Matiyu 23:13 - Ala Ya Salatikan Kula Kitabu

¹³ «Gbalo yi ài yɛ, seliya kalanmɔɔlu ni Falisilu! Àilu filangafolu! Kamasɔlɔn ài yi haijɛnɛ masaya datuunna mɔɔlu ɲa. Àilu gbu tɛ donna haijɛnɛ masaya lɔ, ado mɔɔ minu a fɛ ka don a lɔ, ài yi wolu dansiila fɔsa ai kana don a lɔ.

Matiyu 23:13 ပူးပေါင်းရင်းမြစ်များ

Matiyu 23:16

«Gbalo yi ài yɛ, àilu ɲagbɛlu minu y'ài jɛlɛ kɛla ɲabila le. Ài vɛɛ ko ni mɔɔ dɔ k'a kalin lɔhɔlɔmabonba la, ko kalinni bɛlɛbɛlɛ tɛ wo le. Kɛɛ ni mɔɔ dɔ k'a kalin lɔhɔlɔmabonba kɔnɔ sanu la, ài vɛɛ ko wo tii ka kan k'a kalinnikan mafa.

Matiyu 23:23

«Gbalo yi ài yɛ, seliya kalanmɔɔlu ni Falisilu! Àilu filangafolu! Ài àiya nanai ni àiya gbelelɔfen mɛsɛnmɛsɛnnin tɔ bɛ jaa bɔla, ka Ala ya seliyako kulugbɛlɛnnu to je: telenmandeya ni henandeya ani kankelentiiya. Ài tɛɛ ka kan ka seliya wolu mafa kunfɔlɔ le, k'a tɔ la wolu kɔkan.

Matiyu 23:25

«Gbalo yi ài yɛ, seliya kalanmɔɔlu ni Falisilu! Àilu filangafolu! Ài yi jiyafɛ ni tasa kɔkala makola kobɛn. Kɛɛ wolu kɔnɔlɔ fanin fen minu la, ài na wolu sɔlɔnna tɔɲɔli ni natabaya le lɔ.

Matiyu 23:27

«Gbalo yi ài yɛ, seliya kalanmɔɔlu ni Falisilu! Àilu filangafolu! Ài kɛyine iwo kabulu minu kɔkala gbɛnin keinya le, k'a talan ai kɔnɔlɔ fanin mɔɔ kolo ni fen kɔsɔnin suu bɛ dɔ la.

Matiyu 23:29

«Gbalo yi ài yɛ, seliya kalanmɔɔlu ni Falisilu! Àilu filangafolu! Ài yi kelalu kabulu lɔla, ani Ala ya mɔɔ telennin minu sanin, ài yi wolu sudoonyalu masilila ka lakeinya.

Matiyu 3:7

Yaya ka Falisi ni Sadusi siyama ye nala mingɛ a fɛlɔ ai makoko lɔ, a k'a fɔ ai yɛ, a vɛɛ: «Àilu fɔnfɔnnidennu! Jene n'ài lalila ko ài yi bɔli ka bɔ Ala ya mɔnɛya natɔ kɔlɔ?

Luka 11:52

Gbalo yi àilu seliya kalanmɔɔlu yɛ! Kamasɔlɔn ài vɛ lɔnni koɲii ta k'a bila ài kun. Àilu gbu tɛ donna a lɔ, ài do yi je donbalu dansiila ai donko lɔ.»

Yohana 9:22

A sɔlɔnbalu na wo fɔla kamasɔlɔn ai tɛɛ siyanna Jahudiya kuntiilu ɲa, kamasɔlɔn wolu tɛɛ vɛ bɛn a ma ko ni mɔɔ mɔɔ k'i lɔ a la k'a fɔ ko Isa le Masa Tɔɔmasenin ne, ai kɛtɔ wo tii gbɛnna Aladalibon na.

Yohana 9:24

Kɛ́ min sɔlɔnnin tɛɛ ɲagbɛtɔya lɔ, Falisilu k'a kili a siɲa filana lɔ k'a fɔ a yɛ, ai vɛɛ: «Magbiliyali di Ala ma! Mɔ k'a lɔn ne ko kɛ́ wo yi julumbutɔ le le.»

Yohana 9:34

Falisilu vɛɛ a yɛ: «Ile min yi julumbutɔ ba le ka damina i sɔlɔn waate ma, ile le y'a fɛ ka mɔ kalan yi ne?» Ai do ka a gbɛn Aladalibon na.

Kɛkolu 13:8

Kɛɛ wɔimakɛ Baajasuwa, ai tɛɛ a fɔla min ma Gɛlɛkikan nɔ ko Elimasi, wo vɛ Baanabasi ni Sawuli sɔsɔla fɔsa jamanatii la yi fili, wo kana limaniya.

Kɛkolu 5:28

«Mɔ n'ài dansiila ko ài kà kalan kɛ Isa tɔɔ lɔ. Kɛɛ wo bɛ n'a kɛ, ài vɛ àiya kalan lase Jelusalɛmu fan bɛ lɔ, ani ài y'a fɛ ka kɛ́ wo faa hakɛ bila mɔ kɔ!»

Kɛkolu 5:40

Ai ka keladennu kili k'ai gbasi gbusan na, k'ai dansii ai kumako lɔ Isa tɔɔ lɔ, ka ban k'ai bila.

Kɛkolu 8:1

Ado Sawuli ka diɲa Etiyɛn faako ma. Wo lon kelen na, jangata ba k'i wuli limaniyajama kanma Jelusalɛmu so kɔnɔ. Wo lɔ, ai bɛ ka jɛzɛn Jude ni Samaliya koovilu fan bɛ lɔ. Keladennu le ma bɔ Jelusalɛmu dein.

2 Timote 3:8

Iwo Janɛsi ni Jambɛlɛsi k'ai lɔ Nabi Musa ɲa teme kɔlɔkɔlɔ le, kɛ́ minu lɔnin tuɲandeya kanma ten ne. Ai do hangili magbasiyine k'ai fo limaniya la.

2 Timote 4:15

Ile gbu i jando i jɛlɛ lɔ aa ko lɔ, kamasɔlɔn a n'i wulila mɔ kumakannu kanma kojuuya.