ fila vɛ bɔla kabuluso la ka na Isa labɛn. Wolu faiyanin tɛɛ bubale, haan fɔɔ mɔɔ tɛɛ tɛ se timinna woja.

Matiyu 8:33

Min kɛnin jinatɔ fila la, kɔsɛkunnasiibalu vɛ bɔlila ka taa wo bɛ ɲafɔ mɔɔlu yɛ so kɔnɔ.

Matiyu 8:6

a vɛɛ: «Ǹ Kuntii, ǹa bɔiden lanin bon na, a fali faanin a ma. A do vɛ tɔlɔya bubale.»

Matiyu 9:26

Ko wo mangan ka jɛzɛn koovi wo fan bɛ lɔ.

Matiyu 9:35

Wo waate, Isa tɛɛ timintiminna so ni toodalu bɛ la ka mɔɔlu kalan aiya Aladalibonnu la, ka Samakan Kein lase ka bɛn Ala ya masaya ma, ani ka jangalotɔ suu bɛ lakɛnɛya.

Malɛkɛ 1:28

Ado Isa mangan ka jɛzɛn telemanin Galile fan bɛ lɔ.

Malɛkɛ 1:32

Wulala, teleben kɔ, mɔɔlu vɛ nala jangalotɔlu ni jinatɔlu le Isa fɛ.

Malɛkɛ 2:3

Wo waate kelen nɔ, kɛ́ naani vɛ nala falifaamatɔ dɔ le a fɛ.

Malɛkɛ 2:4

Kɛɛ ai ma se ai madonna Isa la ka bɛn jama wala jate ma. Wo le k'a kɛ, ai ka woo bila bon kɔkan Isa siiya ɲatelenma lɔ, ka ban ka jangalotɔ ni aa dɛvɛ lajii woo wo la.

Malɛkɛ 2:9

A yi di? K'a fɔ falifaamatɔ yɛ, ko: ‹Iya julumbulu lɔ vɛ koto›, niwotɛ k'a fɔ: ‹I wuli, iya dɛvɛ ta ka taama,› wo fila lɔ, mindɛ le fɔ diyanin?

Luka 2:2

Tɔɔsɛvɛli kunfɔlɔ wo ka bɛn Kiliniyɔ ya jamanatiiya ma Siliya jamana kunna.

Luka 4:14

Wo kɔ, Isa vɛ seikɔla Galile Nii Sɛnɛyanin ya seetiiya lɔ. A do mangutu vɛ jɛzɛnna koovi wo fan bɛ lɔ.

Luka 4:38

Isa k'i wuli ka bɔ Aladalibon na ka taa don Simɔn ya bon na. Wo k'a talan Simɔn bilanmoso tɛɛ vɛ tɔlɔya nɛnɛgbani bolo bubale. Ai do ka Isa madiya ko a yi moso madɛmɛn.

Luka 5:15

Wo bɛ n'a kɛ, Isa mangutu ka jɛzɛn fan bɛ lɔ ka timin a kunfɔlɔ ta la. Mɔɔ siyama tɛɛ nala k'ai tolomalɔ a la, ani ka kɛnɛya sɔlɔn k'ai bɔ aiya jangalolu lɔ.

Luka 5:24

Kɛɛ do, fɔ ài y'a lɔn a see yi Mɔɔnivin Tanin yɛ ka julumbulu lɔkoto dunuɲa.» Wo fɔ Isa bolo, a vɛɛ falifaamatɔ yɛ: «I wuli, i iya dɛvɛ ta ka taa iya bon na.»

Luka 7:17

Samakan wo ka jɛzɛn Jude koovi ni a laminin bɛ lɔ ka bɛn Isa ma.

Yohana 10:21

Kɛɛ a dɔgbɛlɛlu vɛɛ: «A yi kuma minu fɔla, jinatɔ tɛ kuma suu wo fɔla dɛ! Jina yi sene ka ɲagbɛ ɲa laka?»

Kɛkolu 10:38

Ala ka Nazalɛtika Isa ta ka a sɔ a Nii Sɛnɛyanin sɔ, ani seetiiya. A do tɛɛ timintiminna kokeinnu kɛla, ka mɔɔlu lakɛnɛya minu bɛ tɔlɔyanin tɛɛ Soitana bolo, kamasɔlɔn Ala tɛɛ a fɛ.

Kɛkolu 15:23

Ai ka sɛvɛ don wolu bolo ko ai yi taa a le. A sɛvɛnin tɛɛ ko: «Ǹu keladennu ni ɲamɔɔlu, ài badenmalu koni, m'i lɛtɛlɛ min lataala siboloma gbɛlɛ limaniyamɔɔlu ma Antiyɔsi so kɔnɔ ni Siliya ni Silisiya jamanalu lɔ. M'ài fola.

Kɛkolu 15:41

Wo lɔ, ai ka Siliya ni Silisiya koovilu lɔtimin, ai vɛ limaniyajamalu sɛmɛdonna fan bɛ lɔ.

Kɛkolu 28:9

Wo kɛ, jangalotɔlu vɛ nala ka bɔ duu wo fan bɛ lɔ ka kɛnɛya sɔlɔn Pɔli fɛ.

Kɛkolu 8:7

Kamasɔlɔn jinajuulu tɛɛ bɔla mɔɔ siyama lɔ gbanɔkan ne, ani namalani ni falifaamatɔ siyama la ka kɛnɛya.