Matiyu 20:28 - Ala Ya Salatikan Kula Kitabu

²⁸ Wo boloɲa kelen ma, Mɔɔnivin Tanin gbu ma na fɔsa mɔɔlu yi kɛ aa bɔiden ne, mafɔ ale yi kɛ aiya bɔiden ne le, ani ka a nunakili di ka kɛ mɔɔ siyama kunmaka sala le.»

Matiyu 20:28 ပူးပေါင်းရင်းမြစ်များ

Matiyu 20:27

Mɔɔ min do a fɛ ka kɛ ɲamɔɔ le ài lɔ, fɔ wo tii yi kɛ àiya jɔn ne le.

Matiyu 26:28

Ǹ jeli le min ne, salatikan jeli, min bɔnnin mɔɔ siyama yɛ aiya julumbulu lɔkotoko lɔ.

Matiyu 8:20

Isa do vɛɛ a yɛ: «Diɲa yi jɛɛkani bolo, ɲaa yi kɔnɔni bolo, kɛɛ dingila tɛ Mɔɔnivin Tanin bolo, a a nɔningɛ tɛɛminja.»

Malɛkɛ 10:45

Hali Mɔɔnivin Tanin gbu ma na fɔsa mɔɔlu yi kɛ aa bɔiden ne, mafɔ ale yi kɛ aiya bɔiden ne le, ani ka a nunakili di ka kɛ mɔɔ siyama kunmaka sala le.»

Malɛkɛ 14:24

A do vɛɛ ai yɛ: «Ǹ jeli le min ne, salatikan jeli, min bɔnnin mɔɔ siyama yɛ.

Luka 22:27

A yi di? Bɔiden min yi gbadonna ani aa kuntii min siinin dɔnnikɛya lɔ, a jene buɲanin a dɔ le? Min siinin dɔnnikɛya lɔ, kɛlɛ? Wo bɛ n'a kɛ, ǹ kɛyine ài tɛma iwo bɔiden.

Yohana 10:15

iwo ǹ Fa ka ǹ lɔn teme, ani ǹ ka ǹ Fa fana lɔn ten ne. Ǹe do yi ǹ nii dila saalu ya ko lɔ.

Lɔmukalu 4:25

Isa donnin tɛɛ saya bolo ka bɛn maa julumbulu le ma, ka ban k'i wuli kɔtunun fɔsa m'i jate telenmande le Ala ɲakɔlɔ.

2 Kolɛntikalu 8:9

Kamasɔlɔn ài ka mɔ Tii Masa Tɔɔmasenin Isa ya nɛɛma lɔn. Hali a tɛɛ banaya lɔ, kɛɛ a k'a jɛlɛ kɛ bolokolon ne ka bɛn àiya ko le ma, fɔsa ài yi kɛ bana le aa bolokolonya fɛ.

Galatiyakalu 3:13

Masa Tɔɔmasenin ka mɔ kunmaka ka mɔ bɔ seliya ya daan kɔlɔ, kamasɔlɔn a k'a jɛlɛ bila daan kɔlɔ maa ko le lɔ, iwo a sɛvɛnin teme kitabu kɔnɔ, ko: «Mɔɔ mɔɔ si su dɛnnin kɔlɔman na, wo tii daanyine.»

Ɛfɛsikalu 1:7

Mɔ do kunmakanin a jeli bɔnko le fɛ, ani maa hakɛlu lɔ vɛ koto ka bɛn aa nɛɛma dafanin ne ma,

Ɛfɛsikalu 5:2

ka taama kanundeya boloma iwo Masa Tɔɔmasenin na mɔ kanula teme, k'a jɛlɛ di maa ko lɔ, iwo salaka sumadiyanin min lasenin Ala ma.

1 Timote 2:6

min n'a jɛlɛ bɔla salaka le ka bɛn mɔɔ bɛ kunmakako ma, min seleya dinin a waate bɛlɛ lɔ.

Tite 2:14

Ale le n'a jɛlɛ dila maa ko lɔ, fɔsa a yi mɔ kunmaka ka mɔ bɔ maa kɔnɔlɔgbeya bɛ lɔ, ani ka mɔɔlu lasɛnɛya a jɛlɛ yɛ minu sɛmɛdonnin kɛko ɲumalu ma.

Hebululu 2:10

Fen bɛ bɔnin Ala min nɔ, ani fen bɛ yi je ale min yɛ, a tɛɛ a fɛ ka den siyama fɛ bila aa magbiliyali la. A ka bɛn a ma ka Isa ya ko dafa tɔlɔyalu lɔ, min kɛnin ɲabila le aiya kisiko lɔ.

Hebululu 5:8

Hali Ala Denkɛ le tɛɛ a le, a ka kannabatoli makalan ka bɛn aa tɔlɔyalu ma.

Hebululu 9:28

wo boloɲa kelen ne ma, Masa Tɔɔmasenin fana na kɛla salaka le siɲa kelen ne le dein, ka mɔɔ siyama ya julumbulu bɔ ai ma. A do natɔ a siɲa filana lɔ, kɛɛ wo tɛnala kɛla julumbu lɔkotoko le, mafɔ ka mɔɔlu lakisi minu y'a nalon makɔnɔna.

1 Piyɛli 2:24

Masa Tɔɔmasenin gbu le na maa julumbulu tala a jɛlɛkanu falikolo lɔ kɔlɔman ma, fɔsa m'i sa ka bɔ julumbu fanga kɔlɔ ka niimaya kɛ telenmandeya yɛ. Daa minu ka bɔ a falikolo ma, wo le na kɛnɛya lasena mɔ ma.

1 Piyɛli 3:18

Masa Tɔɔmasenin fana ka tɔlɔya masɔlɔn siɲa kelen ne le ka bɛn adamadennu ya julumbulu ma. Ale telenmande na sala mɔɔ telenbalilu ya ko lɔ, fɔsa a tɛɛ ài madon Ala la. A do falikolo ka saya masɔlɔn, kɛɛ a ka niimaya sɔlɔn kɔtunun Nii Sɛnɛyanin sabu la.

1 Yohana 2:2

Ale le na kɛla julumbu lɔkoto salaka le mɔ yɛ. A do ma dan maa julumbulu ma dein, mafɔ dunuɲamɔɔlu bɛ ta.

Ko Lankɛnɛmayanin 1:5

Ado nɛɛma ni josolajii yi kɛ ài yɛ ka bɔ Masa Tɔɔmasenin Isa fɛ, min kɛnin sele lanande le, ani mɔɔ kunfɔlɔ min wulinin ka bɔ saya lɔ, ani dunuɲa masalu ya kuntii. Tanuli y'a yɛ, ale min na mɔ kanula, ka mɔ lafɛlɛ ka bɔ maa julumbulu ma a jeli sabu la.