Matiyu 26:70 - Ala Ya Salatikan Kula Kitabu

⁷⁰ Kɛɛ Piyɛli k'i ban i lɔla a la ai bɛ ɲana, a vɛɛ: «M̀ m'iya kuma ɲaye.»

Matiyu 26:70 ပူးပေါင်းရင်းမြစ်များ

Matiyu 26:51

Mɔɔ minu tɛɛ Isa fɛ je, wolu lɔ mɔɔ kelen ka aa siyamifan labɔ aa ɲaa lɔ ka salakalase kuntiiba ya jɔn gbasi, k'a tolo tɛɛ a la.

Matiyu 26:56

Kɛɛ min bɛ kɛnin fɔsa kelalu na minu sɛvɛla kitabulu kɔnɔ, wolu ma yi fa teme.» Isa kɔbiladennu bɛ ka bɔli ka ale kelen to.

Matiyu 26:58

Piyɛli tɛɛ jama kɔ poon haan fɔɔ ka se salakalase kuntiiba ya luu ma. A ka don k'i sii lakanalibalu dafɛ k'a ye kolu labantɔ teme.

Matiyu 26:69

Piyɛli siinin ka to luu ma wo waate, bɔidenmoso dɔ k'i madon a la, a vɛɛ a yɛ: «Ile fana tɛɛ Galileka Isa le fɛ.»

Matiyu 26:71

Piyɛli ka bɔ je ka taa luu da la. Bɔidenmoso gbɛlɛ k'a ye k'a fɔ je mɔɔlu yɛ, a vɛɛ: «Kɛ́ min tɛɛ Nazalɛtika Isa le fɛ.»

Luka 22:57

Kɛɛ Piyɛli k'i ban a ma, a vɛɛ: «Moso, m̀ ma kɛ́ wo lɔn.»

Lɔmukalu 11:20

Tuɲa le wo le. Wolu tɛɛnin a la ka bɛn aiya limaniyabaliya le ma, ile do i nɔ lɔ ka bɛn iya limaniya le ma. Wo ma, i k'i fannɔbuɲa, mafɔ i yi siyan.

1 Kolɛntikalu 10:12

Wo lɔ, ni a yi mɔɔ min kɔnɔ ko a lɔyine kili, wo tii y'alama, a kan'i ben.

Ko Lankɛnɛmayanin 21:8

Kɛɛ jiitɔlu koni, ani lanandeyabalilu, ani jɛlɛlakɔsɔmɔɔlu, ani mɔɔfaabalu, ani kanukɛbalu, ani subalu ni joosɔbalu, ani faɲafɔbalu bɛ, wolu kɛtɔ ai ta nii sɔlɔnna taa diɲa ba le lɔ, timiliki kawa yi ɲɛninna tɛɛminja. Wo yi saya filana le le.»