Matiyu 27:11 - Ala Ya Salatikan Kula Kitabu

¹¹ Wo waate, ai ka Isa lalɔ jamanatii Pilati ɲakɔlɔ. Wo k'a maɲininga, a vɛɛ: «Ile le Jahudiyalu ya masakɛ le?» Isa vɛɛ: «Ile gbu vɛ wo fɔ.»

Matiyu 27:11 ပူးပေါင်းရင်းမြစ်များ

Matiyu 10:18

ani k'ài lalɔ jamanatiilu ni masakɛlu ɲakɔlɔ ka bɛn ǹa ko ma. Àilu gbu le kɛtɔ ǹe masele le wo lɔ, ka ǹa ko fɔ wolu yɛ ani siboloma gbɛlɛlu.

Matiyu 10:25

Ni kalannaden ka se aa kalanmɔɔ lɔ, wo vɛ je bɔ. Ni do jɔn ka se aa jɔnfa lɔ, wo vɛ je bɔ. Ni ai k'a fɔ lutii kɛmɔba ma ko Biyɛzɛbɔ, a lagbɛyine feu ko ai kɛtɔ wo tii ya bonnamɔɔlu mafinna ka timin wo la!

Matiyu 2:2

Ai do ka mɔɔlu maɲininga, ai vɛɛ: «Jahudiyalu ya masakɛ min sɔlɔnnin kula le, a yi min ne? Mɔ na aa loloni yena telebɔ fannɔ, wo le n'a kɛla, mɔ nanin a batoko le lɔ.»

Matiyu 26:25

Judasi, min tɛɛ Isa janvaba le, wo vɛɛ a yɛ: «Kalanmɔɔ, ǹe le wo le?» Isa vɛɛ a yɛ: «Ile gbu vɛ wo fɔ.»

Matiyu 26:64

Isa vɛɛ a yɛ: «Ile gbu vɛ wo fɔ. Kɛɛ ǹ'a fɔ ài yɛ, ǹ ko, ka damina bi ma ka taa, ài kɛtɔ Mɔɔnivin Tanin siinin yena Seebɛtii Ala bolokini fannɔ, ani ka a natɔla ye sanbiliya lɔ ka bɔ sangbolo lɔ.»

Malɛkɛ 14:62

Isa k'a javi, a vɛɛ: «Ǹe le wo le, ado ài kɛtɔ Mɔɔnivin Tanin siinin yena Seebɛtii Ala bolokini fannɔ, ani ka a natɔla ye sanbiliya lɔ ka bɔ sangbolo lɔ.»

Luka 22:70

Wo fɔ Isa bolo, ai bɛ vɛɛ a yɛ: «Jalasa Ala Denkɛ le i le le?» Isa k'ai javi, a vɛɛ: «Àilu gbu v'a fɔ ko ǹe le.»

1 Timote 6:13

Ǹ'i jamalila Ala ɲakɔlɔ min yi niimaya dila fen bɛ ma, ani Masa Tɔɔmasenin Isa ɲakɔlɔ min na seleya ɲuma dila Ponsi Pilati ɲakɔlɔ: