Matiyu 21:19 - Ala Ya Salatikan Kula Kitabu

¹⁹ A ka toloju dɔ ye mingɛ siya dala, a k'i madon a la, kɛɛ a ma a den ye a la, mafɔ filabulu gbaanzan. Wo kɛ, a k'a fɔ toloju yɛ, a vɛɛ: «Ile t'i den butu tuun!» Ado toloju ka ja telemanin.

Matiyu 21:19 ပူးပေါင်းရင်းမြစ်များ

Matiyu 21:20

A kɔbiladennu ka wo ye mingɛ, ai ka kawakoya, ai vɛɛ: «Ɛɛ! Mindɛ le na toloju jala telemanin?»

Malɛkɛ 11:14

Wo kɛ, Isa k'a fɔ toloju yɛ, a vɛɛ: «Ile t'i den butu tuun!» A kɔbiladennu do ka kuma wo mɛn.

Malɛkɛ 11:20

Kɛnɛ bɔnin, Isa nu timintɔla, ai ka toloju wo ye, k'a talan a tɛɛ vɛ ja kpan, haan fɔɔ ka se a lilennu ma.

Luka 3:9

Tandainɔ, tɛɛlan lɔ vɛ bɛn kɔlɔman tɛɛko lɔ. Kɔlɔman minu tɛ ai den kein kɛla, wolu bɛ yi tɛɛle k'ai lafili taa la.»

Yohana 15:2

Ni m̀ bolo min tɛ a dɛnna, ǹ Fa yi wo tɛɛle a la k'a lafili. Kɛɛ do, ni m̀ bolo min vɛ kɛla a denna, a yi wo kun latɛɛle, fɔsa a a den siyama kɛ ka timin a kunfɔlɔ ta la.

Yohana 15:6

Ni mɔɔ min kafonnin ma to ǹ kan, wo tii kɛyine iwo jili bolo tɛɛnin, min la yi filila, a yi ja. Jili bolo suu wolu la yi dɛnna k'ai ɲɛnin taa la.

2 Timote 3:5

Ai do kɛtɔ ai jɛlɛ kɛla mɔɔlu ɲana iwo Alaɲasiyanɲɛmɔɔ, k'a talan ai v'i ban Ala fanga lɔ. I i majaan mɔɔ kaija wolu la feu.

Tite 1:16

Ai y'a fɔla ko ai ka Ala lɔn, kɛɛ ai kɛkolu y'ai jobaliyala ka bɛn wo ma. Mɔɔ magbeyanin ne ài le, ani kolobali, minu tɛ se koɲuma suu suu kɛla.

Jude 1:12

Ài vɛ ài ladɛnna badenmaya boloma feetikɛko lɔ, mɔɔ wolu yi nala tiɲali le le ài tɛma, ai vɛ tolon kɛla ài fɛ malobaliya boloma. Saakunnasiiba le ai le minu gbalanin ai jɛlɛkanu ko le dein, ka saalu to je. Ai do kɛyine iwo sanbiliya minu yi taala fɔɲɛ fɛ, sanji tɛ minu lɔ. Ai kɛyine kɔtunun iwo kɔlɔman minu tɛ ai denna hali ai den waate ka kɛ, ani kɔlɔman minu ju bɔnnin duu lɔ ka sa feu.

Ko Lankɛnɛmayanin 22:11

Koyonkɛba yi taa a ɲa le aa koyonnu ma. Jɛlɛlakɔsɔmɔɔ yi taa a ɲa le aa kolakɔsɔninnu ma. Telenmande do yi taa a ɲa le aa telenmandeya ma, ani mɔɔ sɛnɛyanin yi taa a ɲa le aa sɛnɛya ma.»