Matiyu 26:28 - Ala Ya Salatikan Kula Kitabu

²⁸ Ǹ jeli le min ne, salatikan jeli, min bɔnnin mɔɔ siyama yɛ aiya julumbulu lɔkotoko lɔ.

Matiyu 26:28 ပူးပေါင်းရင်းမြစ်များ

Matiyu 20:28

Wo boloɲa kelen ma, Mɔɔnivin Tanin gbu ma na fɔsa mɔɔlu yi kɛ aa bɔiden ne, mafɔ ale yi kɛ aiya bɔiden ne le, ani ka a nunakili di ka kɛ mɔɔ siyama kunmaka sala le.»

Matiyu 26:27

Wo kɔ, a ka jiyafɛ ta, lɛzɛnji tɛɛ min nɔ, ka balika bɔ Ala yɛ, ka ban k'a di ai ma. A vɛɛ: «Ài bɛ y'a dɔ min a lɔ.

Matiyu 26:29

Ǹ'a fɔ ài yɛ, ǹ tɛnala lɛzɛnji minna butu, haan fɔɔ ǹe ni àilu v'a kula minna ǹ Fa ya masaya lɔ lon min na.»

Matiyu 6:12

I yi maa koyonnu lɔkoto, iwo ǹu fana vɛ mɔɔlu makoto teme, minu na koyon kɛla mɔ la.

Malɛkɛ 1:4

Makolikɛba Yaya ka bɔ gbɛ la fuwa lɔ, a vɛ mɔɔlu makola ji kɔlɔ, ani ka kawani kɛ ka bɛn ai dajoo mafalinko ma, fɔsa aiya julumbulu lɔ yi koto teme.

Malɛkɛ 14:24

A do vɛɛ ai yɛ: «Ǹ jeli le min ne, salatikan jeli, min bɔnnin mɔɔ siyama yɛ.

Luka 22:19

Wo fɔ Isa bolo, a ka bulu ta ka balika bɔ Ala yɛ, ka ban k'a lɔkalikali k'a di ai ma. A do vɛɛ: «Ǹ falikolo le min ne, min dinin àiya ko lɔ. Ài yi min kɛ k'ài hangili to ǹ nɔ.»

Luka 22:20

Dɔnni ban kɔ, Isa ka jiyafɛ fana ta k'a di ai ma. A do vɛɛ ai yɛ: «Jiyafɛ min yi salatikan kula tɔɔmase le le, ka bɛn ǹ jeli bɔnko ma àiya ko lɔ.

Lɔmukalu 5:15

Kɛɛ julumbu min tanin Adama bolo ani Ala ya sɔli, wolu tɛ se lala i ɲɔɔ ma. Kamasɔlɔn ni mɔɔ siyama na sala ka bɛn kɛ́ kelen ya julumbu taya kelen ne ma, a lagbɛyine feu ko Ala ya nɛɛma ni aa sɔli vɛ siyaya mɔɔ jilika jilika yɛ ka bɛn kɛ́ kelen ya nɛɛma ma, min kɛnin Masa Tɔɔmasenin Isa le.

Lɔmukalu 5:19

Kɛ́ kelen ya kolobaliya na kɛla sabu le ka mɔɔ siyama kɛ julumbutɔ le. Wo boloɲa kelen ma, ka bɛn kɛ́ kelen ya kannabatoli ma, mɔɔ siyama jatetɔ telenmande le le.

1 Kolɛntikalu 11:25

Wo boloɲa kelen ma, dɔnni bannin, Isa ka jiyafɛ fana ta, lɛzɛnji tɛɛ min nɔ. A vɛɛ: «Jiyafɛ min yi salatikan kula tɔɔmase le le ǹ jeli bɔnko fɛ. Ài vɛ kɛla wo minna waate o waate, ài yi wo kɛ k'ài hangili to ǹ nɔ.»

Ɛfɛsikalu 1:7

Mɔ do kunmakanin a jeli bɔnko le fɛ, ani maa hakɛlu lɔ vɛ koto ka bɛn aa nɛɛma dafanin ne ma,

Kɔlɔsikalu 1:14

wo min na mɔ kunmakala ka maa julumbulu lɔkoto.

Kɔlɔsikalu 1:20

Ado ka bɛn a Denkɛ ma, Ala ka ale ni fen bɛ wotɛbɛn duukolo kɔkan ani sangbolo lɔ, ka josolajii lana a Denkɛ jeli bɔnko fɛ kɔlɔman ma.

Hebululu 10:29

Ni wo le, jangata suu mindɛ le kɛtɔ wo mɔɔ masɔlɔnna min na Ala Denkɛ lafeyala, ka jɔmaya kɛ Salatikan Kula jeli la min n'a lasɛnɛyala, ani ka Nii Sɛnɛyanin jɛvɛ, nɛɛma sɔlɔnnin min fɛ?

Hebululu 13:20

Ala min yi josolajii dila, min na mɔ Tii Isa lawulila ka bɔ saya lɔ, wo min yi Saakunnasiiba Makawanin ne min na salatikan banbali lasilila a jeli bɔnko sabu la,

Hebululu 9:28

wo boloɲa kelen ne ma, Masa Tɔɔmasenin fana na kɛla salaka le siɲa kelen ne le dein, ka mɔɔ siyama ya julumbulu bɔ ai ma. A do natɔ a siɲa filana lɔ, kɛɛ wo tɛnala kɛla julumbu lɔkotoko le, mafɔ ka mɔɔlu lakisi minu y'a nalon makɔnɔna.

1 Yohana 2:2

Ale le na kɛla julumbu lɔkoto salaka le mɔ yɛ. A do ma dan maa julumbulu ma dein, mafɔ dunuɲamɔɔlu bɛ ta.

Ko Lankɛnɛmayanin 7:14

Ǹ k'a javi, ǹ ko: «Ǹ fa, ile le ka wo lɔn.» A do vɛɛ ǹ yɛ wo lɔ: «Mɔɔ minu bɔnin jangata ba kɔlɔ, wolu le ne. Ai vɛ aiya pipɔlu ko k'ai gbɛ Saa Bolan jeli le.

Ko Lankɛnɛmayanin 7:9

Wo timin kɔ, ǹ ka to kolasaala ka jama siyama ba ye, minu walanin tɛɛ haan fɔɔ mɔɔ tɛɛ tɛ se ai kɔndɛ jate lɔnna. Mɔɔ wolu bɔnin tɛɛ siboloma bɛ le lɔ, ani kabila bɛ, ani jamana bɛ, ani minu tɛɛ kan suu bɛ dɔ fɔla. Ai tɛɛ lɔnin masayasiifen ni Saa Bolan ɲafɛla lɔ, pipɔ gbɛ vɛ ai kanna, ani ten bululu vɛ ai bolo.