Matiyu 25:46 - Ala Ya Salatikan Kula Kitabu

⁴⁶ Mɔɔ wolu do taatɔ jangata banbali lɔ, kɛɛ mɔɔ telenninu taatɔ niimaya banbali le lɔ.»

Matiyu 25:46 ပူးပေါင်းရင်းမြစ်များ

Matiyu 13:43

Wo waate lɔ, Ala ya mɔɔ telenninu kɛtɔ mɛnɛnna iwo tele ai Fa Ala ya masaya lɔ. Tolo yi mɔɔ min kun, wo tii y'a tolomalɔ kuma min ma.»

Matiyu 19:16

Lon dɔ, kɛ́ dɔ ka na Isa ma k'a maɲininga, a vɛɛ: «Kalanmɔɔ, ǹ ka kan ka koɲuma mindɛ le kɛ fɔsa ǹ'i niimaya banbali sɔlɔn?»

Matiyu 19:29

Ni mɔɔ min ka aa bon to a kɔ, niwotɛ a badenmalu, niwotɛ a fa, niwotɛ a ba, niwotɛ a dennu, ani aa sɛnɛlu ka bɛn ǹa ko ma, wo vɛ kɛla, wo tii kɛtɔ wo ɲɔɔzii kɛmɛ (100) sɔlɔnna, ka niimaya banbali fana sɔlɔn.

Matiyu 25:41

«Wo kɔ, a kɛtɔ a fɔla a bolonunmalɔ talu yɛ, a vɛɛ: ‹Àilu daantɔlu, ài yi bɔ ǹ ɲakɔlɔ ka taa taa banbali lɔ, min lɔbɛnnin Soitana ni aa mɛlɛkalu yɛ.

Matiyu 25:45

Wo kɔ, ǹ kɛtɔ ai javila, ǹ ko: ‹Ǹ'i tuɲa fɔ ài yɛ, ài ma ko min kɛ ǹa mɔɔ bɛ lɔ dɔɔmaninda dɔ yɛ, ài n'i banna wo kɛla ǹe le yɛ.›

Luka 16:26

Wo bɛ kɔ, folon ba dɛgbɛ le lanin ǹu ni àilu tɛma, fɔsa mɔɔ foi kana bɔ jan ka taa ài fɛlɔ, niwotɛ ka bɔ ài fɛlɔ ka na jan.›

Yohana 17:2

Kamasɔlɔn i vɛ seetiiya di m̀ ma adamaden bɛ kunna, fɔsa i na mɔɔ minu dila m̀ ma, ǹ'i niimaya banbali di wolu bɛ ma.

Yohana 3:36

Mɔɔ min vɛ limaniyala a Denkɛ ma, niimaya banbali yi wo tii le yɛ. Kɛɛ ni mɔɔ min k'i ban a Denkɛ lɔ, wo tii tɛnala niimaya sɔlɔnna, mafɔ a yi tole Ala ya mɔnɛya kɔlɔ kudein.

Yohana 4:14

Kɛɛ ǹ'i ji min dila, mɔɔ mɔɔ vɛ wo dɔ minna, minkɛlɔɔ tɛnala wo tii minala butu tuun. Wo kɛtɔle a kɔnɔlɔ iwo kɔɔkun min yi woyola ka niimaya banbali di a ma.»

Yohana 5:24

«Ǹ'i tuɲa fɔ ài yɛ, ni mɔɔ mɔɔ ka ǹ kumakan mɛn ka limaniya ǹ kelaba ma, niimaya banbali yi wo tii le yɛ. Kiti tɛnala bilala wo tii la, kɛɛ a do vɛ bɔ saya lɔ ka don niimaya lɔ.

Yohana 6:27

Ài kà baale kɛ dɔnnifenko lɔ min yi tolinna, mafɔ min yi mɛnna ka niimaya banbali di, Mɔɔnivin Tanin kɛtɔ min dila ài ma, kamasɔlɔn mɔ Fa Ala vɛ aa seetiiya tɔɔmase bila a kan.»

Yohana 6:40

Kamasɔlɔn ǹ Fa sawo le min ne, ko mɔɔ minu bɛ ɲa lɔnin a Denkɛ lɔ ka limaniya a ma, wolu bɛ yi niimaya banbali sɔlɔn, ǹe do kɛtɔ ai lawulila ka bɔ saya lɔ dunuɲa laban lon.»

Kɛkolu 13:46

Wo kɛ, Pɔli ni Baanabasi k'ai javi josolagbeleya boloma, ai vɛɛ: «Ala kumakan la tɛɛ ka kan ka se àilu Jahudiyalu le ma kunfɔlɔ le. Komi ài v'i ban a lɔ, ani ka jate ko niimaya banbali bɛnnin tɛ ài ma, wo le n'a mɔ ɲa tiliminna siboloma gbɛlɛlu la.

Kɛkolu 13:48

Siboloma gbɛlɛ mɔɔlu ka wo mɛn mingɛ, ai bɛ ka sawa ka mɔ Tii kumakan buɲa, ado niimaya banbali latɛɛnin tɛɛ mɔɔ minu ma, wolu bɛ ka limaniya.

Kɛkolu 24:15

Ǹ jei siinin Ala le la, ado wo jeisii kelen ne yi mɔɔ minu bolo, k'a fɔ ko telenmandelu ni mɔɔ telenbalilu bɛ le la kɛtɔ wulila saya kɔ.

Lɔmukalu 5:21

Julumbu na fanga sɔlɔnna ka bɛn saya le ma. Wo boloɲa kelen ma, Ala ya nɛɛma yi fanga sɔlɔnna ka bɛn telenmandeya le ma, min yi nala niimaya banbali le mɔ Tii Masa Tɔɔmasenin Isa sabu la.

Lɔmukalu 6:23

Kamasɔlɔn julumbu sala le saya le, kɛɛ Ala ya sɔli yi niimaya banbali le le mɔ Tii Masa Tɔɔmasenin Isa ya kafonɲɔɔya lɔ.

Galatiyakalu 6:8

Ni mɔɔ min k'a falikolo ladiyanankolu sɛnɛ, wo tii kɛtɔ a halakiko le kalila. Kɛɛ do, ni mɔɔ min ka Nii Sɛnɛyanin diyanankolu sɛnɛ, wo tii kɛtɔ niimaya banbali le kalila Nii Sɛnɛyanin fɛ.

2 Tɛsalonikakalu 1:9

Aiya kolatɔn kɛtɔ halaki banbali le le, k'ai mataa mɔ Tii la ani aa seetiiya makawanin.

1 Yohana 2:25

Masa Tɔɔmasenin na lahedi min tala mɔ yɛ, wo le min ne: niimaya banbali.

Jude 1:21

Ài yi to Ala ya kanundeya lɔ, ài vɛ mɔ Tii Masa Tɔɔmasenin Isa ya henandeya makɔnɔna min yi nala niimaya banbali le.

Ko Lankɛnɛmayanin 20:10

Soitana min n'ai lafilila, wo la ka fili taa diɲa ba lɔ, timiliki kawa yi ɲɛninna tɛɛminja, ani soofali ni aa faɲafɔ kela yi tɛɛminja. Ai kɛtɔ tɔlɔyala je su ni tele waate bɛ ani habadan.

Ko Lankɛnɛmayanin 20:15

Ado mɔɔ mɔɔ tɔɔ sɛvɛnin tɛɛ ma talan niimaya kitabu kɔnɔ, wo tii la ka fili taa diɲa ba lɔ.

Ko Lankɛnɛmayanin 21:8

Kɛɛ jiitɔlu koni, ani lanandeyabalilu, ani jɛlɛlakɔsɔmɔɔlu, ani mɔɔfaabalu, ani kanukɛbalu, ani subalu ni joosɔbalu, ani faɲafɔbalu bɛ, wolu kɛtɔ ai ta nii sɔlɔnna taa diɲa ba le lɔ, timiliki kawa yi ɲɛninna tɛɛminja. Wo yi saya filana le le.»