Matiyu 21:22 - Ala Ya Salatikan Kula Kitabu

²² Ni ài ka ko ko dali Ala la limaniya boloma, ài yi wo sɔlɔnne.»

Matiyu 21:22 ပူးပေါင်းရင်းမြစ်များ

Matiyu 18:19

«Ǹ'a fɔ ài yɛ fana, ni ài lɔ mɔɔ fila ka bɛn ko ko si ma ka Ala dali a la duukolo kɔkan, wo yi kɛle ài yɛ ǹ Fa Ala bolo min yi haijɛnɛ.

Matiyu 7:11

Àilu ni àiya sɔn kɛwonya bɛ, ni ài k'a lɔn ài ka kan k'ài dennu sɔ fen ɲuma minu la, a lagbɛyine feu ko ài Fa min yi haijɛnɛ, wo y'a dailibalu sɔla fen ɲumalu le la!

Matiyu 7:7

«Ài yi daili kɛ, ài do y'a sɔlɔnne. Ài y'a ɲinin, ài do y'a yene. Ài yi da makɔnkɔn, da do la yi kale ài yɛ.

Malɛkɛ 11:24

Ǹ'a fɔla ài yɛ wo le lɔ, ài vɛ Ala dalila min na, ài yi limaniya ko ài vɛ ban wo sɔlɔnna, wo do yi kɛle ài yɛ.

Yohana 14:13

Wo lɔ, ài vɛ ko ko madalila ǹ tɔɔ lɔ, ǹ'i wo kɛle ài yɛ, fɔsa ǹ Fa yi magbiliyali sɔlɔn a Denkɛ fɛ.

Yohana 15:7

Ni ài kafonnin ka to ǹ kan, ani ǹ kumakannu ka sawati ài josokun nɔ bɛlɛbɛlɛ kɛ, ài vɛ ko ko si dalila, wo yi kɛle ài yɛ.

Yohana 16:24

Hali bi, ài ma ko ko si dali ba ǹ tɔɔ lɔ. Ài y'a dali, ài do y'a sɔlɔnne, fɔsa àiya kɔnɔlɔdiya da yi fa.»

Janguba 5:16

Wo lɔ saa, ài y'ài dalabɔ àiya julumbulu la i ɲɔɔ ɲakɔlɔ, ani ka Ala dali i ɲɔɔ yɛ, fɔsa ài yi kɛnɛya sɔlɔn. Fanga ba le yi telenmande ya Aladali la, a do yi ko ɲiala kosɛvɛ.

1 Yohana 3:22

Ado mɔ v'a dalila ko ko la, m'i wo sɔlɔnne, kamasɔlɔn m'aa jamalilu labatola k'a diyanankolu kɛ.