Matiyu 25:21 - Ala Ya Salatikan Kula Kitabu

²¹ Aa kuntii vɛɛ: ‹Bɔiden sɔvɛ le i le ani lanande. I gbu n'a kɛla kobɛn! I na kɛla lanande le ko fitinin nɔ. Tandainɔ yi ne, ǹ kɛtɔ fen siyama kalifala i la. Na, i yi sawa kɛ ǹ fɛ.›

Matiyu 25:21 ပူးပေါင်းရင်းမြစ်များ

Matiyu 24:45

«Jene yi bɔiden sɔvɛ le ani hangilima, aa kuntii kɛtɔ min lasiila bɔiden tɔlu kunna, fɔsa a yi balo di ai ma a waate bɛlɛ lɔ?

Matiyu 24:47

Ǹ'i tuɲa fɔ ài yɛ, aa kuntii kɛtɔ ale le kɛla a bolofennu bɛ kunnasiiba le.

Matiyu 25:23

Aa kuntii vɛɛ: ‹Bɔiden sɔvɛ le i le ani lanande. I gbu n'a kɛla kobɛn! I na kɛla lanande le ko fitinin nɔ. Tandainɔ yi ne, ǹ kɛtɔ fen siyama kalifala i la. Na, i yi sawa kɛ ǹ fɛ.›

Matiyu 25:46

Mɔɔ wolu do taatɔ jangata banbali lɔ, kɛɛ mɔɔ telenninu taatɔ niimaya banbali le lɔ.»

Luka 12:44

Ǹ'i tuɲa fɔ ài yɛ, aa kuntii kɛtɔ ale le kɛla a bolofennu bɛ kunnasiiba le.

Luka 16:10

«Ni mɔɔ min ka kɛ lanande le ko fitinin nɔ, wo tii yi kɛle lanande le ko ba lɔ fana. Ni mɔɔ min do ka kɛ telenbali le ko fitinin nɔ, wo yi kɛle telenbali le ko ba lɔ fana.

Yohana 12:26

Ni mɔɔ min y'a fɛ ka baale kɛ ǹ yɛ, fɔ wo tii yi bila ǹ kɔ, ado m̀'ɛ kɛla tɛɛminja, ǹa bɔiden fana kɛtɔ je le. Ni mɔɔ min ka baale kɛ ǹ yɛ, ǹ Fa kɛtɔ wo tii buɲala.»

Yohana 14:3

M̀'ɛ taala ài siiya lɔbɛnna, ǹ seikɔtɔ ka na ài ta ka taa ài le, fɔsa ǹ'i tɛɛminja, àilu fana yi kɛ woja.

Yohana 17:24

«Ǹ Fa, ǹ'a fɛ ǹ'i tɛɛminja, i na minu dila m̀ ma, wolu fana yi kɛ ǹ fɛ je, fɔsa ai yi ǹa magbiliyali ye, i na min dila m̀ ma kamasɔlɔn i na ǹ kanula jani dunuɲa tɛɛ dan.

Lɔmukalu 2:29

Kɛɛ mɔɔ kɔnɔlɔko le y'a kɛla Jahudiya le, ado kɛnɛkɛko bɛlɛbɛlɛ yi kɛla mɔɔ josokun ne lɔ Nii Sɛnɛyanin sabu la, seliya sɛvɛko tɛ. Mɔɔ suu wo tɛ matɔɔli sɔlɔnna adamadennu bolo, mafɔ Ala.

1 Kolɛntikalu 4:5

Wo le y'a ma, ài kà ài lateleja ka mɔɔ ya kiti tɛɛ, ni a waate bɛlɛ ma se ba. Ài y'a to ten haan fɔɔ mɔ Tii yi na. Ko ko doonnin divi lɔ, ale le kɛtɔ wolu lankɛnɛmayala ka mɔɔ bɛ kɔnɔlɔkolu labɔ gbɛ la. Wo vɛ kɛla, mɔɔ kelenkelenna bɛ kɛtɔ matanuli sɔlɔnna Ala bolo.

2 Kolɛntikalu 10:18

Kamasɔlɔn mɔɔ min y'a jɛlɛ matɔɔla, wo tii tɛnala jatela, mafɔ mɔ Tii vɛ mɔɔ min matɔɔla.

2 Kolɛntikalu 5:9

Wo le y'a ma, ni mɔ ka to falikolo min nɔ o, ni mɔ ka taa mɔ Tii fɛlɔ o, m'i mɔ lɔjala maa ko yi diya mɔ Tii yɛ.

Filipikalu 1:23

Ǹ lɔgbɛnɛnin ko fila minu wotɛ. A do lɔɔ yi ǹ na ka bɔ dunuɲa ka taa Masa Tɔɔmasenin fɛlɔ, kamasɔlɔn wo le fisanin bubale!

1 Timote 3:13

Kamasɔlɔn mɔɔ minu vɛ aiya makoɲabɔ baale kɛla kobɛn, wolu kɛtɔ lɔya ɲuma sɔlɔnna ai jɛlɛ yɛ, ani lanaya bɛlɛ ka bɛn aiya limaniya ma Masa Tɔɔmasenin Isa ma.

2 Timote 2:12

Ni mɔ ka mɔ sawali, mɔ kɛtɔ masaya kɛla a fɛ fana. Ni do mɔ ka mɔ ban a lɔ, ale fana kɛtɔ a banna mɔ lɔ.

Hebululu 12:2

mɔ ɲa lɔnin vɛ Isa lɔ, maa limaniya jusiiba ni a dafaba yi min ne. Ka bɛn sawako wo ma min latɛɛnin tɛɛ a ma, a k'a gbaanko manɔ kɔlɔman ma, ka jɔ maloyako wo ma, a do siinin butu Ala ya masayasiifen bolokini fannɔ.

Ko Lankɛnɛmayanin 2:10

I kà siyan tɔlɔya ɲa min kɛtɔ i masɔlɔnna. A ye, Soitana y'ài dɔlu ladon bolo le ma kaso la, fɔsa ài lɔ yi suma, ani ài yi jangata masɔlɔn tele tan kɔlɔ. I yi to kankelentiiya lɔ hali ni a ka taa sii saya la. Wo vɛ kɛla, ǹ kɛtɔ niimaya jala dila i ma.

Ko Lankɛnɛmayanin 21:7

Ni mɔɔ min ka see sɔlɔn, wo tii kɛtɔ balayi wolu le sɔlɔnna ǹ na. Ǹ kɛtɔ kɛla a Tii le le, a do kɛtɔ kɛla ǹ den ne le.

Ko Lankɛnɛmayanin 3:21

Ni mɔɔ min ka see sɔlɔn, ǹ kɛtɔ wo tii lasiila ǹ dafɛ ǹa masayasiifen nɔ, iwo ǹ na see sɔlɔnna teme ka ǹ sii ǹ Fa dafɛ aa masayasiifen nɔ.

Ko Lankɛnɛmayanin 7:17

Kamasɔlɔn Saa Bolan min yi masayasiifen tɛmala lɔ, wo le kɛtɔ kɛla ai kunmafɛlɛnba le. A kɛtɔ taala ai le falakɔɔlu lɔ, niimaya ji yi bɔla minu lɔ, ado Ala gbu le kɛtɔ ai ɲaji bɛ tɛla.»