Matiyu 26:29 - Ala Ya Salatikan Kula Kitabu

²⁹ Ǹ'a fɔ ài yɛ, ǹ tɛnala lɛzɛnji minna butu, haan fɔɔ ǹe ni àilu v'a kula minna ǹ Fa ya masaya lɔ lon min na.»

Matiyu 26:29 ပူးပေါင်းရင်းမြစ်များ

Matiyu 13:43

Wo waate lɔ, Ala ya mɔɔ telenninu kɛtɔ mɛnɛnna iwo tele ai Fa Ala ya masaya lɔ. Tolo yi mɔɔ min kun, wo tii y'a tolomalɔ kuma min ma.»

Matiyu 16:28

Ǹ'i tuɲa fɔ ài yɛ, a dɔlu y'ài tɛma jan minu tɛnala saya masɔlɔnna, fɔ ai vɛ Mɔɔnivin Tanin natɔla yena aa masaya lɔ.»

Matiyu 18:20

Kamasɔlɔn ni mɔɔ fila niwotɛ mɔɔ sawa k'i ladɛn ǹ tɔɔ lɔ, ǹ kɛtɔ ai tɛma.»

Matiyu 25:34

Wo kɔ, Masakɛ kɛtɔ a fɔla a bolokininɔ talu yɛ, a vɛɛ: ‹Ǹ Fa ya duwawudennu, ài yi na, ài yi don ǹ Fa ya masaya lɔ, min lɔbɛnnin tɛɛ ài yɛ ka ta dunuɲa dan waate ma.

Matiyu 26:28

Ǹ jeli le min ne, salatikan jeli, min bɔnnin mɔɔ siyama yɛ aiya julumbulu lɔkotoko lɔ.

Matiyu 26:30

Wo kɔ, ai ka baiti la, ka bɔ je ka taa Zeituna tini kɔkan.

Matiyu 28:20

ani k'ai kalan ko bɛ labatoko la, ǹ n'ài jamalila minu la. Ǹe do, ǹ'ài fɛ waate bɛ haan fɔɔ ka taa sii dunuɲa laban na.»

Malɛkɛ 14:25

Ǹ'i tuɲa fɔ ài yɛ, ǹ tɛnala lɛzɛnji minna butu, haan fɔɔ m̀'ɛ a kula minna lon min na ǹ Fa ya masaya lɔ.»

Luka 12:32

Isa vɛɛ a kɔbiladennu yɛ: «Ǹa saa kulu dana, ài kà siyan, kamasɔlɔn a diyanin ài Fa Ala yɛ ka masaya di ài ma.

Luka 15:32

Kɛɛ a bɛnnin m'i tolon kɛ ka sawa, kamasɔlɔn i dɔɔni tɛɛ vɛ sa, kɛɛ a nii vɛ bila a lɔ kɔtunun. A tununnin tɛɛ, kɛɛ a vɛ ye butu.› »

Yohana 15:11

«Ǹ na kuma min bɛ fɔla ài yɛ, fɔsa ǹa kɔnɔlɔdiya ɲɔɔzii yi kɛ ài yɛ, ani àiya kɔnɔlɔdiya da yi fa.

Yohana 16:22

Àilu fana yi ten ne: Ài niila vɛ fin butu, kɛɛ ǹ kɛtɔ ài yena kɔtunun. Wo vɛ kɛla, ài kɔnɔlɔ yi diyale, ado mɔɔ foi tɛnala sena kɔnɔlɔdiya wo bɔla ài bolo.

Yohana 17:13

«Ǹ natɔ i fɛlɔ yi ne, kɛɛ ǹ'i ko minu fɔla dunuɲa kɔnɔ, fɔsa ǹa kɔnɔlɔdiya dafanin ɲɔɔzii yi kɛ ai yɛ.

Kɛkolu 10:41

Kɛɛ mɔɔ bɛ m'a ye, mafɔ Ala na ǹu minu tala ka mɔ kɛ sele le, ǹu minu na dɔnni kɛla ani k'i min a fɛ a lawuli kɔ ka bɔ saya lɔ.

Hebululu 12:2

mɔ ɲa lɔnin vɛ Isa lɔ, maa limaniya jusiiba ni a dafaba yi min ne. Ka bɛn sawako wo ma min latɛɛnin tɛɛ a ma, a k'a gbaanko manɔ kɔlɔman ma, ka jɔ maloyako wo ma, a do siinin butu Ala ya masayasiifen bolokini fannɔ.

Ko Lankɛnɛmayanin 14:3

Ai do tɛɛ baiti kula lala masayasiifen ɲafɛla lɔ, ani niimafen naani wolu ni kɛmɔbalu ɲakɔlɔ. Mɔɔ tɛɛ tɛ se baiti wo makalanna, mafɔ mɔɔ waa kɛmɛ ni mɔɔ waa binaani ni naani (144 000) wolu, Ala na minu kunmakala dunuɲamɔɔlu tɛma.

Ko Lankɛnɛmayanin 7:17

Kamasɔlɔn Saa Bolan min yi masayasiifen tɛmala lɔ, wo le kɛtɔ kɛla ai kunmafɛlɛnba le. A kɛtɔ taala ai le falakɔɔlu lɔ, niimaya ji yi bɔla minu lɔ, ado Ala gbu le kɛtɔ ai ɲaji bɛ tɛla.»