Matiyu 4:23 - Ala Ya Salatikan Kula Kitabu

²³ Isa tɛɛ Galile koovi fan bɛ lɔtaamana, a vɛ mɔɔlu kalanna aiya Aladalibonnu la, ka Samakan Kein lase ka bɛn Ala ya masaya ma, ani ka mɔɔlu lakɛnɛya k'ai bɔ aiya jangalo ni tɔlɔya suu bɛ lɔ.

Matiyu 4:23 ပူးပေါင်းရင်းမြစ်များ

Matiyu 11:5

Ɲagbɛlu ɲa la vɛ ka, namalanilu vɛ taama kobɛn, kunatɔlu la vɛ sɛnɛya, tologbɛlɛnnu tolo la vɛ ka, fulenilu la vɛ wuli ka bɔ saya lɔ, ani Samakan Kein la vɛ se fandannilu ma.

Matiyu 12:9

Isa bɔtɔla je, a ka taa don aiya Aladalibon na.

Matiyu 13:19

Malo minu na benna siya dala, wolu le mɔɔlu le minu yi Ala ya masaya ko mɛnna, ai do t'a ɲayena. Soitana yi nala wo le lɔ ka kuma wo bɔ ai josokun nɔ.

Matiyu 13:54

A ka na mingɛ a fɛso, a ka mɔɔlu kalan damina aiya Aladalibon na. A lamɛnbalu ka kawakoya, ai vɛɛ: «Kɛ́ min na hangili min suu sɔlɔnna min ne, ani kawananko see?

Matiyu 14:14

Isa ka bɔ kulun kɔnɔ ka jama ba ye je mingɛ, ai hena k'a mina, a do ka jangalotɔlu lakɛnɛya ai tɛma.

Matiyu 24:14

Samakan Kein min ka bɛn haijɛnɛ masaya ma, wo lasentɔ dunuɲa fan bɛ lɔ ka kɛ seleya le siboloma bɛ yɛ. Wo vɛ kɛla, dunuɲa laban yi sene vɛ.

Matiyu 3:2

«Ài y'ài dajoo mafalin, kamasɔlɔn haijɛnɛ masaya waate ma vɛ sulunya.»

Matiyu 9:35

Wo waate, Isa tɛɛ timintiminna so ni toodalu bɛ la ka mɔɔlu kalan aiya Aladalibonnu la, ka Samakan Kein lase ka bɛn Ala ya masaya ma, ani ka jangalotɔ suu bɛ lakɛnɛya.

Malɛkɛ 1:14

Yaya bila kɔ kaso la, Isa ka taa Galile koovi lɔ, a vɛ Ala ya Samakan Kein lasena.

Malɛkɛ 1:21

Wo kɔ, Isa nu ka taa Kapɛlɛnamu so kɔnɔ. Nɔningɛlon senin, a ka don Aladalibon na ka mɔɔlu kalan damina.

Malɛkɛ 1:39

Wo lɔ, Isa tɛɛ Galile koovi fan bɛ lɔtaamana, a vɛ kawani kɛla Aladalibonnu la, ka jinalu gbɛn k'ai bɔ mɔɔlu lɔ.

Malɛkɛ 3:10

Kamasɔlɔn a tɛɛ vɛ ban jangalotɔ siyama lakɛnɛyala, ado dɔ jangalotɔlu t'i ɲɔɔ lasusula, fɔsa ai y'a ɲa sɔlɔn k'ai bolo tuu Isa la.

Malɛkɛ 6:2

Nɔningɛlon senin, a ka mɔɔlu kalan damina Aladalibon na. A lamɛnba siyama ka kawakoya, ai vɛɛ: «A yi ko minu fɔla yi ne, a na wolu kalanna min ne? Jene na hangilimaya min dila a ma? Kawananko see min y'a bolo, a na wo sɔlɔnna min ne?

Malɛkɛ 6:6

A do ka kawakoya ka bɛn aiya limaniyabaliya ma. Wo waate, Isa tɛɛ timintiminna so ni solu wotɛ ka mɔɔlu kalan.

Luka 10:9

Ài do yi jangalotɔlu lakɛnɛya so wo kɔnɔ, k'a fɔ ai yɛ ko: ‹Ala ya masaya waate ma vɛ sulunya ài la.›

Luka 13:10

Nɔningɛlon dɔ, Isa tɛɛ mɔɔlu kalanna Aladalibon dɔ la.

Luka 16:16

«Nabi Musa ya Taulati ni kela dɔgbɛlɛlu ya kitabulu ka na kunfɔlɔ le, jani Makolikɛba Yaya tɛɛ na. Ka ta wo waate ma, Ala ya masaya ko Samakan Kein la yi sena, ado bɛ y'i lɔjala kosɛvɛ ka don a lɔ.

Luka 20:1

Lon dɔ, Isa ka to mɔɔlu kalanna ani ka Samakan Kein lase lɔhɔlɔmabonba luu kɔnɔ, salakalase kuntiibalu ni seliya kalanmɔɔlu ni kɛmɔbalu ka na a ma.

Luka 4:14

Wo kɔ, Isa vɛ seikɔla Galile Nii Sɛnɛyanin ya seetiiya lɔ. A do mangutu vɛ jɛzɛnna koovi wo fan bɛ lɔ.

Luka 5:17

Lon dɔ, Isa ka to mɔɔlu kalanna, Falisi dɔlu ni seliya kalanmɔɔ dɔlu siinin tɛɛ je, minu tɛɛ vɛ bɔ Galile ni Jude koovi solu bɛ la, ani Jelusalɛmu fana. Ado mɔ Tii ya seetiiya tɛɛ Isa fɛ mɔɔlakɛnɛyako lɔ.

Luka 6:17

Wo kɔ, Isa nu k'i jii tini la k'i lɔ gbɛkɛnɛ dɔ lɔ. A kɔbiladen siyama tɛɛ je ani jama ba minu bɔnin tɛɛ Jelusalɛmu, Jude koovi lɔ, ani Tili ni Sidɔn fannɔ kɔɔji dala.

Luka 6:6

Nɔningɛlon gbɛlɛ, Isa ka taa don Aladalibon na ka mɔɔlu kalan. Kɛ́ dɔ tɛɛ je, min bolokini faanin tɛɛ a ma.

Luka 7:21

Wo waate kelen nɔ, Isa ka mɔɔ siyama lakɛnɛya k'ai bɔ aiya jangalolu ni aiya tɔlɔyalu lɔ, ka jinajuulu gbɛn k'ai bɔ mɔɔlu lɔ, ani ka ɲagbɛ siyama ɲa laka.

Luka 7:22

Wo lɔ, Isa ka keladen wolu javi, a vɛɛ: «Ài na min yena, ani ài na min mɛnna, ài yi taa wo fɔ Yaya yɛ: Ɲagbɛlu ɲa la vɛ ka, namalanilu vɛ taama kobɛn, kunatɔlu la vɛ sɛnɛya, tologbɛlɛnnu tolo la vɛ ka, fulenilu la vɛ wuli ka bɔ saya lɔ, ani Samakan Kein la vɛ se fandannilu ma.

Luka 8:1

Wo timinnin kɔ, Isa tɛɛ timintiminna so ni toodalu la ka mɔɔlu kawani, ani ka Samakan Kein lase ka bɛn Ala ya masaya ma. Ado aa keladen mɔɔ tan ni fila (12) tɛɛ a fɛ.

Luka 9:11

Jama ka wo mɛn mingɛ, ai k'a salan. Isa do k'ai bɛ lɔmina kobɛn, ka Ala ya masaya ko lase ai ma, ani ka mɔɔlu lakɛnɛya, kɛnɛya lɔɔ tɛɛ minu la.

Luka 9:60

Isa do vɛɛ a yɛ: «Fulenilu to je, ai y'ai fuleni ɲɔɔlu sudoon. Kɛɛ fɔ ile yi taa Ala ya masaya ko lase.»

Yohana 18:20

Isa do k'a javi, a vɛɛ: «Ǹ na kumala mɔɔ bɛ yɛ bala le lɔ. Waate bɛ, ǹ tɛɛ mɔɔlu kalanna Aladalibonnu la ani lɔhɔlɔmabonba la, Jahudiyalu y'ai ladɛnna dingila minu lɔ. Ǹe do ma ko ko si fɔ doon nɔ.

Yohana 6:59

Isa ka kuma wolu fɔ k'a to mɔɔlu kalanna Aladalibon na Kapɛlɛnamu.

Yohana 7:1

Wo kɔ, Isa tɛɛ Galile koovi lɔtaamana. A tɛɛ tɛ a fɛ ka taa ni sei kɛ Jude koovi lɔ, kamasɔlɔn Jahudiya kuntiilu tɛɛ a faako ɲaɲininna.

Kɛkolu 10:38

Ala ka Nazalɛtika Isa ta ka a sɔ a Nii Sɛnɛyanin sɔ, ani seetiiya. A do tɛɛ timintiminna kokeinnu kɛla, ka mɔɔlu lakɛnɛya minu bɛ tɔlɔyanin tɛɛ Soitana bolo, kamasɔlɔn Ala tɛɛ a fɛ.

Kɛkolu 18:4

Ado Nɔningɛlon bɛ, Pɔli tɛɛ taala Aladalibon na ka kuma Jahudiyalu ni Gɛlɛkikalu yɛ, a v'i lɔjala k'ai lakunfa.

Kɛkolu 20:25

«M̀'ɛ taama àilu minu tɛma Ala ya masaya lasenko lɔ, m̀'ɛ a lɔn butu ko ài suu suu tɛnala ǹ yena kɔtunun.

Kɛkolu 28:31

A do tɛɛ Ala ya masaya ko lasena josolagbeleya boloma, ka mɔɔlu kalan ka bɛn mɔ Tii Masa Tɔɔmasenin Isa ya ko ma, ado mɔɔ foi ma a dansii wo la.

Lɔmukalu 10:15

Mɔɔ kɛtɔ ai kawanila di vɛ, ni mɔɔ ma kelaya ai ma? A sɛvɛnin tan ne kitabu kɔnɔ, ko: «Samakan Kein lasenbalu yenko bɛnyine feu!»