Matiyu 23:15 - Ala Ya Salatikan Kula Kitabu

¹⁵ «Gbalo yi ài yɛ, seliya kalanmɔɔlu ni Falisilu! Àilu filangafolu! Kamasɔlɔn ài yi taala duukolo fan bɛ lɔ ka kɔɔji tɛɛ, fɔsa mɔɔ kelen yi tube ka don àiya diina lɔ. Kɛɛ ài v'a latubela, ài y'a kɛla jahanamaden ne le ka timin àilu gbu la.

Matiyu 23:15 ပူးပေါင်းရင်းမြစ်များ

Matiyu 23:13

«Gbalo yi ài yɛ, seliya kalanmɔɔlu ni Falisilu! Àilu filangafolu! Kamasɔlɔn ài yi haijɛnɛ masaya datuunna mɔɔlu ɲa. Àilu gbu tɛ donna haijɛnɛ masaya lɔ, ado mɔɔ minu a fɛ ka don a lɔ, ài yi wolu dansiila fɔsa ai kana don a lɔ.

Matiyu 3:7

Yaya ka Falisi ni Sadusi siyama ye nala mingɛ a fɛlɔ ai makoko lɔ, a k'a fɔ ai yɛ, a vɛɛ: «Àilu fɔnfɔnnidennu! Jene n'ài lalila ko ài yi bɔli ka bɔ Ala ya mɔnɛya natɔ kɔlɔ?

Matiyu 5:22

Kɛɛ ǹ'a fɔ ài yɛ, mɔɔ min vɛ mɔnɛla a badenma ma, kiti bilatɔ wo tii la. Ni do mɔɔ min v'a badenma dɔɔyala, ai yi taa wo tii le kititɛɛbalu ɲakɔlɔ. Ni do mɔɔ min v'a fɔla a badenma ma ko ‹mɔɔ kolon›, wo la yi fili jahanama taa lɔ.

Matiyu 5:29

Wo lɔ saa, ni i bolokini ɲaden k'i lɔ hakɛ tala, i y'a bɔ a lɔ k'a lafili, kamasɔlɔn i bɔnɔko i falikolo fan kelen na, wo le fisayanin i ma jani i falikolo dafanin la yi fili jahanama.

Yohana 8:44

Àilu y'ài fa Soitana ta le le, a do lɔɔ y'ài la k'ai fa ladiyanankolu le kɛ. Ka ta dunuɲa damina ma, mɔɔfaaba le a le, min m'a bolo sii tuɲandeya kɔlɔ, kamasɔlɔn hali tuɲa den kelen gbu t'a lɔ. A vɛ kɛla faɲa fɔla, wo y'a jɛlɛkanu dajoo le le, kamasɔlɔn faɲafɔba le a le ani faɲafɔbalu fa.

Kɛkolu 13:10

k'a fɔ a yɛ, a vɛɛ: «Ile Soitana den, ile min joso lafanin namala ni koyon suu bɛ la, ile kotelennin lɔtiɲaba, i tɛnala i nɔningɛla mɔ Tii ya siya telenninu lɔkulukulula?

Kɛkolu 13:43

Ladɛn ban kɔ, ai siyama ka bila Pɔli ni Baanabasi kɔ, Jahudiyalu ni Alaɲasiyanɲɛmɔɔ minu tɛɛ vɛ don Jahudiyalu ya diina lɔ. Pɔli ni Baanabasi ka kuma ai yɛ k'ai sɛmɛdon, ko ai yi to Ala ya nɛɛma siya kɔkan kudein.

Kɛkolu 14:19

Ai ka to je, Jahudiya dɔlu ka na ka bɔ Antiyɔsi ni Ikoniyɔmu solu la ka jama kunnɔtɛɛ haan fɔɔ ai vɛ Pɔli bonna kawakulun na. Ai do k'a fɔnfɔn so kɔɔkan, kamasɔlɔn a tɛɛ ai kɔnɔ ko a vɛ sa.

Kɛkolu 14:2

Kɛɛ Jahudiya minu k'i ban limaniya la, wolu ka siboloma gbɛlɛ mɔɔlu lɔsun limaniyamɔɔlu kanma.

Kɛkolu 17:13

Kɛɛ Tɛsalonika Jahudiyalu k'a mɛn mingɛ ko Pɔli yi Ala kumakan lasena Beleya, ai vɛ taala je ka jama lɔsun ka mangan lawuli.

Kɛkolu 2:10

ni Filigiyakalu ni Panfilikalu ni Misilankalu ni Libiyakalu ka bɔ Silɛni fan nɔ. Ado lonalu yi jama min nɔ ka bɔ Lɔmu so kɔnɔ,

Kɛkolu 6:5

Ai ka jatesiili min kɛ, wo ka diya jama bɛ yɛ. Wo lɔ, ai ka Etiyɛn ta, min ya limaniya walanin tɛɛ kosɛvɛ, a do joso lafanin tɛɛ Nii Sɛnɛyanin la. Ai ka Filipe fana ta, ani Polokolu, Nikanɔ, Timon, Palimɛnasi, ani Nikola ka bɔ Antiyɔsi min tɛɛ vɛ don Jahudiyalu ya diina lɔ.

Galatiyakalu 4:17

Faɲafɔ kalanmɔɔ wolu fasanin ài ma, k'a talan ài nafako tɛ wo le. Ai y'a fɛ le dein k'ài mataa ǹ na, fɔsa ài yi fasa ai ma.

Galatiyakalu 6:12

Mɔɔ minu yi buɲali ɲininna mɔɔlu bolo, wolu y'a fɛ ka diyanigbeya la ài kɔkan kɛnɛkɛko lɔ. Ai do yi wo la dein fɔsa ai kana jangata masɔlɔn ka bɛn Masa Tɔɔmasenin gbaankɔlɔman ma.

Ɛfɛsikalu 2:3

Tuɲa le, mɔ bɛ tɛɛ taamana siya kelen wo le kɔkan kɔlɔman ne, mɔ vɛ kolu kɛla ka bɛn mɔ falikolo niikanukolu ma. Ko min lɔɔ tɛɛ vɛ kɛla mɔ falikolo ni mɔ miliya la, mɔ tɛɛ wo le kɛla. Ka bɛn mɔ dajoo minu ma, mɔ tɛɛ vɛ don Ala ya mɔnɛya kɔlɔ, iwo adamaden tɔlu.