Matiyu 27:19 - Ala Ya Salatikan Kula Kitabu

¹⁹ Pilati ka to siinin kititɛɛya lɔ, a moso ka kela lataa a ma, a vɛɛ: «I k'i sen bila mɔɔ telennin wo ya ko lɔ, kamasɔlɔn ǹ na tɔlɔyala su timinnin nɔ bubale siwo lɔ ka bɛn aa ko ma.»

Matiyu 27:19 ပူးပေါင်းရင်းမြစ်များ

Matiyu 1:20

Jusufu ka to a milila wo ma, mɔ Tii ya mɛlɛka k'a jɛlɛ jiya a la kibalo lɔ. A vɛɛ a yɛ: «Jusufu, Dawuda bɔzɔn, i kà siyan Mɔyamu fuluko lɔ, kamasɔlɔn a na kɔnɔ tala Nii Sɛnɛyanin ne sabu la.

Matiyu 2:19

Helodi sa kɔ, mɔ Tii ya mɛlɛka k'a jɛlɛ jiya Jusufu la siwo lɔ Misilan.

Matiyu 2:22

Kɛɛ Jusufu k'a mɛn mingɛ ko Alikilayosi le siinin masaya la Jude koovi kunna a fa Helodi nɔ lɔ, a ka siyan taako lɔ je. Ala k'a lali siwo lɔ ko a yi taa Galile koovi lɔ.

Matiyu 27:18

Pilati tɛɛ k'a lɔn ko ai na Isa donna a bolo ka bɛn ɲangbeya le ma.

Matiyu 27:24

Pilati k'a ye mingɛ ko a kumakan tɛ foi ɲiala, ani jama tɛɛ mulutu bolo le ma, a ka ji ta k'a bolo lako jama ɲakɔlɔ. A do vɛɛ ai yɛ: «Ǹ sen tɛ kɛ́ min faako lɔ. Aa ko y'ài bolo.»

Matiyu 27:4

A vɛɛ ai yɛ: «M̀'ɛ julumbu ta, kamasɔlɔn ǹ na hakɛtabali le janvala.» Kɛɛ ai do vɛɛ a yɛ: «Mɔ mako pa tɛ wo le! I kunko le wo le feu!»

Luka 23:41

Ǹu ni kolatɔn min kaanyine ka bɛn mɔ kɛkolu ma, kɛɛ do, kɛ́ min ma koyon foi kɛ.»

Luka 23:47

Sɔdasi kuntii ka ko wolu ye mingɛ, a vɛ Ala tanula k'a fɔ, a vɛɛ: «Kɛ́ min tɛɛ mɔɔ telennin ne le feu!»

Yohana 19:13

Pilati ka kuma wo mɛn mingɛ, a ka Isa labɔ kɔtunun, k'i sii kititɛɛ siifen nɔ kawa dingila dɔ lɔ, ai y'a fɔla min ma Hebulukan nɔ Gabata.

Kɛkolu 12:21

Lon latɛɛnin senin, Helodi ka aa masakɛfaani bila a kanna k'i sii aa masayasiifen nɔ ka kuma jama yɛ.

Kɛkolu 18:12

Kɛɛ Galiyo tɛɛ Akayi jamanatiiya la waate min nɔ, Jahudiyalu k'ai ladɛn k'i wuli Pɔli kanma. Ai do k'a mina ka taa a le kititɛɛya lɔ.

Kɛkolu 18:16

Wo fɔ a bolo, a k'ai gbɛn kititɛɛya lɔ.

Kɛkolu 18:17

Wo kɛ, ai bɛ k'i kɛ Sositɛnɛ kan, min tɛɛ Aladalibon ɲamɔɔ le, k'a gbasi kititɛɛya ɲafɛla lɔ. Galiyo do ma hamin wo le.

Kɛkolu 25:10

Kɛɛ Pɔli k'a javi, a vɛɛ: «Ǹ lɔnin Lɔmu masakɛba Sezale ya kititɛɛya le lɔ yi ne, ǹa kiti ka kan ka tɛɛ tɛɛminja. M̀ ma koyon pa kɛ Jahudiyalu la, iwo ile gbu k'a lɔn teme.

Kɛkolu 25:17

Wo lɔ, ai ka na ǹ fɛlɔ jan lon min na, m̀ ma tamala bila kititɛɛko lɔ, mafɔ ka ǹ sii kiti kunna wo dusagbɛlon, ka jamali di ko Pɔli yi na.

Kɛkolu 25:6

Fɛsitusi wɔlinin tele sein niwotɛ tele tan kɛla ai fɛlɔ, a do ka seikɔ Sezale. Wo dusagbɛlon, a k'i sii kititɛɛya lɔ ka jamali di ko ai yi na Pɔli le.

1 Piyɛli 2:22

A ma julumbu foi ta, ado janvakan foi ma bɔ a da.

1 Yohana 2:1

Ǹ dennu, ǹ'i ko minu sɛvɛla ài ma fɔsa ài kana julumbu ta. Kɛɛ ni mɔɔ dɔ ka julumbu ta, mɔ makofɔba yi mɔ Fa le fɛlɔ. Wo le Masa Tɔɔmasenin Isa le, min telennin.