Matiyu 26:64 - Ala Ya Salatikan Kula Kitabu

⁶⁴ Isa vɛɛ a yɛ: «Ile gbu vɛ wo fɔ. Kɛɛ ǹ'a fɔ ài yɛ, ǹ ko, ka damina bi ma ka taa, ài kɛtɔ Mɔɔnivin Tanin siinin yena Seebɛtii Ala bolokini fannɔ, ani ka a natɔla ye sanbiliya lɔ ka bɔ sangbolo lɔ.»

Matiyu 26:64 ပူးပေါင်းရင်းမြစ်များ

Matiyu 16:27

Kamasɔlɔn Mɔɔnivin Tanin kɛtɔ nala aa mɛlɛkalu fɛ, a Fa aa magbiliyali lɔ. Wo vɛ kɛla, a kɛtɔ mɔɔ kelenkelenna bɛ salala ka bɛn ai kɛkolu ma.

Matiyu 16:28

Ǹ'i tuɲa fɔ ài yɛ, a dɔlu y'ài tɛma jan minu tɛnala saya masɔlɔnna, fɔ ai vɛ Mɔɔnivin Tanin natɔla yena aa masaya lɔ.»

Matiyu 22:44

‹Mɔ Tii n'a fɔla ǹ Tii yɛ, a vɛɛ: «Na i sii m̀ bolokini fannɔ, haan fɔɔ m̀'ɛ banna i juulu lala i sen kɔlɔ.» ›

Matiyu 24:30

Wo vɛ kɛla, Mɔɔnivin Tanin ya tɔɔmase kɛtɔ bɔla gbɛ la sangbolo lɔ. Ado dunuɲa siboloma bɛ kɛtɔ ai josomakasila, ai vɛ Mɔɔnivin Tanin natɔla yena sanbiliya lɔ seetiiya ni magbiliyali ba boloma.

Matiyu 25:31

«Mɔɔnivin Tanin vɛ nala aa magbiliyali lɔ lon min na, mɛlɛka bɛ vɛ a fɛ, a siitɔ aa masayasiifen nɔɔlɔnin nɔ.

Matiyu 26:25

Judasi, min tɛɛ Isa janvaba le, wo vɛɛ a yɛ: «Kalanmɔɔ, ǹe le wo le?» Isa vɛɛ a yɛ: «Ile gbu vɛ wo fɔ.»

Matiyu 27:11

Wo waate, ai ka Isa lalɔ jamanatii Pilati ɲakɔlɔ. Wo k'a maɲininga, a vɛɛ: «Ile le Jahudiyalu ya masakɛ le?» Isa vɛɛ: «Ile gbu vɛ wo fɔ.»

Matiyu 28:18

Isa k'i madon ai la k'a fɔ ai yɛ, a vɛɛ: «See bɛ vɛ di m̀ ma duukolo kɔkan, ani haijɛnɛ.

Matiyu 8:20

Isa do vɛɛ a yɛ: «Diɲa yi jɛɛkani bolo, ɲaa yi kɔnɔni bolo, kɛɛ dingila tɛ Mɔɔnivin Tanin bolo, a a nɔningɛ tɛɛminja.»

Malɛkɛ 14:62

Isa k'a javi, a vɛɛ: «Ǹe le wo le, ado ài kɛtɔ Mɔɔnivin Tanin siinin yena Seebɛtii Ala bolokini fannɔ, ani ka a natɔla ye sanbiliya lɔ ka bɔ sangbolo lɔ.»

Luka 21:27

Wo waate lɔ, ai kɛtɔ Mɔɔnivin Tanin natɔla yena sanbiliya lɔ, seetiiya ni magbiliyali ba boloma.

Luka 22:69

Kɛɛ ǹ'a fɔ ài yɛ, ka ta bi ma, Mɔɔnivin Tanin kɛtɔ a siila Seebɛtii Ala bolokini fannɔ.»

Luka 22:70

Wo fɔ Isa bolo, ai bɛ vɛɛ a yɛ: «Jalasa Ala Denkɛ le i le le?» Isa k'ai javi, a vɛɛ: «Àilu gbu v'a fɔ ko ǹe le.»

Yohana 18:37

Wo fɔ Isa bolo, Pilati vɛɛ a yɛ: «Jalasa i yi masakɛ le le wo lɔ?» Isa do vɛɛ a yɛ: «Ile gbu v'a fɔ ko ǹ'i masakɛ le le. Ǹ sɔlɔnnin ka na dunuɲa dailu min na, wo le, ka seleyakan lase ka bɛn tuɲa ma. Mɔɔ min yi tuɲa ta le, wo tii le y'a tolomalɔla ǹ na.»

Kɛkolu 1:11

Wolu vɛɛ ai yɛ: «Galilekalu, mindɛ lɔ ài lɔnin jan, ài ɲa vɛ sangbolo lɔ? Isa min kɔlɔtanin ài tɛma ka jɛlɛ sangbolo lɔ, a do kɛtɔ seikɔla wo boloɲa kelen ne ma, iwo ài n'a jɛlɛtɔla yena teme sangbolo lɔ.»

Lɔmukalu 14:10

Ile koni, i i badenma kitila mindɛ lɔ? Niwotɛ, a yi di vɛ i jɔnin i badenma ma? Kamasɔlɔn mɔ bɛ lalɔtɔle Ala ɲakɔlɔ kititɛɛko lɔ.

1 Tɛsalonikakalu 4:16

Kamasɔlɔn wo lon na, jamalikan ba dɔ kɛtɔ bɔla, ani mɛlɛka kuntiiba kan, ani Ala ya buulufɛkan, ado mɔ Tii Isa gbu kɛtɔ jiila ka bɔ sangbolo lɔ. Wo vɛ kɛla, mɔɔ minu sanin Masa Tɔɔmasenin ya kafonɲɔɔya lɔ, wolu le kɛtɔ ai wulila kunfɔlɔ le.

Hebululu 1:3

Ale le Ala ya magbiliyali nɔɔlɔ le, ani a kɛɲa jiyaba bɛlɛbɛlɛ, ado dunuɲa kɔnɔlɔfen bɛ y'ai nɔ lɔ ka bɛn a kumakan fangama le ma. A ka ban mɔɔlu lasɛnɛyala k'ai julumbulu bɔ ai ma mingɛ, a ka t'i sii Masa Kɔlɔtaninba bolokini fannɔ haijɛnɛ.

Hebululu 12:2

mɔ ɲa lɔnin vɛ Isa lɔ, maa limaniya jusiiba ni a dafaba yi min ne. Ka bɛn sawako wo ma min latɛɛnin tɛɛ a ma, a k'a gbaanko manɔ kɔlɔman ma, ka jɔ maloyako wo ma, a do siinin butu Ala ya masayasiifen bolokini fannɔ.

Ko Lankɛnɛmayanin 1:7

Ài y'a ye, a kɛtɔ nala sanbiliyalu tɛma, ani bɛ ɲa kɛtɔ a yena, hali mɔɔ minu na a sɔɔla tama le. Ado dunuɲa siboloma bɛ kasikan kɛtɔ bɔla ka bɛn a ma. A kɛtɔ ten ne jɔ! Amiina!

Ko Lankɛnɛmayanin 20:11

Wo kɔ, ǹ ka masayasiifen gbɛ makawanin dɔ ye, ani min siinin tɛɛ a kɔkan. Sangbolo ni duukolo bɛ ka bɔli ka bɔ a ɲakɔlɔ, ai do ma ye butu.