Matiyu 27:2 - Ala Ya Salatikan Kula Kitabu

² Ai k'a sili, ka taa a le, k'a don jamanatii Pilati bolo.

Matiyu 27:2 ပူးပေါင်းရင်းမြစ်များ

Matiyu 20:19

ani ka a don siboloma gbɛlɛ mɔɔlu bolo fɔsa ai y'a lafeya, k'a gbasi gbusan ne, ani k'a gbaan kɔlɔman ma. Kɛɛ tele fila a sawana, a wulitɔ ka bɔ saya lɔ.»

Matiyu 28:14

Ni ko min mangan ka se jamanatii ma, mɔ kɛtɔ kumala a fɛ ka wo kunko bɔ ài kun.»

Luka 13:1

Wo waate lɔ, mɔɔ dɔlu ka Galileka dɔlu ya ko ɲafɔ Isa yɛ, minu ka faa jamanatii Pilati bolo salakabɔya lɔ, k'ai jeli ni kolofen jeli ɲaami i ɲɔɔ nɔ.

Luka 20:20

Wo le n'a kɛla, ai tɛɛ Isa lasaala ka a lakɔlɔsibalu lataa a ma, minu tɛɛ ai jɛlɛ kɛla iwo mɔɔ sɔvɛlu, fɔsa ai y'a mina a jɛlɛkanu dalakan fɛ, ka ban k'a don Lɔmu jamanatii bolo, a see yi min yɛ k'a kiti.

Luka 23:1

Wo kɔ, jama bɛ v'i wulila ka taa Isa le Pilati fɛlɔ.

Luka 23:12

Pilati ni Helodi gbeyayine tɛɛ i ɲɔɔ yɛ kɔlɔkɔlɔ le, kɛɛ ai ka diya wo lon kelen ne.

Luka 3:1

Lɔmu masakɛba Tibeli ya masaya san tan ni looluna (15), Ponsi Pilati tɛɛ Jude jamanatiiya la. Wo k'a talan, Helodi tɛɛ Galile koovi kunnasiibaya la, ani a dɔɔkɛ Filipe tɛɛ Itule ni Tilakoniti koovi kunnasiibaya la. Lisaniya do tɛɛ Abilɛni kunnasiibaya la,

Yohana 18:12

Wo kɔ, sɔdasilu ni ai kuntii ani Jahudiya kuntiilu ya lakanalibalu, ai bɛ ka Isa mina k'a bolo sili.

Yohana 18:24

Wo kɔ, Anasi ka Isa silinin lataa salakalase kuntiiba Kayife ma.

Yohana 18:28

Sɔɔmadanina, Jahudiya kuntiilu ka bɔ Kayife ya luu ma, ka taa Isa le Lɔmu jamanatii ya luu ma. Kɛɛ ailu gbu ma don bon na, kamasɔlɔn ai tɛɛ tɛ a fɛ k'ai jɛlɛ lakɔsɔ, fɔsa ai tɛɛ se Timinkunna Selilon dɔnni kɛla.

Kɛkolu 12:6

Jani Helodi tɛɛ aa kiti tɛɛ wo dusagbɛlon, su wo lɔ, Piyɛli ka to sunɔɔ lɔ sɔdasi fila tɛma, jɔlɔkɔlu v'a bolo fila bɛ la, ado lakanaliba dɔlu lɔnin tɛɛ da la.

Kɛkolu 21:33

Sɔdasi kuntiiba ka na ka Pɔli mina, ka jamali di ko ai yi Pɔli sili jɔlɔkɔ fila le. Wo kɛ, a ka jama maɲininga, a vɛɛ: «Kɛ́ min yi jene le? A na mindɛ kɛla?»

Kɛkolu 22:25

Ai do ka Pɔli lɔsama a gbasiko lɔ mingɛ, a k'a fɔ sɔdasi kuntii yɛ, min lɔnin tɛɛ je, a vɛɛ: «Ka Lɔmu duulen gbasi gbusan na k'a talan aa kiti ma tɛɛ ba bene, wo ladaanyine?»

Kɛkolu 22:29

Wo lɔ, mɔɔ minu nanin tɛɛ a gbasiya lɔ ani k'a maɲininga, wolu k'ai mataa a la telemanin. Ado sɔdasi kuntiiba ka kɛ Pɔli ya Lɔmu duulenya ko kalama mingɛ, a ka siyan, kamasɔlɔn a tɛɛ vɛ ban a silila jɔlɔkɔ le.

Kɛkolu 24:27

San fila timinnin, mɔɔ kula k'i sii Felisi nɔ lɔ jamanatiiya la, min tɔɔ tɛɛ ko Pɔlisusi Fɛsitusi. Komi Felisi tɛɛ a fɛ ka Jahudiyalu ladiyananko le kɛ, wo le k'a kɛ, a ka Pɔli to kaso la.

Kɛkolu 28:20

Wo le n'a kɛla, ǹ n'ài kilila ka kuma ài fɛ, kamasɔlɔn ǹ silinin jɔlɔkɔ min na ka bɛn Bani Isilankalu jeisii le ma.»

Kɛkolu 3:13

Mɔ bemanu Tii Ala, min yi Ibulahima ni Isiyaka ani Janguba Tii le, wo le na ko ba min kɛla ka bɛn aa bɔiden Isa magbiliyako ma. Àilu le na a donna mɔɔlu bolo a faako lɔ, k'ài ban a lɔ Pilati ɲakɔlɔ, k'a talan a tɛɛ v'a latɛɛ ko a a bila.

Kɛkolu 4:27

«Tuɲa le, mɔɔlu k'ai ladɛn so kɔnɔ jan Isa kanma, iya lɔhɔlɔma bɔiden, i na min tala. Helodi ni Ponsi Pilati ni siboloma gbɛlɛ mɔɔlu ani Bani Isilankalu bɛ ka dɛn ka janva don a ma.

Kɛkolu 9:2

k'a maɲininga sɛvɛli dɔlu ma, fɔsa a yi taa wolu jiya Aladalibon ɲamɔɔlu la Damase so kɔnɔ. Wo lɔ saa, ni a tɛɛ ka kɛ́ ni moso dɔlu ye je, minu tɛɛ Isa ya siya kɔkan, a tɛɛ wolu minale ka na ai silinin ne Jelusalɛmu.

1 Timote 6:13

Ǹ'i jamalila Ala ɲakɔlɔ min yi niimaya dila fen bɛ ma, ani Masa Tɔɔmasenin Isa ɲakɔlɔ min na seleya ɲuma dila Ponsi Pilati ɲakɔlɔ:

2 Timote 2:9

ǹ'i tɔlɔya masɔlɔnna ka bɛn min ma haan fɔɔ ǹ silinin jɔlɔkɔ le tan iwo koyonkɛba. Kɛɛ Ala kumakan silinin tɛ feu!

Hebululu 13:3

Ài y'ài hangili to kasodennu lɔ, k'a kɛ iwo àilu gbu le bilanin kaso la ai fɛ, ani mɔɔ jangataninnu fana iwo àilu ni wolu yi tɔlɔya kelen ne lɔ.