Matiyu 2:11 - Ala Ya Salatikan Kula Kitabu

¹¹ Ai donnin bon na ka denni ni a ba Mɔyamu ye, ai k'ai ten bilin a kɔlɔ a batoko lɔ. Wo kɛ, ai k'aiya nafololu labɔ ka kɛ denni sama le: sanu, wusulan, ani kɔlɔmanjɛn sumadiyanin min tɔɔ yi ko milu.

Matiyu 2:11 ပူးပေါင်းရင်းမြစ်များ

Matiyu 1:18

Masa Tɔɔmasenin Isa sɔlɔnnin teme, wo le ne: A ba Mɔyamu maminayine tɛɛ Jusufu bolo, kɛɛ jani a yi taa kɛlasii la, wo k'a talan, a tɛɛ vɛ kɔnɔ ta Nii Sɛnɛyanin sabu la.

Matiyu 12:46

Isa ka to kumala jama fɛ, a ba ni a dɔɔkɛlu ka na k'i lɔ luu ma, ko ai y'a fɛ ka kuma a fɛ.

Matiyu 14:33

Mɔɔ minu tɛɛ kulun kɔnɔ, ai k'ai ten bilin Isa kɔlɔ a batoko lɔ, ai vɛɛ: «Tuɲa le, Ala Denkɛ le i le!»

Matiyu 2:10

Lɔnnilalu ka loloni ye mingɛ, ai ka sawa kosɛvɛ.

Matiyu 2:2

Ai do ka mɔɔlu maɲininga, ai vɛɛ: «Jahudiyalu ya masakɛ min sɔlɔnnin kula le, a yi min ne? Mɔ na aa loloni yena telebɔ fannɔ, wo le n'a kɛla, mɔ nanin a batoko le lɔ.»

Luka 2:16

Ai do vɛ taala ɲagba le ka Mɔyamu ni Jusufu talan, ka denɲanin lanin ye kolofennu ya dɔnnikɛfen kɔnɔ.

Luka 2:38

Wo waate kelen nɔ, a k'i madon denni wolobalu la. A do vɛ balika bɔla Ala yɛ, ani ka to denni ya ko fɔla mɔɔ bɛ yɛ, minu tɛɛ Jelusalɛmu kunmaka waate makɔnɔna.

Yohana 19:39

Nikodɛmu, min ka taa Isa ma su lɔ, wo fana ka na basi sumadiyanin kilo bisawa (30) jate le, min ɲaaminin tɛɛ milu ni alowe le.

Ko Lankɛnɛmayanin 19:10

Wo fɔ mɛlɛka bolo, ǹ ka m̀ bilin a sen kɔlɔ a batoko lɔ. Kɛɛ a do vɛɛ ǹ yɛ: «I kà wo kɛ dɛ! Bɔiden ne ǹ ne fana le iwo ile, ani i badenma minu bolo kɛnin Isa ya seleyakan na. I yi Ala le bato dein!» Kamasɔlɔn Isa ya seleyakan ne yi kelalu lɔla kelaya lasenko la.

Ko Lankɛnɛmayanin 5:8

A ka kafa mina mingɛ, niimafen naani wolu ani kɛmɔba muan ni naani (24) ka suudi ben Saa Bolan wo yɛ. Kɔni tɛɛ ai kelenkelenna bɛ bolo, ani sanu tasa min lafanin tɛɛ wusulan na, min taanin kɛla mumininnu ya Aladalikannu le.