Matiyu 21:43 - Ala Ya Salatikan Kula Kitabu

⁴³ «Wo lɔ saa, ǹ'a fɔ ài yɛ, Ala kɛtɔ ài fɛ bɔla aa masaya la, k'a di mɔɔ gbɛlɛlu ma minu kɛtɔ a lasawatila.

Matiyu 21:43 ပူးပေါင်းရင်းမြစ်များ

Matiyu 12:28

Kɛɛ ni a ka talan ǹ'i jinalu gbɛnna mɔɔlu lɔ Ala Nii Sɛnɛyanin ya seetiiya le lɔ, wo vɛ kɛla, Ala ya masaya vɛ ban sena ài tɛma.

Matiyu 21:41

Ai do ka Isa javi, ai vɛɛ: «A kɛtɔ mɔɔ kolon wolu halakila henabaliya boloma. Wo vɛ kɛla, a kɛtɔ gbele kalifala mɔɔ gbɛlɛlu la, minu kɛtɔ a ta nii dila a ma a waate bɛlɛ lɔ.»

Matiyu 21:42

Isa vɛɛ ai yɛ: «Jalasa ài ma kitabu dingila min kalan ba? Ko: ‹Bonlɔbalu n'ai banna kawakulun min nɔ, wo le kɛnin bon tongun kawakulun ne. Mɔ Tii le na wo kɛla, wo kɛnin mɔ ɲana kawananko le le.›

Matiyu 21:44

[Ni mɔɔ min do k'i ben kawakulun wo kɔkan, wo tii lɔkalitɔle. Ni do kawakulun wo k'i ben mɔɔ mɔɔ kɔkan, wo tii lɔgbɛnɛngɛtɔle.]»

Yohana 3:3

Isa k'a javi, a vɛɛ: «Ǹ'i tuɲa fɔ i yɛ, ni mɔɔ min ma sɔlɔn kula kɛ, wo tii tɛ se Ala ya masaya yena.»

Yohana 3:5

Isa k'a javi, a vɛɛ: «Ǹ'i tuɲa fɔ i yɛ, ni mɔɔ ma sɔlɔn kula kɛ ji ni Nii Sɛnɛyanin sabu la, a tɛ se donna Ala ya masaya lɔ.

1 Kolɛntikalu 13:2

Hali ni ǹ ka kelayakɛ see sɔlɔn ka gbonoko bɛ ɲaye ani ka lɔnni bɛ sɔlɔn, hali ni ǹa limaniya ka wala haan fɔɔ ka ǹ se tinilu bɔla ai nɔlu lɔ, ni kanundeya ma kɛ ǹ josokun nɔ, ǹ tɛ foi le.

1 Piyɛli 2:9

Kɛɛ àilu do yi bɔzɔn ne le min tanin mɔɔlu tɛma, ani Masaba ya salakalasebalu, ani siboloma min bilanin a ta fan Ala yɛ, ani a jɛlɛkanu mɔɔ kulugbɛlɛnnu, fɔsa ài yi kɛ a kɛko ɲuma balu lasena, ale min n'ài kilila k'ài labɔ divi lɔ k'ài ladon aa kɛnɛya makawanin nɔ.