Matiyu 24:29 - Ala Ya Salatikan Kula Kitabu

²⁹ «Wo waate tɔlɔya vɛ timinna feeya, tele fintɔ, ani kalo tɛnala gbɛla butu. Lolonilu benbentɔ ka bɔ sangbolo lɔ, ado sangbololɔ fangatiilu lamaamaatɔ.

Matiyu 24:29 ပူးပေါင်းရင်းမြစ်များ

Matiyu 24:21

Kamasɔlɔn wo waate tɔlɔya gbeleyatɔle bubale. Wo ɲɔɔzii ma kɛ ba bene ka ta dunuɲa dan waate ma haan fɔɔ ka na sii bi la, ado tɔlɔya wo ɲɔɔzii tɛnala kɛla butu tuun.

Matiyu 24:8

Wo bɛ kɛtɔ tɔlɔya damina le le, iwo tinkɔnɔdimin.

2 Piyɛli 3:10

Wo bɛ n'a kɛ, mɔ Tii nalon kɛtɔ balala mɔɔlu lɔ iwo son. Wo lon na, sangbolo ni a kɔnɔlɔfen bɛ kɛtɔ tununna mangan ba le. Sangbolo kɔnɔlɔfen bɛ kɛtɔ jelenna taa bolo, ani dunuɲa ni a kɔnɔlɔkolu bɛ la kɛtɔ nkɛnɛmayala.

Ko Lankɛnɛmayanin 8:12

Mɛlɛka naanina ka a ta buulu fɛ mingɛ, tele lɔtala sawana lɔsii, ni kalo lɔtala sawana lɔsii, ani lolonilu lɔtala sawana lɔsii ka bila divi lɔ, alako tele kana mɛnɛn a waate bɛlɛbɛlɛ lɔtala sawana lɔsii lɔ, ani kalo ni lolonilu kana mɛnɛn ai waate bɛlɛbɛlɛ lɔtala sawana lɔsii lɔ.