Matiyu 24:21 - Ala Ya Salatikan Kula Kitabu

²¹ Kamasɔlɔn wo waate tɔlɔya gbeleyatɔle bubale. Wo ɲɔɔzii ma kɛ ba bene ka ta dunuɲa dan waate ma haan fɔɔ ka na sii bi la, ado tɔlɔya wo ɲɔɔzii tɛnala kɛla butu tuun.

Matiyu 24:21 ပူးပေါင်းရင်းမြစ်များ

Matiyu 24:20

Ài yi Ala dali ko àiya bɔli waate kana bɛn nɛnɛbɔ waate ma, niwotɛ Nɔningɛlon.

Matiyu 24:29

«Wo waate tɔlɔya vɛ timinna feeya, tele fintɔ, ani kalo tɛnala gbɛla butu. Lolonilu benbentɔ ka bɔ sangbolo lɔ, ado sangbololɔ fangatiilu lamaamaatɔ.

Malɛkɛ 13:9

«Ài y'ài jando ài jɛlɛ lɔ ka bɛn mɔɔlu ma, kamasɔlɔn ai kɛtɔ taala ài le kititɛɛbonnu la, ani k'ài gbasi gbusan na Aladalibonnu la, ani k'ài lalɔ jamanatiilu ni masakɛlu ɲakɔlɔ ka bɛn ǹa ko ma. Àilu gbu le kɛtɔ ǹe masele le wo lɔ, ka ǹa ko fɔ wolu yɛ.

Luka 21:24

Ai dɔlu faatɔ siyamifan ne, ani a dɔlu fana minatɔ jɔnya boloma ka taa ai le jamana bɛ lɔ. Wo vɛ kɛla, Jelusalɛmu lɔ kɛtɔ tiɲala siboloma gbɛlɛ Alalɔnbalilu bolo haan fɔɔ aiya waate vɛ dafala.

1 Tɛsalonikakalu 2:16

kamasɔlɔn ài y'ai lɔjala ka mɔ dansii fɔsa mɔ kana kisiko lase siboloma gbɛlɛ mɔɔlu ma. Wo boloɲa ma, ai y'a dɔ le lala aiya julumbulu kɔkan kudein haan fɔɔ a da yi fa. Kɛɛ a laban nɔ, Ala ya mɔnɛya vɛ ben ai kɔkan.

Ko Lankɛnɛmayanin 16:18

Wo fɔ, san vɛ ɲaaɲaala, ado sanfɛlɛkan ni sankulukan vɛ bɔla. Duukolo do ka jaajaa fanga la bubale. Ka ta adamadennu ladan waate ma duukolo kɔkan, wo ɲɔɔzii tɛɛ ma kɛ ba bene feu.

Ko Lankɛnɛmayanin 7:14

Ǹ k'a javi, ǹ ko: «Ǹ fa, ile le ka wo lɔn.» A do vɛɛ ǹ yɛ wo lɔ: «Mɔɔ minu bɔnin jangata ba kɔlɔ, wolu le ne. Ai vɛ aiya pipɔlu ko k'ai gbɛ Saa Bolan jeli le.