Matiyu 21:15 - Ala Ya Salatikan Kula Kitabu

¹⁵ Salakalase kuntiibalu ni seliya kalanmɔɔlu ka Isa ya kawananko kɛninnu ye, ani denni minu tɛɛ ai kan labɔla lɔhɔlɔmabonba luu ma, ai vɛɛ: «Tanuli yi Dawuda Bɔzɔn yɛ!» Wo do k'ai josolakuna.

Matiyu 21:15 ပူးပေါင်းရင်းမြစ်များ

Matiyu 20:24

Keladen tɔ tan ka ko wo mɛn mingɛ, ai ka mɔnɛ badenma fila wolu ma.

Matiyu 21:23

Isa ka don mingɛ lɔhɔlɔmabonba luu kɔnɔ ka mɔɔlu kalan damina, salakalase kuntiibalu ni kɛmɔbalu ka na a ma. Ai do vɛɛ a yɛ: «I yi ko minu kɛla yi ne, jene n'i lɔla wo la? Jene na seetiiya wo dila i ma?»

Matiyu 21:9

Jama tɛɛ Isa ɲafɛ ani a kɔfɛ, ai vɛ ai kan labɔla, ai vɛɛ: «Tanuli yi Dawuda Bɔzɔn yɛ! Duwawu yi wo le yɛ min yi nala mɔ Tii tɔɔ lɔ! Tanuli yi kɛ haijɛnɛ dingila kɔlɔtanin nɔ!»

Matiyu 22:42

a vɛɛ: «Ài miliya yi di ka bɛn Masa Tɔɔmasenin ya ko ma? Jene bɔzɔn y'a le?» Ai ka Isa javi, ai vɛɛ: «Dawuda bɔzɔn ne.»

Matiyu 26:3

Wo waate, salakalase kuntiibalu ni kɛmɔbalu ka taa ladɛnkɛya lɔ Kayife ya bonba la, min tɛɛ salakalasebalu ya kuntiiba le.

Matiyu 26:59

Wo waate kelen nɔ, salakalase kuntiibalu ni kititɛɛbalu bɛ tɛɛ faɲafɔ seleyakan ɲininna Isa kanma, min yi se kɛla a faa kun ne.

Matiyu 27:1

Wo kɛnɛbɔ sɔɔmadanina, salakalase kuntiibalu ni kɛmɔbalu bɛ ka taa ai kun bilin i ɲɔɔ ma ka bɛn Isa faako ma.

Matiyu 27:20

Kɛɛ salakalase kuntiibalu ni kɛmɔbalu ka jama lɔsun, ko ai yi Pilati madiya ko a yi Balabasi bila ka Isa faa.

Matiyu 9:27

Isa bɔtɔla je, ɲagbɛ kɛ́ fila v'i wulila ka bila a kɔ gbanɔ le, ai vɛɛ: «Dawuda Bɔzɔn! Hena mɔ la!»

Malɛkɛ 11:18

Salakalase kuntiibalu ni seliya kalanmɔɔlu ka wo mɛn. Ai do tɛɛ Isa faako ɲaɲininna, kɛɛ ai tɛɛ siyanna a ɲa, kamasɔlɔn aa kalan tɛɛ jama kawakoyala.

Luka 20:1

Lon dɔ, Isa ka to mɔɔlu kalanna ani ka Samakan Kein lase lɔhɔlɔmabonba luu kɔnɔ, salakalase kuntiibalu ni seliya kalanmɔɔlu ni kɛmɔbalu ka na a ma.

Luka 22:2

Wo ma, salakalase kuntiibalu ni seliya kalanmɔɔlu tɛɛ Isa faako ɲaɲininna doon nɔ, kamasɔlɔn ai tɛɛ siyanna jama ɲa.

Luka 22:66

Kɛnɛ bɔnin, salakalase kuntiibalu ni seliya kalanmɔɔlu k'aiya kititɛɛjama ladɛn ka na Isa lalɔ ai ɲakɔlɔ.

Yohana 11:57

Wo k'a talan salakalase kuntiibalu ni Falisilu tɛɛ vɛ jamali di, ko ni mɔɔ min ka Isa dingila lɔn, wo tii y'a fɔ ai yɛ, fɔsa ai y'a mina.

Yohana 12:19

Wo lɔ, Falisilu k'a fɔ i ɲɔɔ yɛ, ai vɛɛ: «Ài y'a ye, ài tɛ se foi ɲiala butu, kamasɔlɔn dunuɲa bɛ vɛ bila a kɔ!»

Yohana 4:1

Isa ka kɛ a kalama mingɛ ko Falisilu v'a mɛn ko ale tɛɛ kɔbiladen siyama sɔlɔnna ka timin Yaya la k'ai mako kɔɔ kɔlɔ

Yohana 7:42

Jalasa a sɛvɛnin tɛ kitabu kɔnɔ ko Masa Tɔɔmasenin kɛtɔ Nabi Dawuda bɔzɔn ne le, ka bɔ Dawuda fɛso Bɛtilɛhɛmu?»