Matiyu 24:9 - Ala Ya Salatikan Kula Kitabu

⁹ «Wo timinnin kɔ, mɔɔlu kɛtɔ ài donna mɔɔlu bolo, fɔsa ai y'ài jangata k'ài faa. Ài gbeyatɔ dunuɲa siboloma bɛ yɛ ka bɛn ǹa ko ma.

Matiyu 24:9 ပူးပေါင်းရင်းမြစ်များ

Matiyu 22:6

A tɔlu vɛ masakɛ ya bɔidennu minala k'ai tɔlɔya bubale, ka ban k'ai faa.

Matiyu 23:34

Wo le y'a kɛla, ǹ'i kelalu lataala ài ma, ani hangilimalu, ani seliya kalanmɔɔlu. Ài kɛtɔ a dɔlu gbaanna kɔlɔman ma k'ai faa, k'a dɔlu gbasi gbusan na àiya Aladalibonnu la, ani k'ai jangata so ni solu la.

Luka 11:49

Wo le n'a kɛla, Ala n'a fɔla aa hangilimaya lɔ, a vɛɛ: ‹Ǹ kɛtɔ kela ni keladennu lataala ai ma. Ai do kɛtɔ a dɔlu faala k'a dɔlu jangata.›

Luka 21:12

«Kɛɛ jani ko wo bɛ yi kɛ, mɔɔlu kɛtɔ ài minala k'ài jangata, ani k'ài don Aladalibon ɲamɔɔlu bolo, ani k'ài bila kaso la. Ài do lalɔtɔ jamanatiilu ni masakɛlu ɲakɔlɔ ka bɛn ǹa ko ma.

Yohana 15:18

«Ni ài ka gbeya dunuɲa yɛ, ài y'a lɔn ko ǹe le gbeyanin a yɛ kunfɔlɔ le.

Yohana 15:21

Kɛɛ ai kɛtɔ ko wolu bɛ kɛla ài la ka bɛn ǹa ko le ma, kamasɔlɔn ai ma ǹ kelaba lɔn.

Yohana 16:2

Ai kɛtɔ ài gbɛnna k'ài labɔ Aladalibonnu la. Ado lon dɔ sentɔ, ài faabalu kɛtɔ ai milila ko ai yi Ala ya baale le la wo le.

Kɛkolu 28:22

Kɛɛ m'a fɛ k'ile gbu lamɛn k'i miliya lɔn, kamasɔlɔn mɔ k'a lɔn i yi diina kula siya min kɔkan, mɔɔlu yi wo tɔɔ yon ne fɔla fan bɛ lɔ.»

Kɛkolu 7:59

Ai tɛɛ Etiyɛn mabonna kawakulunnu la waate min nɔ, a ka madaili kɛ, a vɛɛ: «Ǹ Tii Isa, i bolo sii ǹ nii kɔlɔ!»

1 Piyɛli 4:16

Kɛɛ ni ài dɔ ka tɔlɔya masɔlɔn kamasɔlɔn Masa Tɔɔmasenin kɔbiladen ne a le, wo tii kà maloya wo lɔ, mafɔ ka Ala tanu ka bɛn tɔɔ wo ma.

Ko Lankɛnɛmayanin 2:10

I kà siyan tɔlɔya ɲa min kɛtɔ i masɔlɔnna. A ye, Soitana y'ài dɔlu ladon bolo le ma kaso la, fɔsa ài lɔ yi suma, ani ài yi jangata masɔlɔn tele tan kɔlɔ. I yi to kankelentiiya lɔ hali ni a ka taa sii saya la. Wo vɛ kɛla, ǹ kɛtɔ niimaya jala dila i ma.

Ko Lankɛnɛmayanin 2:13

« ‹Ǹ k'a lɔn ko i siinin tɛɛminja, Soitana ya masayasiifen yi woja le. Wo bɛ n'a kɛ, i bolo kɛnin ǹ tɔɔ la kpekpe. Hali ai na ǹa sele lanande Andipasi faala waate min nɔ ài fɛlɔ min taanin kɛla Soitana makɛya le, i m'i ban limaniyala m̀ ma.

Ko Lankɛnɛmayanin 7:14

Ǹ k'a javi, ǹ ko: «Ǹ fa, ile le ka wo lɔn.» A do vɛɛ ǹ yɛ wo lɔ: «Mɔɔ minu bɔnin jangata ba kɔlɔ, wolu le ne. Ai vɛ aiya pipɔlu ko k'ai gbɛ Saa Bolan jeli le.