Matiyu 27:54 - Ala Ya Salatikan Kula Kitabu

⁵⁴ Sɔdasi kuntii ni aa mɔɔ minu ɲa bɛnnin tɛɛ Isa ma, wolu ka duukolo jaajaatɔ ye mingɛ, ani ko minu bɛ kɛnin, ai ka siyan bubale. Ai do vɛɛ: «Tuɲa le, kɛ́ min tɛɛ Ala Denkɛ le le!»

Matiyu 27:54 ပူးပေါင်းရင်းမြစ်များ

Matiyu 26:63

Kɛɛ Isa ka jeden. Salakalase kuntiiba do vɛɛ a yɛ: «Ǹ'a fɛ i yi kalin Ɲɛnɛmayatii Ala tɔɔ la k'a fɔ mɔ yɛ ni ile le Masa Tɔɔmasenin ne, ani Ala Denkɛ.»

Matiyu 27:36

Wo kɔ, ai k'i sii je k'ai ɲa bɛn a ma.

Matiyu 27:40

Ai do vɛɛ a yɛ: «Ile min yi lɔhɔlɔmabonba tela k'a lɔ kɔtunun tele sawa kɔlɔ, i i jɛlɛ lakisi vɛ! Ni i le le Ala Denkɛ le, i yi jii vɛ ka bɔ kɔlɔman ma!»

Matiyu 27:43

A lanin Ala la. Ni aa ko diyanin ka kɛ Ala yɛ, Ala gbu y'a lakisi vɛ! Kamasɔlɔn ale le n'a fɔla, a vɛɛ: ‹Ala Denkɛ le ǹ ne.› »

Matiyu 27:51

Wo waate kelen nɔ, lɔhɔlɔmabonba daladɛnfaani ka fala fila le ka damina sanma ka jii duuma. Duukolo ka jaajaa, ado falakololu ka tete.

Matiyu 4:3

Soitana k'i madon a la k'a fɔ a yɛ, a vɛɛ: «Ni Ala Denkɛ le i le, i y'a fɔ kawakulun minu yɛ ko ai yi jɛlɛma ka kɛ bulu le.»

Matiyu 8:5

Isa ka don Kapɛlɛnamu so kɔnɔ mingɛ, Lɔmu sɔdasi kuntii dɔ k'i madon a la k'a madiya,

Malɛkɛ 15:39

Sɔdasi kuntii min lɔnin tɛɛ Isa ɲakɔlɔ je, wo k'a saɲa ye mingɛ, a vɛɛ: «Tuɲa le, kɛ́ min tɛɛ Ala Denkɛ le le!»

Luka 22:70

Wo fɔ Isa bolo, ai bɛ vɛɛ a yɛ: «Jalasa Ala Denkɛ le i le le?» Isa k'ai javi, a vɛɛ: «Àilu gbu v'a fɔ ko ǹe le.»

Yohana 19:7

Jahudiya kuntiilu do k'a javi, ai vɛɛ: «Seliya dɔ yi mɔ bolo, ado ka bɛn seliya wo ma, a ka kan ka faa, kamasɔlɔn a bolo ko Ala Denkɛ le a le.»

Kɛkolu 10:1

Wo k'a talan, kɛ́ dɔ tɛɛ Sezale so kɔnɔ, min tɔɔ tɛɛ ko Kɔɔnɛli. Lɔmu sɔdasi kuntii dɔ le tɛɛ a le, min siinin tɛɛ sɔdasi kɛmɛ (100) jate kunna, minu fɛ tɛɛ sɔdasi jama dɔ la, ai tɛɛ a fɔla min ma ko Itali kɛlɛkɛjama.

Kɛkolu 2:37

Jama ka wo mɛn mingɛ, kuma wo ka don ai josokun nɔ kosɛvɛ. Ai k'a fɔ Piyɛli ni keladen tɔlu yɛ, ai vɛɛ: «Mɔ badenmalu, m'a kɛ di vɛ wo lɔ?»

Kɛkolu 21:32

A do ka sɔdasi kuntii dɔlu ni sɔdasi dɔlu ta telemanin ka bɔli ka taa jama lɔ. Jama ka sɔdasi kuntiiba ni aa sɔdasilu ye mingɛ, ai ka Pɔli gbasi dabila.

Kɛkolu 23:17

Wo lɔ, Pɔli ka sɔdasi kuntii dɔ kili k'a fɔ a yɛ, a vɛɛ: «I yi taa kavelen min ne sɔdasi kuntiiba fɛlɔ. Kuma dɔ y'a fɛ k'a fɔ a yɛ.»

Kɛkolu 23:23

Wo kɛ, kuntiiba wo ka sɔdasi kuntii fila kili k'a fɔ ai yɛ, a vɛɛ: «Ài yi sɔdasi mɔɔ kɛmɛ fila (200) lɔbɛn ani sootii biwolowulan (70) ni tamatii kɛmɛ fila (200). Su vɛ kola, ài bɛ yi taa Sezale so kɔnɔ.

Kɛkolu 27:1

Ai k'a latɛɛ mingɛ ko m'i taa Itali jamana lɔ kulunba kɔnɔ, ai ka Pɔli ni kasoden gbɛlɛlu don sɔdasi kuntii dɔ bolo, min tɔɔ tɛɛ ko Juliyusi. A fɛ tɛɛ sɔdasi kulu ba dɔ le la, ai tɛɛ a fɔla min ma ko masakɛba ya sɔdasi kulu.

Kɛkolu 27:43

Kɛɛ komi sɔdasi kuntii tɛɛ a fɛ ka Pɔli lakisi, wo le k'a kɛ, a k'ai dansii wo la. A vɛɛ ko mɔɔ minu senin ai nɛɛla, ko wolu yi kɛ kɔɔ la kunfɔlɔ le, k'ai nɛɛ ka taa gbele ma.

Lɔmukalu 1:4

Kɛɛ Nii Sɛnɛyanin na aa ko jiyala fanga le boloma k'a fɔ ko Ala Denkɛ le a le, ka bɛn a wuliko ma ka bɔ saya lɔ.

Ko Lankɛnɛmayanin 11:13

Wo waate gbugbu lɔ, duukolo ka jaajaa bakɛ, ado so lɔtala tanna lɔsii ka halaki. Mɔɔ waa wolowulan ka sa ka bɛn duukolojaajaa wo ma. A tɔlu ka siyan bubale ka magbiliyali di sangbolo Tii Ala ma.