Matiyu 25:32 - Ala Ya Salatikan Kula Kitabu

³² Wo lon, dunuɲamɔɔlu bɛ ladɛntɔ a ɲakɔlɔ. A kɛtɔ ai wotɛbɔla i ɲɔɔ na, iwo kolofenkunnasiiba yi saa ni bani wotɛbɔla teme.

Matiyu 25:32 ပူးပေါင်းရင်းမြစ်များ

Matiyu 13:49

Dunuɲa laban kɛtɔ ten ne. Mɛlɛkalu kɛtɔ mɔɔlu lɔtɔmɔnna, ka mɔɔ yonnu bɔ telenmandelu tɛma,

Matiyu 28:19

Wo lɔ saa, ài yi taa siboloma bɛ kɛ ǹ kɔbiladen ne, k'ai mako ji kɔlɔ Fa Ala, ni a Denkɛ, ani Nii Sɛnɛyanin tɔɔ lɔ,

Matiyu 3:12

Aa kɔndɛlɛ y'a bolo, a do kɛtɔ aa malogbasiya matɛla, ka malo kɛ kele la, ka ban k'a fofo lafili taa banbali lɔ.»

Yohana 10:14

Ǹe le saakunnasiiba ɲuma le. Ǹ ka ǹa saalu lɔn, ai do ka ǹ lɔn,

Yohana 10:27

Ǹa saalu y'ai tolomalɔla ǹ kumakan na. Ǹ k'ai lɔn, ai do yi bilala ǹ kɔ.

Lɔmukalu 2:12

Wo le y'a ma, mɔɔ minu yi julumbu tala k'a talan ai ma kɛ Nabi Musa ya seliyako kalama, wolu kɛtɔ halakila. Kɛɛ aiya kiti tɛnala tɛɛla ka bɛn seliya wo ma. Mɔɔ minu do yi julumbu tala, k'a talan ai yi seliya wo kalama, wolu ya kiti kɛtɔ tɛɛla ka bɛn seliya wo le ma.

Lɔmukalu 2:16

Wo bɛ la kɛtɔ nkɛnɛmayala kititɛɛlon, Ala vɛ adamadennu kɔnɔlɔkolu kiti tɛɛla Masa Tɔɔmasenin Isa sabu la, iwo a fɔnin teme Samakan Kein nɔ, ǹ'i min lasena.

1 Kolɛntikalu 4:5

Wo le y'a ma, ài kà ài lateleja ka mɔɔ ya kiti tɛɛ, ni a waate bɛlɛ ma se ba. Ài y'a to ten haan fɔɔ mɔ Tii yi na. Ko ko doonnin divi lɔ, ale le kɛtɔ wolu lankɛnɛmayala ka mɔɔ bɛ kɔnɔlɔkolu labɔ gbɛ la. Wo vɛ kɛla, mɔɔ kelenkelenna bɛ kɛtɔ matanuli sɔlɔnna Ala bolo.

2 Kolɛntikalu 5:10

Kamasɔlɔn, fɔ mɔ kelenkelenna bɛ yi mɔ kun labɔ Masa Tɔɔmasenin ɲakɔlɔ kititɛɛya lɔ, fɔsa mɔ na ko ko si kɛla dunuɲa mɔ falikolo lɔ, koɲuma o, koyon o, m'i wo sala sɔlɔn.