Matiyu 24:36 - Ala Ya Salatikan Kula Kitabu

³⁶ «Ko minu kɛtɔ lon min na ani waate min nɔ, mɔɔ suu suu ma wo lɔn, hali mɛlɛkalu gbu minu yi haijɛnɛ. Hali Denkɛ gbu m'a lɔn, mafɔ mɔ Fa Ala kelenpesa.

Matiyu 24:36 ပူးပေါင်းရင်းမြစ်များ

Matiyu 24:42

Wo le y'a kɛla, fɔ ài yi to ài ɲana, kamasɔlɔn ài Tii natɔ lon min na, ài m'a lɔn.

Matiyu 24:44

Wo lɔ, àilu fana lɔbɛnnin yi to, kamasɔlɔn Mɔɔnivin Tanin natɔ waate dɔ lɔ, ài jii tɛ waate min ma.

Matiyu 25:13

Isa ka ban sana lala k'a fɔ ai yɛ, a vɛɛ: «Ài yi to ài ɲana, kamasɔlɔn ài Tii natɔ lon min na, ani waate min nɔ, ài ma wo lɔn.

Malɛkɛ 13:32

«Ko minu kɛtɔ lon min na ani waate min nɔ, mɔɔ suu suu ma wo lɔn, hali mɛlɛkalu gbu minu yi haijɛnɛ. Hali Denkɛ gbu m'a lɔn, mafɔ mɔ Fa Ala kelenpesa.

Kɛkolu 1:7

A k'ai javi, a vɛɛ: «Àiya ko tɛ wo le, k'a fɔ ài yi waate ni lon wolu lɔn, minu latɛɛnin ǹ Fa ya seetiiya lɔ.

1 Tɛsalonikakalu 5:2

Kamasɔlɔn àilu gbu k'a lɔn ne mɔ Tii nalon kɛtɔle iwo son yi nala teme su lɔ.

2 Piyɛli 3:10

Wo bɛ n'a kɛ, mɔ Tii nalon kɛtɔ balala mɔɔlu lɔ iwo son. Wo lon na, sangbolo ni a kɔnɔlɔfen bɛ kɛtɔ tununna mangan ba le. Sangbolo kɔnɔlɔfen bɛ kɛtɔ jelenna taa bolo, ani dunuɲa ni a kɔnɔlɔkolu bɛ la kɛtɔ nkɛnɛmayala.

Ko Lankɛnɛmayanin 16:15

Mɔ Tii vɛɛ: «Ài y'a ye, ǹ kɛtɔ nala ka bala mɔɔlu lɔ iwo son. Ni mɔɔ min ka to a ɲana, k'a bolo kɛ aa faanilu la, fɔsa a kana taama a falimakolon ne maloya boloma, wo tii yi duwawuden ne le.»

Ko Lankɛnɛmayanin 3:3

Wo le y'a ma, i na ko minu kalanna ani k'ai mɛn, i i hangili to wolu lɔ. I i bolo kɛ ko wolu la k'i dajoo mafalin. Ni i do ma kunun, ǹ kɛtɔ balala i lɔ iwo son, ado i tɛnala a lɔnna ǹ natɔ i kanma waate min.