Matiyu 24:4 - Ala Ya Salatikan Kula Kitabu

⁴ Isa k'ai javi, a vɛɛ: «Ài y'ài jando ài jɛlɛ lɔ fɔsa mɔɔ suu suu kana ài lafili.

Matiyu 24:4 ပူးပေါင်းရင်းမြစ်များ

Malɛkɛ 13:22

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ni kawanankolu kɛla, fɔsa Ala ya mɔɔ taninnu la yi fili, ni wo ka se kɛla.

Luka 21:8

A vɛɛ ai yɛ: «Ài y'ài jando ài jɛlɛ lɔ fɔsa mɔɔ kana ài lafili. Kamasɔlɔn mɔɔ siyama kɛtɔ nala ǹ tɔɔ lɔ k'a fɔ ko: ‹Ǹe le Masa Tɔɔmasenin ne!› ani ko: ‹Dunuɲa laban waate ma vɛ sulunya!› Ài kà bila wo suu suu kɔ.

Galatiyakalu 6:3

Ni mɔɔ min k'a jɛlɛ ye mɔɔba le k'a talan a tɛ foi le, wo tii y'a jɛlɛ le manɛɛla.

Ɛfɛsikalu 4:14

Wo ma, mɔ tɛnala kɛla dennilu le butu, kɔɔ kilinkilin yi minu lamaamaala, ani fɔɲɛ yi minu lafilinfilinna ka bɛn mɔɔ jateeyaninnu ya lafilikolu ma ani aiya faɲafɔ kalan kaijakaijalu.

Ɛfɛsikalu 5:6

Ài kà diɲa mɔɔ mɔɔ y'ài lafili kuma kolonnu le, kamasɔlɔn ko suu wolu le y'a kɛla, Ala ya mɔnɛya yi nala a kumakan labatobalilu kanma.

Kɔlɔsikalu 2:18

Ài kà diɲa mɔɔ suu suu y'ài jobaliya, minu yi faɲafɔ fanmajii kɛla ani ka mɛlɛkalu bato. Mɔɔ wolu yi ko siyama le ɲafɔla, ai vɛɛ ko Ala le na wolu lajɛlɛla ai ɲa ma, k'ai fannɔbuɲa fuun ka bɛn aiya adamadenya miliya ma dein.

Kɔlɔsikalu 2:8

Ài y'ài jando ài jɛlɛ lɔ alako mɔɔ suu suu kana ài kun mina a jɛlɛkanu ya hangilimaya le, k'ài lafili faɲafɔkolu le, minu jusiinin adamadennu ya laanalu kɔkan, ani dunuɲa fangatii yenbalilu, minu tɛ Masa Tɔɔmasenin ta le feu.

2 Tɛsalonikakalu 2:3

Ài kà diɲa mɔɔ foi y'ài manɛɛ boloɲa suu suu ma, kamasɔlɔn wo lon tɛnala sena haan fɔɔ mɔɔ siyama vɛ mulutula Ala kanma bene, ani seliya tiɲaba la vɛ nkɛnɛmayala, min kɛtɔ halakila Ala bolo.

1 Yohana 4:1

Ǹ diyananmɔɔlu, ài kà la mɔɔ bɛ la minu y'a fɔla ko Ala Nii y'ai fɛ, kɛɛ ài y'ai lakɔlɔsi bene k'a lɔn ni Ala Nii le y'ai fɛ, kamasɔlɔn faɲafɔ kelalu vɛ siyaya dunuɲa.