Matiyu 25:34 - Ala Ya Salatikan Kula Kitabu

³⁴ Wo kɔ, Masakɛ kɛtɔ a fɔla a bolokininɔ talu yɛ, a vɛɛ: ‹Ǹ Fa ya duwawudennu, ài yi na, ài yi don ǹ Fa ya masaya lɔ, min lɔbɛnnin tɛɛ ài yɛ ka ta dunuɲa dan waate ma.

Matiyu 25:34 ပူးပေါင်းရင်းမြစ်များ

Matiyu 13:35

A k'a kɛ ten fɔsa kuma min fɔnin kela bolo, wo ma yi fa teme, ko: «Ǹ kumatɔ sanalu lɔ. Ko minu doonnin ka ta dunuɲa dan waate ma, ǹ kɛtɔ wolu le fɔla.»

Matiyu 19:29

Ni mɔɔ min ka aa bon to a kɔ, niwotɛ a badenmalu, niwotɛ a fa, niwotɛ a ba, niwotɛ a dennu, ani aa sɛnɛlu ka bɛn ǹa ko ma, wo vɛ kɛla, wo tii kɛtɔ wo ɲɔɔzii kɛmɛ (100) sɔlɔnna, ka niimaya banbali fana sɔlɔn.

Matiyu 20:23

Isa do vɛɛ ai yɛ: «Tuɲa le, ài lamintɔ ǹa jiyafɛ wo lɔ, kɛɛ siiya minu yi m̀ bolokini ni m̀ bolonunma fannɔ, wolu diba tɛ ǹe le. Ǹ Fa na siiya wolu lɔbɛnna mɔɔ minu yɛ, a kɛtɔ ai dila wolu le ma.»

Matiyu 21:5

«A fɔ Ziyɔn sodennu yɛ, ko: ‹Ài y'a ye, àiya masakɛ yi nala ài ma. A do siinin sofalinimoso kɔkan fanmajii boloma, sofalini bolan, sofalinimoso den koni.› »

Matiyu 25:21

Aa kuntii vɛɛ: ‹Bɔiden sɔvɛ le i le ani lanande. I gbu n'a kɛla kobɛn! I na kɛla lanande le ko fitinin nɔ. Tandainɔ yi ne, ǹ kɛtɔ fen siyama kalifala i la. Na, i yi sawa kɛ ǹ fɛ.›

Matiyu 25:23

Aa kuntii vɛɛ: ‹Bɔiden sɔvɛ le i le ani lanande. I gbu n'a kɛla kobɛn! I na kɛla lanande le ko fitinin nɔ. Tandainɔ yi ne, ǹ kɛtɔ fen siyama kalifala i la. Na, i yi sawa kɛ ǹ fɛ.›

Matiyu 25:40

Wo kɔ, Masakɛ kɛtɔ ai javila, a vɛɛ: ‹Ǹ'i tuɲa fɔ ài yɛ, ni ài ka kokein kɛ m̀ badenma bɛ lɔ dɔɔmaninda dɔ yɛ, ài na wo kɛla ǹe gbugbu le yɛ.›

Matiyu 25:41

«Wo kɔ, a kɛtɔ a fɔla a bolonunmalɔ talu yɛ, a vɛɛ: ‹Àilu daantɔlu, ài yi bɔ ǹ ɲakɔlɔ ka taa taa banbali lɔ, min lɔbɛnnin Soitana ni aa mɛlɛkalu yɛ.

Matiyu 27:37

Ai tɛɛ vɛ wala dɔ bila Isa kunma, a faa dailu sɛvɛnin tɛɛ min ma, ko: «Isa le ne, Jahudiyalu ya masakɛ.»

Matiyu 3:2

«Ài y'ài dajoo mafalin, kamasɔlɔn haijɛnɛ masaya waate ma vɛ sulunya.»

Matiyu 5:19

Wo le y'a ma, ni mɔɔ min ka seliya bɛ lɔ dɔɔmaninda dɔ gbu to je, k'a dɔlu kalan ko ai yi wo ɲɔɔzii kɛ, wo vɛ kɛla, wo tii jatetɔ dɔɔmaninda le le haijɛnɛ masaya lɔ. Ni do mɔɔ min ka seliya wolu labato k'a dɔlu kalan a la, wo tii jatetɔ mɔɔba le le haijɛnɛ masaya lɔ.

Malɛkɛ 10:17

Isa ka siya mina mingɛ, kɛ́ dɔ vɛ bɔlila ka na k'i majii a kɔlɔ. A do vɛɛ a yɛ: «Kalanmɔɔ ɲuma, ǹ ka kan ka mindɛ le kɛ fɔsa ǹ'i niimaya banbali sɔlɔn?»

Malɛkɛ 10:40

Kɛɛ siiya minu yi m̀ bolokini ni m̀ bolonunma fannɔ, wolu diba tɛ ǹe le. Ala na siiya wolu lɔbɛnna mɔɔ minu yɛ, a kɛtɔ ai dila wolu le ma.»

Luka 11:28

A do vɛɛ a yɛ: «Mɔɔ minu y'ai tolomalɔla Ala kumakan na k'a labato, wolu le koni yi duwawuden ne.»

Luka 11:50

Wo lɔ, kela minu jeli vɛ bɔn ka ta dunuɲa dan waate ma, wo bɛ hakɛ bilatɔ bi mɔɔlu kɔ,

Luka 12:32

Isa vɛɛ a kɔbiladennu yɛ: «Ǹa saa kulu dana, ài kà siyan, kamasɔlɔn a diyanin ài Fa Ala yɛ ka masaya di ài ma.

Luka 19:38

Ai vɛɛ: «Duwawu yi masakɛ yɛ min yi nala mɔ Tii tɔɔ lɔ! Hɛlɛ yi kɛ haijɛnɛ! Magbiliyali yi kɛ Ala yɛ haijɛnɛ dingila kɔlɔtanin nɔ!»

Yohana 1:49

Nataniyɛli k'a javi, a vɛɛ: «Kalanmɔɔ, Ala Denkɛ le i le le, ani Isilan masakɛ!»

Yohana 12:13

Wo lɔ, ai vɛ taala tamalo bululu le a labɛnya lɔ, k'ai kan labɔ, ai vɛɛ: «Hozana! Duwawu yi wo le yɛ min yi nala mɔ Tii tɔɔ lɔ! Duwawu yi Isilan masakɛ yɛ!»

Yohana 17:24

«Ǹ Fa, ǹ'a fɛ ǹ'i tɛɛminja, i na minu dila m̀ ma, wolu fana yi kɛ ǹ fɛ je, fɔsa ai yi ǹa magbiliyali ye, i na min dila m̀ ma kamasɔlɔn i na ǹ kanula jani dunuɲa tɛɛ dan.

Yohana 19:15

Ai do vɛ gbanɔla, ai vɛɛ: «A faa! A faa! A gbaan kɔlɔman ma!» Pilati k'ai maɲininga, a vɛɛ: «Ǹ'àiya masakɛ gbaan kɔlɔman ma?» Salakalase kuntiibalu k'a javi, ai vɛɛ: «Masakɛ gbɛlɛ tɛ mɔ bolo ka bɔ Sezale kɔ.»

Kɛkolu 15:18

min lɔnnin m̀ bolo kɔlɔkɔlɔ le.› »

Kɛkolu 3:26

Wo lɔ, Ala na aa bɔiden tala k'a lana ài ma kunfɔlɔ le, fɔsa a yi balaka don ài lɔ, k'ài kelenkelenna bɛ bɔ àiya siya yonnu kɔkan.»

Lɔmukalu 8:17

Komi Ala den ne mɔ le, mɔ kɛtɔ balayi sɔlɔnna iwo a dennu. Kamasɔlɔn Ala yi balayi min ladalola Masa Tɔɔmasenin yɛ, mɔ fɛ kɛtɔ kɛla wo sɔlɔnko la. Kɛɛ fɔ mɔ fɛ yi kɛ aa tɔlɔyalu la bene, jani m'i magbiliyali sɔlɔn a fɛ.

1 Kolɛntikalu 15:50

M̀ badenmalu, ǹ'i min fɔla yi ne, wo kɔlɔ le ko mɔ falikolo min yi bu ni jeli le, wo tɛ se donna Ala ya masaya lɔ, ado fen tiɲata fɛ tɛ se kɛla fen tiɲabali la.

1 Kolɛntikalu 2:9

Kɛɛ a sɛvɛnin kitabu kɔnɔ tan ne, ko: «Ɲa ma la ko minu ma, tolo ma ko minu mɛn, ado ko min miliya ma bila mɔɔ suu suu josokun nɔ, Ala na wolu le latɛɛla a kanundelu yɛ.»

1 Kolɛntikalu 6:9

Ài m'a lɔn ko mɔɔ telenbalilu tɛnala donna Ala ya masaya lɔ? Ài k'ài jɛlɛ manɛɛ! Kanukɛbalu, joosɔbalu, jalonnu, kɛ́ minu y'ai lala ai kɛ́ ɲɔɔlu fɛ,

Galatiyakalu 5:21

natabaya, gbɛtɔya, dannatimin tolonnu, ani wolu ɲɔɔzii gbɛlɛlu. Ǹ'ài lalila yi ne iwo ǹ n'a kɛla teme sɔ, mɔɔ minu deinin ko suu wolu kɛla, wolu tɛnala donna Ala ya masaya lɔ.

Ɛfɛsikalu 5:5

Ài yi gbɛ a ma ko mɔɔ minu yi kanu kɛla, ani kokɔsɔninnu, ani natakolu (min ni joosɔko kaannin), wolu dɔ pa fɛ tɛ Ala ni Masa Tɔɔmasenin ya masaya la.

1 Tɛsalonikakalu 2:12

Mɔ tɛɛ ài lalila, k'ài sɛmɛdon, ani k'a fɔ ài yɛ k'a magbeleya ko ài yi Ala buɲa ài taamaɲa lɔ, ale min y'ài kilila k'ài ladon aa masaya ni aa magbiliyali lɔ.

2 Timote 2:12

Ni mɔ ka mɔ sawali, mɔ kɛtɔ masaya kɛla a fɛ fana. Ni do mɔ ka mɔ ban a lɔ, ale fana kɛtɔ a banna mɔ lɔ.

2 Timote 4:8

Wo ma yi ne, telenmandeya jala ladalonin ǹ yɛ, min ditɔ m̀ ma lɔbalon mɔ Tii bolo, min kɛnin kititɛɛba telennin ne. Wo do tɛnala dila ǹe kelen ma, mafɔ mɔɔ minu bɛ jei siinin a nalon na kanundeya boloma.

Hebululu 1:14

Wo lɔ saa, mɛlɛkalu bɛ tɛ fɔɲɛ le le ani Ala ya bɔidennu, minu kelayanin mɔɔ lakisininnu madɛmɛnko lɔ?

Hebululu 11:16

Kɛɛ duu fisayanin dɔ lɔɔ y'ai la, min yi haijɛnɛ ta le. Wo le n'a kɛla, Ala tɛ maloyala a fɔko lɔ a ma ko ai Tii, kamasɔlɔn a na so lɔbɛnna ai yɛ.

Hebululu 4:3

Ǹu minu do vɛ limaniya, mɔ kɛtɔ donna nɔningɛ wo lɔ, iwo Ala n'a fɔla teme, ko: «Ǹ ka ǹ kalin mɔnɛya boloma, ǹ ko: ‹Ai tɛnala donna ǹa nɔningɛ lɔ tuun!› » A ka kuma min fɔ k'a talan aa baale tɛɛ vɛ dafa ka ta dunuɲa ladan waate ma.

Hebululu 9:26

Ni wo tɛ kɛ, a tɛɛ tɔlɔya masɔlɔnne siɲa siyama le ka ta dunuɲa dan waate ma. Kɛɛ dunuɲa laban waate min nɔ yi ne, a vɛ na siɲa kelen ne le ka ban, fɔsa a yi julumbu ban ka bɛn salaka ma, a na a jɛlɛ bɔla min ne.

Janguba 2:5

Ài tolomalɔ, ǹ diyanan badenmalu! Jalasa Ala ma dunuɲa fandannilu ta fɔsa ai yi banaya limaniya lɔ, ani k'ai fɛ bila aa masaya la, a na min lahedi tala a kanundelu yɛ?

1 Piyɛli 1:9

kamasɔlɔn ài àiya limaniya kɔjavi sɔlɔnna, min kɛnin ài nii lakisiko le.

1 Piyɛli 3:9

Ài kà koyon sala koyon ne, niwotɛ ka jɛvɛli sala jɛvɛli le. Kɛɛ ài yi duwawu le kɛ ài tɔlɔyabalu yɛ, kamasɔlɔn ài kilinin Ala bolo wo le kanma fɔsa ài yi balaka sɔlɔn min ladalonin ài yɛ.

Ko Lankɛnɛmayanin 13:8

Dunuɲamɔɔlu bɛ kɛtɔ soofali batola, mɔɔ minu tɔɔ sɛvɛnin tɛ niimaya kitabu kɔnɔ ka ta dunuɲa dan waate ma, min yi Saa Bolan ta le, ai ka min faa.

Ko Lankɛnɛmayanin 17:8

I na soofali min yena, wo tɛɛ a nii la kɔlɔman ne, kɛɛ a tɛ a nii la butu, a do yi jɛlɛ bolo le ma ka bɔ diɲa gboon lɔjaannin nɔ, ka taa a halakiya lɔ. Dunuɲamɔɔ minu tɔɔ ma sɛvɛ niimaya kitabu kɔnɔ ka ta dunuɲa dan waate ma, wolu kɛtɔ soofali yena ka kawakoya aa ko lɔ, kamasɔlɔn a tɛɛ a nii la kɔlɔman ne, a do tɛ a nii la butu, kɛɛ a kɛtɔ nala kɔtunun.

Ko Lankɛnɛmayanin 19:16

Tɔɔ dɔ sɛvɛnin aa pipɔ ma ani a wolo ma, ko: «Masalu ya Masa ani tiilu ta Tii.»

Ko Lankɛnɛmayanin 21:7

Ni mɔɔ min ka see sɔlɔn, wo tii kɛtɔ balayi wolu le sɔlɔnna ǹ na. Ǹ kɛtɔ kɛla a Tii le le, a do kɛtɔ kɛla ǹ den ne le.

Ko Lankɛnɛmayanin 5:10

I vɛ ai kɛ iya masaya dongolu le, ani salakalaseba minu yi baalela mɔ Tii Ala yɛ. Ai do kɛtɔ masaya kɛla duukolo kɔkan.»