Matiyu 28:18 - Ala Ya Salatikan Kula Kitabu

¹⁸ Isa k'i madon ai la k'a fɔ ai yɛ, a vɛɛ: «See bɛ vɛ di m̀ ma duukolo kɔkan, ani haijɛnɛ.

Matiyu 28:18 ပူးပေါင်းရင်းမြစ်များ

Matiyu 11:27

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Matiyu 16:28

Ǹ'i tuɲa fɔ ài yɛ, a dɔlu y'ài tɛma jan minu tɛnala saya masɔlɔnna, fɔ ai vɛ Mɔɔnivin Tanin natɔla yena aa masaya lɔ.»

Matiyu 26:64

Isa vɛɛ a yɛ: «Ile gbu vɛ wo fɔ. Kɛɛ ǹ'a fɔ ài yɛ, ǹ ko, ka damina bi ma ka taa, ài kɛtɔ Mɔɔnivin Tanin siinin yena Seebɛtii Ala bolokini fannɔ, ani ka a natɔla ye sanbiliya lɔ ka bɔ sangbolo lɔ.»

Luka 10:22

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Yohana 13:3

Isa tɛɛ k'a lɔn ko a Fa vɛ fen bɛ bila a fanga kɔlɔ, ani ko a bɔnin Ala le fɛlɔ, a do kɔseitɔ Ala le fɛlɔ.

Yohana 17:2

Kamasɔlɔn i vɛ seetiiya di m̀ ma adamaden bɛ kunna, fɔsa i na mɔɔ minu dila m̀ ma, ǹ'i niimaya banbali di wolu bɛ ma.

Yohana 3:31

Mɔɔ min bɔnin Ala fɛlɔ, wo tii le yi fen bɛ kunna. Kɛɛ mɔɔ min sɔlɔnnin dunuɲa, wo tii yi dunuɲa ta le le, a do yi dunuɲakolu le fɔla. Min do bɔnin haijɛnɛ, wo tii le yi fen bɛ kunna.

Yohana 3:35

Fa y'a Denkɛ kanula. A do vɛ fen bɛ bila a fanga kɔlɔ.

Kɛkolu 10:36

Àilu gbu k'a lɔn ko Ala ka Samakan Kein lase Bani Isilankalu ma, k'a fɔ ko josolajii yi sɔlɔnna Masa Tɔɔmasenin Isa le fɛ, min yi mɔɔ bɛ Tii le.

Kɛkolu 2:36

«Bani Isilankalu bɛ y'a lɔn bɛlɛbɛlɛ kɛ ko Isa min gbaannin tɛɛ kɔlɔman ma ài bolo, Ala v'a kɛ mɔ Tii le ani Masa Tɔɔmasenin.»

Lɔmukalu 14:9

Wo le k'a kɛ, Masa Tɔɔmasenin ka sa ka niimaya kɛ kɔtunun, fɔsa a yi kɛ fuleni ni niimalu bɛ Tii le.

1 Kolɛntikalu 15:27

Kamasɔlɔn a sɛvɛnin kitabu kɔnɔ, ko: «Ala vɛ fen bɛ bila a sen kɔlɔ.» Kɛɛ a fɔnin mingɛ ko fen bɛ bilanin a sen kɔlɔ, wo lagbɛyine ko Ala gbu makan tɛ, min kɛtɔ fen bɛ bilala Masa Tɔɔmasenin fanga kɔlɔ.

Kɔlɔsikalu 2:10

Àilu fana ya ko bɛ vɛ dafa aa kafonɲɔɔya lɔ, ale min yi kuntii ni fangatii bɛ ya kuntii le.

Hebululu 1:2

Kɛɛ waate laban min nɔ, a vɛ kuma mɔ yɛ a Denkɛ le lɔ, a na kuntiiya latɛɛla min ma aa dannifen bɛ kunna, a do na dunuɲa ladanna min sabu la.

Hebululu 2:8

ka fen bɛ bila a fanga kɔlɔ.» Ala ka fen bɛ bila mɔɔnivin fanga kɔlɔ mingɛ, a ma fen fen si to je min tɛ a fanga kɔlɔ. Wo bɛ n'a kɛ, tandainɔ mɔ tɛ fen bɛ yena a fanga kɔlɔ bene.

1 Piyɛli 3:22

ale min jɛlɛnin ka taa haijɛnɛ k'i sii Ala bolokini fannɔ, mɛlɛkalu ni kuntiilu ni fangatiilu majiinin vɛ a kɔlɔ.

Ko Lankɛnɛmayanin 11:15

Mɛlɛka wolowulanna ka a ta buulu fɛ mingɛ, kumakan ba dɔlu ka bɔ haijɛnɛ kɔnɔ, wolu vɛɛ: «Dunuɲa masaya vɛ kɛ mɔ Tii ni aa Masa Tɔɔmasenin ta le. A do totɔle masaya la habadan!»

Ko Lankɛnɛmayanin 17:14

Ai kɛtɔ kɛlɛ bilala Saa Bolan na, kɛɛ Saa Bolan kɛtɔ see sɔlɔnna ai ma, kamasɔlɔn ale le tiilu ta Tii le, ani masalu ya Masa. A kɔbiladen minu kɛtɔ see sɔlɔnna a fɛ, wolu le aa mɔɔ kilininnu le, ani aa mɔɔ taninnu, ani lanandelu.»

Ko Lankɛnɛmayanin 19:16

Tɔɔ dɔ sɛvɛnin aa pipɔ ma ani a wolo ma, ko: «Masalu ya Masa ani tiilu ta Tii.»